ابو انس
12-22-2004, 10:33 PM
السلام عليكم يا أعضاء بلي
.
.
.
.
.
عندي لكم اليوم سالفه وقصيده قديمه
.
.
كان في احد الايام عقاب العواجي الفارس المعروف متخاوي في طرقه
هو وعمر ابا الخساير من البجايده وبالمناسبه عمر ابالخساير من فرسان عنزه المعروفين
وهو جد الشاعر والفارس ساجر الرفدي من جهة امه
.
.
.
.
.
كانوا متخاويين في الطريق ولما قربوا من منازل العربان تمنى كل واحد منهم
ان اول بيت يخطرونه يكون من جماعته حتى يشوف رفيقه مقداره عند جماعته
وشاءت الصدف ان اول بيت يكون من ولد سليمان جماعة عقاب
وكان صاحب البيت ولد يتيم ولا عنده الا امه العجوز
فرحب بهم وقلطهم وراح لامه وقال هذا شيخنا عقاب ومعه ابا الخساير وابي اذبح لهم
وكان ماعندهم الا يمكن خمس او عشر رؤوس من الغنم بالكثير
فقالت له امه ياولدي خل حلالك ينفعك ومايحتاج تذبح لهم وسمنها يكفي عن سمينها
فسمع الولد كلام امه
وكان حديث الولد وامه مسموع لعقاب وخويه
فغضب عقاب لهذا ومشا هو وخويه
.
.
.
.
.
وكان البيت الثاني اللي وصلوه من جماعة ابا الخساير
ولما رآهم صاحب البيت رحب بهم وقلطهم وذبح لهم خروف وبالحال
احضر عظم ساق الخروف حتى يعمرون به ورمالهم كيس التتن وكانوا يستخدمون العظم
مثل السبيل لتعمير الدخان
.
.
.
.
.
فحز في نفس عقاب اللي صار من الولد اللي من جماعته وقصد هذه القصيده
.
.
.
.
.
ياشمعة الصبيان عمر لنا البـــــوز == وطسه من التتن الغويري وناســــــــــه
طيب علينا من قبل كل منبــــــــوز== كيف اليا جاء الراس يغدي عماســــــــه
مع كبش مصلاح له العتل مركـوز== ومفرش لب اللقيمي لبـــاســــــــــــــــــه
يعبا لدسمين الشوارب اهل اـلروز == فكاكة المظهور يوم احتواســــــــــــــــه
ربعي اهل الردات ماضربهم هـوز== كم واحد بسيوفهم طاح راســــــــــــــــه
ماهم مشاورة العجايز على الكــوز== اللي سوالفهم دروب النكاســـــــــــــــــه
ويا أبالخساير مالنا في الردي عوز== ان طاب والا خاب يرجع لساســـــــــــه
خله يولي ينقلع بالف هامــــــــــوز== ربعي اهل الرده نهار الفـــــــراســـــــه
.
.
.
.
.
والعذر والسموحه منكم اذا نسيت شئ من القصيده
واذا احد عنده اضافات ياهلا ومرحبا
.
.
.
.
.
عندي لكم اليوم سالفه وقصيده قديمه
.
.
كان في احد الايام عقاب العواجي الفارس المعروف متخاوي في طرقه
هو وعمر ابا الخساير من البجايده وبالمناسبه عمر ابالخساير من فرسان عنزه المعروفين
وهو جد الشاعر والفارس ساجر الرفدي من جهة امه
.
.
.
.
.
كانوا متخاويين في الطريق ولما قربوا من منازل العربان تمنى كل واحد منهم
ان اول بيت يخطرونه يكون من جماعته حتى يشوف رفيقه مقداره عند جماعته
وشاءت الصدف ان اول بيت يكون من ولد سليمان جماعة عقاب
وكان صاحب البيت ولد يتيم ولا عنده الا امه العجوز
فرحب بهم وقلطهم وراح لامه وقال هذا شيخنا عقاب ومعه ابا الخساير وابي اذبح لهم
وكان ماعندهم الا يمكن خمس او عشر رؤوس من الغنم بالكثير
فقالت له امه ياولدي خل حلالك ينفعك ومايحتاج تذبح لهم وسمنها يكفي عن سمينها
فسمع الولد كلام امه
وكان حديث الولد وامه مسموع لعقاب وخويه
فغضب عقاب لهذا ومشا هو وخويه
.
.
.
.
.
وكان البيت الثاني اللي وصلوه من جماعة ابا الخساير
ولما رآهم صاحب البيت رحب بهم وقلطهم وذبح لهم خروف وبالحال
احضر عظم ساق الخروف حتى يعمرون به ورمالهم كيس التتن وكانوا يستخدمون العظم
مثل السبيل لتعمير الدخان
.
.
.
.
.
فحز في نفس عقاب اللي صار من الولد اللي من جماعته وقصد هذه القصيده
.
.
.
.
.
ياشمعة الصبيان عمر لنا البـــــوز == وطسه من التتن الغويري وناســــــــــه
طيب علينا من قبل كل منبــــــــوز== كيف اليا جاء الراس يغدي عماســــــــه
مع كبش مصلاح له العتل مركـوز== ومفرش لب اللقيمي لبـــاســــــــــــــــــه
يعبا لدسمين الشوارب اهل اـلروز == فكاكة المظهور يوم احتواســــــــــــــــه
ربعي اهل الردات ماضربهم هـوز== كم واحد بسيوفهم طاح راســــــــــــــــه
ماهم مشاورة العجايز على الكــوز== اللي سوالفهم دروب النكاســـــــــــــــــه
ويا أبالخساير مالنا في الردي عوز== ان طاب والا خاب يرجع لساســـــــــــه
خله يولي ينقلع بالف هامــــــــــوز== ربعي اهل الرده نهار الفـــــــراســـــــه
.
.
.
.
.
والعذر والسموحه منكم اذا نسيت شئ من القصيده
واذا احد عنده اضافات ياهلا ومرحبا