محاورة منيف منقره وعبدالرحمن خضيرالرشيدي

[ابراهيم سليمان اللوط]

ا
لمحاوره التي جرت بين الشاعر منيف منقره والشاعر عبدالرحمن خضيرالرشيدي الموافق 6/8/1429ه بقصر التاج للاحتفالات بتبوك على زواج ابن الشيخ راشد العطوي
عبدالرحمن:
يا سلام الله سلامن ما يقال الا محله
لرجال اللي لهم بالمعرفه قدر ومقامه
قدموا لمنيف ياهل المعرفه فنجال دله
ودنا ناخذ علومه فاليمن ولا بشامه
منيف :
مرحبا ترحيبتن لا سمعهـا الغـادي تدلـه
في محل اهل النقا واهل الوفا واهل الزعامه
يا رشيدي هرجتك بيـن المعـزه والمذلـه
لكن انك ما عليك اخلاف وابشر بسلامـه
عبدالرحمن:
بارك الله برجال اللـي كمـا نجومـن مطلـه
ودري ان المحترم يفرض على الناس احترامه
واعرف ان النجم لا حول على ضلعـن يهلـه
وانت وشبك تطمر من عدامـه فـي عدامـه
منيف :
قلتهـا واقولهـا دور مغـفـل تستغـلـه
بكره انلوط الجمل واعطيك قطعه من سنامه
انت لو تارد على الماء رحت حلقك ما تبله
لك علامه من ثمان سنين هي نفس العلامه
عبدالرحمن:
اعرف ان منيف رجال يشيل الحمـل كلـه
واخـر الايـام عيـن لا يشلنـه اعظامـه
ان وردنا الماء شربنا والوفي ما احدن يمله
وانت رجالن عليك عقال ما طيح العمامـه
منيف :
يا ملفات الخريطه بنشـرت فيهـا ترلـه
وترله حملها خفيف مثل ريـش النعامـه
الرشيدي حظـه القشـر معيـي ينعدلـه
كل ما يطري عليه منيف يصحي من منامه
عبدالرحمن:
الولد هذا لقينا صورتـه نـص المجلـه
والرشيدي يوم وصله ما جداه الا بتسامه
راس مالك ثوبن ابيض ما سكنت بكل فله
ورشى معروف ما بين المقامه والمسامه
منيف
انت ما شفناك لكـن جفـل الرحـال ظلـه
اللعب اللعب يا جودي والنور جلاي الظلامه

[أبو عبد الرحمن]

يعطيك العافيه على النقل المتميز
تقبل مرووري