المساعد الشخصي الرقمي

مشاهدة النسخة كاملة : عطونا شاعر زحزيح


الماهر
02-14-2009, 10:01 AM
ياسلام الله سلام سليم من الـعطب=من هجوس الشاعر اللي يلين اله الصعيب

ويش راي اصحابنا في كثير من العرب=اغلب ارمـور العرب حار بدواه الـطـبيب
عبدالله سليمان الوحيشي
02-14-2009, 08:47 PM
حياك الله اخوي الماهر
واستلم الله لايهينك


مرحبا بالشاعر اللي لفاعنده طلب=قلت له يامرحبا واستمع له وش يجيب
العرب ياصاحبي بعضهم شكله نشب=نطلب الله يجعل الدين عزه مايغيب
الماهر
02-14-2009, 10:56 PM
تسلم وتدوم واستلم

يالوحيشي راحـت الدار والغازي سـلب = ارضـنا وارواحنا والنجي اصـبح غريب
واكثر ارموز العرب للاسف مثل الذنب= والشريف امن العرب ماجداه الا النحيب
عبدالله سليمان الوحيشي
02-14-2009, 11:58 PM
بعضهم مهموم والبعض الاخر منطرب=والمواقف تجعل الطفل من همه يشيب
وبعضهم للمقلب الشين يالماهر شرب=ثم صدق يوم قالو تراك انته حبيب
الماهر
02-15-2009, 02:10 AM
وانت صادق كل فاشل يعود للنسب=يفتخر بافعال جده وهو ماله نصيب
والمصيبه وقفته دايماً مع من غلب=والحبيب اللي ذكرته لعله للذهيب
عبدالله سليمان الوحيشي
02-15-2009, 08:48 AM
نصف قرن وحقنا ياحسافه منسلب=لين صار الجرح هادي بعد ماهو عطيب
واعتقد به يوم طيب وميعاده قرب=طاب للعربان وإلالعله مايطيب
الماهر
02-15-2009, 01:40 PM
نصف قرن الجرح ينزف ولا ظني نضب000والرجاء بالواحد اللي على خلقه رقيب
والـتظـاهـر بالـشوارع وتـرديـد الـخـطب000مايـعيد الـحـق ياكـود يـظهـر لـه طلـيب
احمد مصيليح العرادي
02-15-2009, 02:29 PM
اخواني الشعراء

عبدالله الوحيشي
والماهر
صحت السنتكما
وحنا متابعين لكم الله الله
عبدالله سليمان الوحيشي
02-16-2009, 11:04 AM
المعذره على التأخير

احمد الله دارنا دار الامن المستتب=والملك فيها ابومتعب كفو واصله عريب
قايد محنك وشعبه يحبه والسبب=انه من الشعب ياصاحبي دايم قريب
عبدالله سليمان الوحيشي
02-16-2009, 11:07 AM
اخواني الشعراء

عبدالله الوحيشي
والماهر
صحت السنتكما
وحنا متابعين لكم الله الله


الشاعر
احمد العرادي
صح بدنك ويهمنا متابعة شاعر بحجمك
لاعدمناك
والله الله بالصفوف

عبدالله الوحيشي
الماهر
02-16-2009, 12:25 PM
امننا هادي لكن امن الامه مظطرب=يالوحيشي وضع جيراننا وضعاً مريب
وابومتعب لاعدمناه محبوب الشعب=وحده ايكابد عــثاهـم ولا له مستجـيـب
الماهر
02-16-2009, 12:27 PM
اخواني الشعراء

عبدالله الوحيشي
والماهر
صحت السنتكما
وحنا متابعين لكم الله الله

سلمت ودمت وتهمنا متابعتك
عبدالله سليمان الوحيشي
02-16-2009, 02:13 PM
مامعك غير الدعاء عد مالنسناس هب=الزمان الشين شمسه عن الامه تغيب
وكان عندك حل هاته وعجل ياشنب=العرب في حاجة الحل للوضع الصعيب
الماهر
02-16-2009, 03:57 PM
مـع دعـانـا ودنـا للـمصـايـب نـحـتسب=نـنـتـظر حتـي يجي كل حصرمنا زبيب
والشعوب اتنزح اللي رثع فيه الجرب=تتحد مع بعضها ضد صهيون وصليب
ابو ابراهيم الحمودي
02-16-2009, 04:53 PM
المــــاهر والوحيشـــي

امتعتــونا ومتــابعــين

الله يعافيـــكم جميــعا
الماهر
02-16-2009, 04:58 PM
المــــاهر والوحيشـــي



امتعتــونا ومتــابعــين



الله يعافيـــكم جميــعا



سعدنا بمرورك لاعدمناك
عبدالله سليمان الوحيشي
02-16-2009, 07:35 PM
الجزيره دربها فيه ياكثر الشّعب=والطريق اللي يودي لها شكله كأيب
الجبار ه وضعها مانفع فيه اي طب=غّير الموضوع ياصاحبي وانته لبيب
عبدالله سليمان الوحيشي
02-16-2009, 07:46 PM
الحمودي
لاعدمتك ياغالي
الماهر
02-16-2009, 07:59 PM
اللبيب ايقول خذ علم صادق مقتضب000دارنا دار المعزه ولا نخشى الحريب
البلاء جـانا من اللـي تعـيرب واقتلب000ماعــرفـنا مـلـته مر هـر ومر ذيب
العذر والسموحه والنهايه عندك
عبدالله سليمان الوحيشي
02-17-2009, 12:01 AM
ماضي الايام كان الخوي مثل الذهب=خوته تصفى على طول فيها سريب
السموحه كان فالقول شي من العجب=نلتقي في خير كان اللقى لي به نصيب
الماهر
02-17-2009, 12:53 AM
اشكرك اخي عبدالله على مشاركتي المحاوره
والعذر والسموحه اذا بدرمني خطأ بدون قصد
والله يحفظك ويرعاك
عبدالله سليمان الوحيشي
02-17-2009, 07:01 PM
اشكرك اخي عبدالله على مشاركتي المحاوره
والعذر والسموحه اذا بدرمني خطأ بدون قصد
والله يحفظك ويرعاك


اخي الشاعر
الماهر
الشكر لك على هذا الطاروق الجميل
وماجاء منك إلاكل خير
نلتقي في محاورات قادمه ان شاء الله
وتمنياتي لك بالتوفيق