.... كـُـــؤوس الطـِــــلا ....

[سلطان البوي]

كؤوس / جمع كأس ,,
الطِلا / على حسب المزاج أو مقدار التعب ,,






؛

[سلطان البوي]

عفت القصيد ..وعفت حبره وطاريه=ماعاد بي حيل اضرب القاف بالقاف
جاريت .. ماحولي مجاري واجاريه=باريت ( طيفي بس ..!) من بين الاطياف
ماهو تنرجس .. (لا) .. ولاقُبح اواريه =يمكن ملل .. لنّي شعرت بتأفَّاف
فوق السحاب الطير هذي محاريه =ماله بالارض الاَّ مخالب عشا ضعاف
من يسلم بقلبه ويترك حواريه=مايرتكب عشق ويحسول به اطراف
مثل الوحش .. يااامسعده في برارية=حرَ النظر لاعاف في نظرته .. عاف






.

[سلطان البوي]

ملّ قلبي والقلم ملَّ الكتابة والرسوم=صار مابالعين (نون) وصار ماللكحل (ميم)
والورق طار وبناتي كل بنت تموت يوم=والقصيد ان ما انكتب > دمعي على خدِي عظيم
العزا طوَّل وانا مالي على الحسرة عزوم= واجمل الذكرى تعلَّ القلب وتثير الصميم
كل ليل آهيم وجد / وكل صبح اجتر لوم=وكل ماجرّيت لوم اندم على ليلي واهيم
















.

[سلطان البوي]

البارحة والعين يسهر بها ( لَوع )=والقلب ينهش في معاليقي ( لياع )
عيَّيت اسرِّج رايض القاف لايثوع=من خوف غمضة بين الاجفان تنثاع
والحمد لله نامت العين بخشوع=واصبحت امغّطها على شعاع وشعاع
الله يابو عايش ولايذلَّنا جوع=شفت الثلاث اللي على جالي جياع؟
أخيرهم فالطبع مرهف ودلُّوع=اليا احتمى الميقاف يهتلَّ الادماع













.

[سلطان البوي]

شفني هنا . . !
إسأل عيوني من متى وآنا هنا . . !
اللي حلم بك ماينام ومايطيب من السهر . .

خذ لك نظر . . !
خذ لك نظر واكتب على عيني سَنَاءاً وآ سَنَا . .
لو لمحة تفجَّ الظلام اللي وَلَجْني واستقرّ . .

[سلطان البوي]

ياطيبتي لو فيك لاموني الناس=مِنِّي عليَّ الطيب ماهو خسارة









































.

[سلطان البوي]

لو تضيق الحناجر ماتضيق الصدور=الموارد على الله والمساعي علينا

[سلطان البوي]

جيت غفلة آتختّل رمـش عينـي لايقـوم=واثري انّي آتختل لي ظبيـه فـي منامـي
مستريحة .. مستطيبـة .. للسوالـف والعلـوم=الكواكب مسهرتهن / طيب منهن واحترامـي
كَن وردة لونها احمـر واتمايـل بالنجـوم=واتضايق من بعضهن ضيّعنهـا بالزحامـي
هددتني عن منامي / واشهد انـي إمهـزوم=يافشيلة طـول ليلـي آتفاخـر بانهزامـي














.

[سلطان البوي]

.
















وش فايدة رفَّ الجناحين ياطير=دامك ركبت الريح .. سدِّل جناحك

























.

[سلطان البوي]

.









وحـّدوووه 00


لا إله إلاَّ انت سبحانك إنّي كنت من الظالمين 00





http://up2.m5zn.com/photo/2009/3/12/07/k5gyklcfl.jpg/jpg

لاوقّفت بيني وشملا والمدى مدّ النظر =طشَّ العنان وعطني يْديني بلا سرج وبلا

هذي عليها اركب سحابة ركضها : مطر مطر=برق ورَعَد /سوط و وَعَد/ عرض السما/ طول الفلا

كنَّ الحوافر _ لا رمت اربع لواحقها _ جمر=والراس سيفين ودِرِع /والصدْر حصن مزلزلا

والذيل كنّه راية الجيش العظيم المنتصر=والنقع يمطر لا علا / والضبح يطرب لا هلا












.

[سلطان البوي]

سلام من مبدا سِلِمت
واسلمت من مبدا السلام

خضعت للمولى وندمت
عن كل مكروه وحرام

واوحيت قيفاني وقمت
اسرج لها واربط لجام

ماهي حسوفي ولا انهزمت
ولا جروحي والغرام

هذا كتابي لا علمت
إنّي عزيز ولي مقام

يا قافي اللايم كرمت
مالك على الـ(00َ0) ملام

الـ( .....) يسكت لاقدمت
في حضرتك ماله كلام

يقبل عليك ليا زهمت
كله تذلل وانهزام

ياسيّد الستـَّات .... سِمت
تشري وتبتاع بظلام

نارك رماد اليا عزمت
ولا لك ضيوفٍ كرام

وانا على اوراقك بصمت
إنَّك على (...) تـُسام

شوف الرسايل لا اهتممت
وضقت في كل اهتمام

عضويتي لاطرت ..... حِمت
ماني مقيّد بالنظام

واذا تباشرتم بـ شَمت
حطّوا على صدري وسام

وان غلّبك حقدك ونمت
إحلم بأنَّك ماتنام

فسِّر ذهابي لاحلمت
إنِّي عزيز ولي مقام

[سلطان البوي]

أمس العصر بالساعتين الاخيرة=بين الأذان وبين تجهيز الافطار
قمت اتوجَّد لرمضان وهجيره=وانقض له من الروح وانظم له اشعار
وادوِّن ابياتي على ما استنيره=لعلِّهن في صفحة العمر تذكار
يامسرعه لمَّ الضحى والظهيرة=واعجل هلاله بالمغارب والاسحار
يالله تمهلنا من العمر خيرة=حتَّى نعيده بالتهجِّد والاذكار

[سلطان البوي]

وسهيل ( مايمطر) ولاحوله كسوف=لكنّ له قبله وله موقع وشان
( والنور) لو يحرج من الظلمة طيوف=مردِّه يقدِّي _ على الدرب _ الاعيان

[سلطان البوي]

عد كم ( مالم ترد) وشوف كم مرَّة ذكرتك=لم ترد / ولم ترد / ولم ترد/ ومانسيتك
يارفيقي ما أمنّ ليا تعذَّرت وعذرتك=بس كم ( مالم ترد) وكم اود انّي لقيتك
ليتني ممَّا شريت من النشاما (ماخسرتك)=وليتني ممَّا خسرت من النشاما (ماشريتك)

[سلطان البوي]

يالطيِّب اللي ماعليه وعلينا=غير السلام وياهلا مرحبابه
ماهو كذا نسمع إذا ماحكينا =وماهو كذا تحكي ب(لاينحكابه)
البارحة نضحك معك ( وش علينا) =الوضع طيّب> والغضب في نصابه
لكن يزلّ لسانك ويبتلينا= ماهو غلا .. هذا بَلى نبتلابه ..!

[سلطان البوي]

إن ماعرفت انشد هَلَ العرف عنَّا=وان ماجَهَلت اذكر نسبنا و وطنَّا
حنَّا البويَّات وأحَدنا البويَّا=صدر العلا المعمور أوَّل سكنَّا
الوِثر وسْيَيْد ورويعي وزوغان=والمدعم المعروف فينا ومنَّا

[سلطان البوي]

أيَهيــه يالحبر الذي ماهو حبر =وايهَيـــه يا هذا البياض الأسودا
أشخاص رقمية على (واحد صفر) =واطياف رمزيَّة تغمَّ المنتدى
عصري ذهب مدري ذهب مدري تبر= ولا ندا بعد الغياب الاَّ الندى

[سلطان البوي]

مشعل وش رايك بالكون
بدر يطل
وبدر يفل

ونجم يغيب
ورجم يصيب

وليلك يا مشعل مجنون







وش رايك في كوكب (نِبتن)
ذاك الأقصى الـ وَمض الخالي
داير في درب التبَّانه
حاير في حرب الأفلاك


كيف يجيب لظلّه شمس
وليل وبدر وصبغة دَمس


وعنصر هدروجين النار
وعنصر أوكسوجين المي

(ونبتن) خصبة
والطين اللازب والضي
وكائن حي .. !






قلّي وش رايك يامشعل
يا قـَبـَس الأقصى المقدام القادم من خلف الأجرام

قلّي وش رايك بالكون ؟

بدر يطل

وبدر يفل

ونجم يغيب

ورجم يصيب

وليلك يا مشعل مجنووون

[سلطان البوي]

إسمع كلام اللي مجرِّب وخابر=لن يرضا عنك النذل حتَّى تذلِّه

[سلطان البوي]

ســـلام مـــن مـبــدا الـمـحـبـة بـديـتــه=يـاصــل لاِبِـــن عـمّــي بــيــده ويــقــراه
يعـطـيـه عـلــم انّـــي بـحـثــت ولـقـيـتـه=بـيــن الـهــوا والـــدم يـاطـيــب ذكــــراه
الصـاحـب الـلــي مـثــل اخـــوي ان نـخـيـه=يـفـدانـي بنـفـسـه وانـــا بنـفـسـي افــــداه
والـجـيِّــد الــلــي لاعـطـانــي وعـطـيـتـه=يـمـنـاي فـــي جـيـبـه وجـيـبــي لـيـمـنـاه
عـبـد العـزيـز الـلـي عـلــى الـعــز صـيـتـه=مــن يـــوم مـاثـبَّـت عـلــى الارض مـاطــاه
عـبــد الـعـزيـز الــلــي لـيـامــا عـنـيــه=أعـنــي بـانّــه مـالــه امــثــال واشــبــاه
هـــذا ولـــد مـسـعــد فــــرج لابـغـيـتـه=تـبـغــى الــكــرم ولاَّ حـتـوفــك وبــلــواه
يالـيـتـنـي لاقــلـــت لـيــتــه ولـيــتــه=مـــا اقـــول لـيـتـه ماعـرفـنـا وعـرفـنــاه
(المسـتـحـيـل الـثـامــن) الــلــي حـجـيـتــه=يـامــا حجـيـتـك عـــن سِـمَــاه ومــزايــاه
الـنــار مـثـلـه فــــي حــيــاه ومـبـيـتـه = لكنها تعجز عن النجم تصلاه

[سلطان البوي]

واقول : انسى ! .. يقول الوقت لي : للـّه
................ على طــاري حـمـام الـدار تذكـرها