سوالف من الباديه

[بنت الشمال]

طفل صغيريتغزل في البنات

طفل من الباديه يتغزل في البنات
حرص شاعر الغزل محسن الهزاني قبل قرنين من الزمان على ابعاد ابنه الصغير عن هذا المجال ، فكان يغلق عليه البيت حتى كان ذلك اليوم الذي رأى فيه الطفل فتاه جميله من بنات جيرانهم اتت لأمه كي تسرّح شعرها،فسأل امه .....ماهذا ؟
فقالت الام: كي تبعده عن الاعجاب بالفتاة: هذا رأس الذئب!!!

فقال الطفل معلقاً:



الذيب ماله قذلةٍِهلهليـــــــــــــــــه *********ولاله ثمانٍ مفلجاتٍ معاذيــــــــب
والذيب ماتمشطه بالعنبريــــــــــــه ********* لاواهني من مرقده في حشا الذيـــب


فذعرت الام مما قال الطفل الذي لم يختلط بالنساء ، ولم يصل بعد لمرحلة التغزّل بهن، ولكنها عوامل الوراثة من الاب الذي حرص بعد ذلك ان يذهب بطفله الى (( المطوع )) واللي هو يدرس الاطفال علّه يتعلم شيئاً ينفعه ، وعندما راجع المطوع حروف الهجاء مع الطفل فوجىء باجاباته ،
فعندما قال له ((ألف)).. رد الطفل:

ألفٍ وليف الرووووووووح قبل أمس شفنـــــــــــــــاه
.................................................. ..... غروٍ يسلي عن جميع المعـــــــــــــاني


فقال: (( قل باء)) ، فأجاب الطفل:
الباء بقلبي شيد القصـر مبنــــــــــــــــــــــــــــــــــــــاه
................................................ وادعى مباني غيرهم مرهمــــــــــــــــــاني


فغضب المطوع وقال قل (طاء ياورع) فأجاب :
الطاء طواء قلبي من البعد فرقـــــــــــــــــاه
............................................. وياجعل يطوي قلبك الي طوانـــــــــــــــــــــــــي


زهق المطوع وقال انقلع الله يكفيني شرك..
ولما جاء أبوه ياخذه من عند المطوع أخبره المطوع باللي صار
وقال (أغسل أيدك منه .. ولدك هذا مابه طب)
وأقتنع أن ولده (مولي .. بالغزل .. يعني .. مولي)
وأول ما صار شاب زوجه راس الذئب
قصة وقصيدة الذيب والأخت ****وقصة وقصيدة الذيب والزوجة

قصة قديمة جرت على بنت من البادية عندما جاء اخوها فى نصف الليل قصدة ان يسرق ابل زوج اختة وعندما قرب من منزلهم قلد صوت الذيب وقام يعوي ،وسمعتة أختة ولكنها لم تستطيع ان تذهب علية خوفاً من حماتها اخت زوجها فقالت هذة الأبيات

يا ذيب ياللي جر صوت عوا به @@@@ مدري طرب وإلا من الجوع يا ذيب
يا ذيب لاتقهرك عنها المهابه @@@@ يـــا مجفل الغزلان حنا المعازيــــب
البوش كلة يم خشم اللهابـــه @@@@ في فيضة السرداح والبل عوازيب

فسمعتها حماتها فظنت انها تناجي عشيقها وانشدت الحماة

يا بنت ليا الذيب ينهشك بنيابة @@@@ يقذلك من بد البني الرعابيب
تراك مثل اللي جلب لة جلابة @@@@ لادارها السوام يلقى عذاريب

فردت البنت بهذة القصيدة موضحة الأمر لحماتها

وحياة جلاب المطر من ســحابة @@@@ اني عذبة مادخل عرضـي العيب
انا كما عد قليل شــــــــــــــرابة @@@@ مادوجت علية حرش العــراقيب
الذيب اخوي اللي يشيل الكسابة @@@@ يوم ان نجوم الليل مثل المشاهيب
واللي ظلمني جعلها في شبابة @@@@ وتــــــحدرة من عايات المراقيب


وقصة اخري وهي ان زوجا اضطر لمفارقة زوجتة بسبب خلاف بين قبيلتهما ولكن الشوق دفعه الى ان يأتي في احدى الليالي لزيارتها في ديارها البعيدة وعندما جاء قرب من منزلهم وقام بتقليد صوت الذيب وعوى ثلاثة مرات متتالية حينها عرفت الزوجة انه زوجها وخرجت لة وبعد اللقاء عاد الرجل الى قبيلتة وشاء الله ان تحمل هذة الزوجة من جراء هذا اللقاء . بالطبع لم يصدق اهلها ما قالته عن مجيء زوجها في تلك الليله فأتهموها بالسوء ......... ولقطع دابر الشك قاموا بدعوة زوجها للمجيء عندهم لمعرفة الحقيقة... وعندما جاء اليهم امسك اخوها الربابة وقال هذة الأبيات


يا ذيب ياللي تالي الليل عويت @@@@@ ثلاث عويات على ساق وصلاب
سايلك بالله عقبها ويش سويت @@@@@ يوم الثريا راوست والقمر غاب

ففهم الزوج الموضوع وقال هذة الأبيات

انا اشهد اني عقب جوعي تعشيت @@@@@ وأخذت شاة الذيب من بين الأطناب
على النقا والا الردى ما تهقويت @@@@@ أدوا ... حلالي يا عريبين الأنساب

وهكذا تم تبرئة الزوجة من الأتهام وعادت مع زوجها عزيزة ومكرمه
…............................
وانشاءالله انقل لكم قصص اخرى

[فايز ابن رويحل]

الله يعطيك العافيه بنت الشمال من جد والله قصص تجنن
يا ليت تزيدين من هالقصص ما اهو امر الا طلب
وتحياتي لك يا بنت تسلم يدينك

[سلمان العرادي]

السلام عليكم ورحمة الله وبركاته ... وبعد

بــنــــت الــشــمـــال

لك الشكــر أختاهـ لاتحافنا بهــذهـ السواليف الجميله

سلمت يمناك ولاعدمناك ... وبأنتظار أبداعاتك

سـلـمـان الـعـــــرادي

[محمود الجذلي]

بنت الشمــــــــــــــال ...

.
.
.
.
.
.
لا يسعني الا ان اقــــــــــــول..
.
.
.

.
.
.
أشكركِ كل الشكــر من أعمــاق قلبي ،،،.
.
.
.
.

يمكن غلا

[بنت الشمال]

بالبدايه اشكر الاخوان ابن رويحل وسلمان والجذلي على مرورهم الكريم ودامكم تحبون القصص والقصائد ابشروا فيها يالطيبين




هذا بلا ابوك يا عقاب/نمر ابن عدوان





السلام عليكم ورحمة الله وبركاته

هذه القصيده اشتهرت بين أوساط المجتمع وهي للشاعر نمر بن عدوان في رثائه لزوجته لكونه هو من قتلها بالخطاءحيث كان نمر ابن عدوان شيخ قبيلة بني صخر الذين يسكنون الاردن واكبر ابنائه يدعى ( عقاب ) وكانت زوجته لا تعصي له امرا ولم تقل له ( لا ) على طول العشر سنين اليقضوها مع بعضهم وكان يحب زوجته حب عظيم هي وفرس كانت عنده الي ما كان يقل غلاهاعنده عن حب لزوجته ولسوء الحظ ذالك اليوم نسيت ام عقاب ان تعشي الفرس ( تضع لهاالطعام ) ويوم جاء ابو عقاب نمر ابن عدوان قبل لا ينام سئل ام عقاب عشيتي الفرس وهينسيت تعشيها وما حبت تضايقه قالت ايه عشيتها يا بوعقاب وخافت ام عقاب اذا دري يزعل عليها ابو عقاب وهي ماتحب تزعله او تقول له " لا " المهم سوت حالها نايمه ويوم حست نمر انه نام وغرق بالنوم قامت وسحبت نفسها راحت تبغى تعشي الفرس شوي والفرس تصهل يوم حست بالزول المقبل فز ابن عدوان من نومه والا الفرس تصهل وعندها زول حسبهم حنشليبغون يسرقون فرس نمر لان الفرسه طيبه ومشهوره بطيبها المهم على طول سحب السلاح وصوب على الزول ورما الزول والا انها ام عقاب ما خذه طولها فارقت الحياه

يوم شاف انها ام عقاب طاح من البكاء عليها مهو مصدق انه قتلها بيده وهي اوفاء عشيرعاشره بحياته وما قالت له لا في يوم من الايام وما ضايقته بأي شيطول ايام عشرتها معها وقتلها وهي حرمت نفسها النوم تبغى تعشي فرس. وكتب فيها هذه القصيده



البارحـة يــوم الخـلايـق نيـامـا


بيحت مـن كثـر البكـا كـل مكنـون

قمت اتوجد وانثـر المـاء علـى مـا


من موق عين دمعهـا كـان مخـزون

ولـي ونـة مـن سمعهـا ماينـامـا


كني صويب بيـن الأضـلاع مطعـون

وإلا كمـا ونـة كسـيـر السـلامـا




خلـوه ربعـه للمعـاديـن مـديـون

فـي ساعـة قـل الرجـا والمحامـا


في ما يطالـع يومهـم عنـه يقفـون

وإلا كمـا ونـة راعبـيـة حمـامـا


غـدا ذكرهـا والقوانيـص يرمـون

تسمـع لهـا بيـن الجرايـد حطامـا


من نوحها تدعـي المواليـف يبكـون

وإلا خـلـوج سايـبـه للهيـامــا


على حوار ضايع في ضحـى الكـون

وإلا خـلـوج سايـبـه للهيـامــا


على حوار ضايع في ضحـى الكـون

وإلا خـلـوج سايـبـه للهيـامــا


على حوار ضايع في ضحـى الكـون

وإلا رضـيـع جـرعـوه الفطـامـا


توفـت امـه قبـل اربعينـه يتمـون

عليـك يـا شـارب لكـاس الحمامـا


صـرف بتقديـر مـن الله مــأذون

جاه القضاء من بعـد شهـر الصيامـا


صافي الجبين بثانـي العيـد مدفـون

اكسوه من بيض الخرق ثـوب خامـا


وقاموا عليـه مـن الترايـب يهلـون

راحـوا بهـا حـروة صـلاة الامامـا


عند الدفـن قامـوا لهـا الله يدعـون

برضـاه والجنـه وحسـن الختـامـا


ودموع عينـي فـوق خـدي يهلـون

حطـوه فـي قبـر غطـاه الهـدامـا


في مهمة من عرب الامـات مسكـون

يـا حفـرة يسقـي ثـراك الغمـامـا


مزن مـن الرحمـة عليهـا يصبـون

جعـل البختـري والنفـل والخزامـا


نبت على قبـر بـه العـذب مدفـون



مرحـوم يالـي مـا مشـي بالملامـا


جيران بيتـه راح مـا منـه يشكـون

يا وسع عذري وأن هجـرت المنامـا


ورافقت من عقب العقل كـل مجنـون

أخـذت أنـا ويـاه عشـرة اعوامـا


ما مثلهـن فـي كيـف مالهـا لـون

والله كنة يـا عـرب صـرف عامـا


يا عونة الله صـرف الأيـام وشلـون

وأكبـر اهمومـي مـن بـزور يتامـا


وإن شفتهم قـدام وجهـي يصيحـون

وأن قلـت لا تبكـون قالـوا علامـا


نبكـي ويبكـي مثلنـا كـل محـزون

لاقلـت وش تبكـون قـالـو يتـامـا


قلـت اليتيـم ايـاي وانتـم تسجـون

قمـت اتشكـا عنـد ربـع اعـدامـا


وجوني علـى فرقـا خليلـي يعـزون

قالـوا تـزوج وانـس لامـه بلامـا


ترى العذارى عـن بعضهـم يسلـون

قلـت إنهـا لـي وفقـت بالـولامـا


ولو جمعتـم نصفهـن مـا يسـدون

مـا ظنتـي تلقـون مثلـه حـرامـا


ايضا ولا فيهن علـى السـر مامـون

وأخـاف أنـا مـن غاديـات الذمامـا


اللي على ضيـم الدهـر مـا يتاقـون

أو خبلـة مــا عقلـهـا بالتمـامـا


تضحك وهي تلدغ على الكبد بالهـون

تـوذي عيالـي بالنـهـر والكـلامـا


وانا تجرعنـي مـن المـر بصحـون

والله لــولا هالصـغـار اليـتـامـا


وخايف عليهم مـن الدجـه يضيعـون

لقـول كـل البيـض عقبـة حرامـا


واصبر كما يصبر على الحبس مسجون

عليـه منـي كــل يــوم سـلامـا


عدة حجيج البيـت واللـي يطوفـون

وصلـوا علـى سيـد جميـع الانامـا


على النبي يللـى حضرتـوا تصلـون



للشاعر :نمر بن عدوان رحمه الله

المهم عدت السنين وتزوج نمر ابن عدوان مره وكان يحاول يقنع عقاب ان المره هذي امه ( ام عقاب ) رحمة اللهعليها وكان عقاب وقتها بعمر العشر سنين حولهن على كلام الراوي المهم قال عقاب ماهي امي هذي يا بوي امي اذا انسدحت على ظهرها ادخل من تحت ظهرها الكوره وتطلع مع الجنب الثانيويقصد المكان الي بين الوروك وبين الخصر وامه كان مشهود لها بالجمال وزين عودهاوطيب اصلها سكت ابن عدوان شوي بعد كلام ولده وقالوهذا بلا ابوك يا عقاب
ومن يومها صار مثل مشهور الى يومنا هذا

نشوفكم على خير مع قصه اخرى

[حماد سعد السحيمي]

بنت الشمال اسمتعنا كثيرآ شكرآشكرآ عزيزتي

[معيض ابراهيم الرموثي]

السلام عليكم ورحمة الله وبركاته ة

بنت الشمال

يعــطيك العافيـــــه على السوالف والقصص البــــدويه الجميلة ..

الى الاماااااااام دوما

[محمد العثماني]

س1

مســاء الخير اختى بنت الشمال والله يعطيكي الف مليون عافيه
على هذه القصه الرائعه والجميله
واتمنى اختى بنت الشمال ماتحرمينا من هالقصص الرائعه
لانى من هواتها وارجو اختى ماتردين طلبي والله يعطيكى العافيه00
اخـــوكى ولد العثمانى 00

[ابو فهد العصباني]

لاهنتي على سرد القصص الجزلة لكن قصة الطفل الاول ماهي لمحسن الهزاني هذي طال عمركم قصة الشاعر

الكبير رحمة الله عليه ابن لعبون....وصحيح بعض المنتديات الشعريه لك عليها... ترا احيانا يحوسون

وينسبون القصيد الى غير قائله...



ابو فهد العصباني

[عبدالله سليمان الوحيشي]

بنت الشمال ابدتي وبدون مجامله انتي وماخطته لنا اناملك رائع
الله يعطيك العافيه

[فايز ابن رويحل]

بنت الشمال يا مال العافيه اي والله الله يعطيكي العافيه على هالقصص ومن جد تسلم ايدينك يا بنت
تحياتي لكي

[بنت الشمال]

ومن منا لم يردد مرارا هذا البيت


اللي يبينا عـيّـت النفـس تبغيه *** واللـي نبي عيّا البخت لا يـجيبه


ولكن القليل منا وأنا أولكم لا يعرف باقي الأبيات أو مناسبة القصيدة ومن صاحبتها

هي لنوره بنت حوشان كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً

لارجعة فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت


الزواج بعد زوجها عبود وذات يوم كانت تسير على طريقاً يمر بمزرعة مطلقها وبصحبتها أولادهـا منه وعندما مرت


مزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعوا من أبيهـم


فأخذتهم واكملت مسيرها وقد تذكرت أيامها معه وتذكرت من تقدم الى خطبتها بعد طلاقها ورفضها له ! ! فقالت


هذه القصيده



-->

ياعين هلّي صافي الدمع هليه ** واليا انتهى صافيه هاتي سر يبه

ياعين شوفي زرع خلك وراعيه ** شوفي معاويده وشوفي قليبـه

امنولٍ دايم الرايه نماليه ** واليوم جيّتهـم علينـا صعيبـه

وان مرني بالدرب ماقدر احاكيه ** مصيبتٍ يا كبرها من مصيبه

اللي يبينا عيّت النفس تبغيه ** واللي نبي عيّا البخت لا يجيبـه

........................................

هذه احد قصص النساء التي تدل على اصالة نساء الباديه وحرصهن على الخصال الحميده واعجابهن بذوي الهمم العاليه من الرجال ..

حيث ان مقياس الرجال عندهن هو الاخلاق الفاضله والحميده والصفات الجميله
من كرم وشجاعة ونخوه وحسن المعاشره ...

وليس المقياس عندهن بالمال والثروه والوظيفه والمكانه ..

هذه القصه جرت على احد نساء الباديه ...حيثت تزوجت هذه المراه من زوج
كريم وفارس وحسن العشره وكانت هي تحبه كل الحب...كان رجلاً يملك كل
صفات الرجوله من التقوى والكرم ...

لكنه كان يعاني من الفقر وضيق ذات اليد ...

ففي احدى المرات زارها والدها ,ولما راى ماهم عليه من قلة المال اشفق
عليها واخذها معه لتزور والدتها واخواتها ولتمضي عندهم بعض الوقت..

لكن والدها رفض اعادتها الى زوجها خوفاً عليه من الفقر وقلة ذات اليد..


وكانت هي تفضل ان تعيش عند زوجها على فقره ولا تعيشفي بيت والدها
مدلله مرفهه ,وذلك لما رات من خصال جميله في زوجها.

في أحد المرات سمعها والدها تتغنى ببعض الابيات وهي لم تشعر بوجود
والدها قربها ...الابيات هي ::::

يا من لعين حاربت سوجة الميل
على عشير بالحشا شب ضوه

عليك ياللي طبخته نصفها هيل
اللي سعى بالطيب من غير قوه

المال ما طيب عفون الرجاجيل
والقل ما يقصـر بـراع المــــروه

ياعنك ما حس الرفاقه ولا قيل
ذا مغثي ما ينزل حــول جــوه

له عاده ينطح وجيه المقابيل
هذي فعوله بالمراجل تفــوه

أجواد نسل أجواد جيل ورا جيل
الطيــب فيهــم من قديم وتوه

........وبعد ماسمع ابوها الابيات أعاده الى زوجها




أشوفكم على خير مع قصه اخرى

[سليم الجذلي]

السلام عليكم ورحمة الله وبركاته
بنــــــــــــــــــــــــــ الشمـــــــــــــــــــــــــال ـــــــــــت
شكــــــــــــــرأً لكــــــ اختنــــــــا:على هـــــــــــــ>ة القصص الجميلة،،،
التي تدل على اصالة هــــــــــــــؤلا النســــــــــــــاء ووفائهن لازواجهـــن،،،،

[بنت الشمال]

نشوفكم مع قصه اخرى ...

[بنت الشمال]

أصعب شيء في هذه الدنيا هو الفراق وخاصه لمن أحبوا وعشقوا ولكن القسمه والنصيب حالت دون أجتماعهم بمن أحبوا ودارت السنين وألتقوا بأبناء محبوباتهم وكانت هذه الكلمات هي أصدق تعبير عن ذلك







القصه ومافيها ان في واحد يحب وحده وغاب عنها ثمان سنوات ولما رجع للديره اللي بها حبيبته لقاها متزوجه وعندها ولد عمره تقريبا اربع سنوات وبالصدفه بنفس الساعه اللي سمع فيها الخبر كان جالس في عرس واحد من جماعته وشاف ولدها...

........ اسمعوا وش يقول
غبـت ثمـان سنين بحـل وترحــــال ...... غبت ثمان كلــهن مدلهــــــنه

قضيتــها بالحـب والشـوق رحـــال ...... شوق تحـده كـل يـاس وهمـــــه

وعقـب الثمـان اللـي بـرى الحـال ...... جاب الزمان الكارثه والمطمــه

جاني ولدهامبتسم من بيـن الأطفـال...... ومن بسمته عرفت انها بسمةامــه

شفت الطفل وصاحت بداخلي كل الامال..... بصوت عجزت بكتم الأنفاس المــه

ركضـت ودمعـي علــى الخــدهمــال ...... ومن كثر شوقي قمت بالحيل المه

وحين ماحظـنت الطفـل وبيـدي مـال ......شميت انا ريح امه بأطـراف كمه

والحين بنت النـاس في بيـت رجـال ...... وحـب على غيـرالشرف لي مذمــه

ارجع غريـب وسكنتـي بـر ورمـــال ...... امـوت واحيــاواندفـن مايهـمه



وسلامتكم
.................................................. .....




هاهي قصيدة للشاعر محمد القثامي يصف لقائه ببنت حبيبته ..!!

ويقول فيها :

يوم اسألتني قالت من انت ومنين *** دار الحديث وطال معها نقاشي

وناظرت فيها نظرة العين للعين *** واخفيت عنها حيرتي واندهاشي

طفله بعد ماتمّمت عشرة سنين *** منطوقها يروي الكبود العطاشي

في وجهها بدر ٍ جمع ورد مع تين *** مِنور حلاه ولاغشاه الغباشي

والشعر ليل ٍ لافترق صار ليلين *** مسترسل ٍ مابان فيه انكماشي

والعين عين اللي كفخ بالجناحين *** عين اشقر ٍ ماطاوع لكف لاشي

قلت اسمعيني ياورود الرياحين *** أنا غريب ولاظلم الليل ماشي

أنا بدوي ٍ يعشق البل والظين *** وبماكر اهل العز باسط فراشي

أسوق ركبي مع رجال وفيين *** وانا لربعي مثل فيّ الغواشي

في لازمي يابنت ماقلت بعدين *** وبلازمي يابنت ياقو جاشي

ماني خوي اللي عن الحق غاوين *** أهل الخنا واهل العلوم الهشاشي

وان عذربوا فيني من القل واشين *** ماجيت اساير كل نمّام واشي

الفقر ماعذرب رجال ٍ عزيزين *** لو يسكنون خيام والا عشاشي

والمال مايرفع نفوس الرديين *** لو مالهم يملا كبار الخياشي

قالت وفيت وقلت ابسألك ذلحين *** منهم خوالك ؟ والا اقلك .. بلاشي

قالت بقول مثمن العلم تثمين *** خالي فلان وعجلت بارْتباشي

قلت اكتفيت وعقبها لاتقولين *** على عيوني مثل حوم الفراشي

واقفيت مثل اللي غلط بالعناوين *** يبغا يكحلها وصابه طماشي

واللي تبيّن لي ولاحتاج تبيين *** شي ٍ قديم وكنت عنه متحاشي

البنت هذي واظمن العلم تظمين *** بنت الهنوف اللي بها الفكر طاشي

اللي أشبهها بورد البساتين *** من عطرها الباهي يزيد انتعاشي

واللي خطاويها على العرف والدين *** واللي طرفها بالغدر مايناشي

واللي غلاها ساكن ٍ بين ضلعين *** واللي بطاريها يزيد ارتعاشي

عنها حدوني جامعين الملايين *** وانا خذلني في هواها معاشي

قفّو بها عني ضحى يوم الاثنين *** وانا دموعي مثل وبل الرشاشي

وحسبي على اللي فرقوا بين قلبين *** حتى غشا قلبي من الهم غاشي ...

[سلمان العرادي]

السلام عليكم ورحمة الله وبركاته ... وبه

بــنــــت الـشــمـــال

أجــدتي في الطرح أيتها الانـيـــقه .. سلمت يمناكِ ولا عدمناكِ

سـلـمـان الـعــــــــرادي