اهداء من .جلوي العتيبي. الى العقيد .متعب عبدالله ابو شامه.

[ابن عرفه الرموثي]

عزالله انك طيباً يابو شامه
طيباً ماهوب خروص والا تواهيف

***

دايم بفعل الطيب مرفوع هامه
ذيب الرجال اللي عديم التواصيف

***

منصا عرب من بيت عز وكرامه
مزبان من حده زمانه على الحيف

***

الطيب في صدرك ينادي وسامه
يابو سعد يا مكرم الجار والضيف

***

وطيبك على اللي ينكرونه ملامه
لانك من اللي يبذلون المعاريف

***

المجد لك منزال عالي سنامه
وتشرف اسمك واسم عزوتك تشريف

***

قبيلتاً يا عز منهم حزامه
وقفاتهم تنشاف يوم المواقيف

***

بلي ليا شال المجوخ حسامه
من وقعةٍ به شلفهم راح ما شيف

***

غني العتيبي صادقاً في كلامه
يمدح رجال بالمراجل شواحيف

***

لاقاصدٍ قصد ويرجى مرامه
الا عشق اهل الطيب لو هم من جنيف

***

وتم الكلام اللي بنيته على امه
وصلو على الهادي عدد باذر الريف

[فالح عايض السميري]

تحية يابن عرفة على نقل القصيدة ويستاهل ابو عبد الله هذا المدح

وصح لسانك يالعتيبي يابن الهيلا

تحياتي

[وافي زيدان الميهوبي]

يعطيك العافية

[سعد بن رشده السرحاني(رحمه الله)]

مع التحيه والتقدير
العقيد/ متعب عبدالله ابوشامه بالتأكيد يستحق
الثناء وماقيل فيه
نحن جميعاً نعتز ونفتخر بمثل هذا الشخص المتميز
كفرد من افراد المواهيب وقبيلة بلي
مع وافرالشكر والتقدير للشاعر وصاحب النقل

[عبداللطيف الزبني]

غني العتيبي صادقاً في كلامه
يـمـدح رجـال بالمراجـل شواحيـف
لاقاصدٍ قصد ويرجى مرامه
الا عشق اهل الطيب لو هم من جنيف

****************

وأنا أقول صح الله لسان العتيبي يوم غنى,,
ويستاهل أبو شامه,.,


ابن عرفه الرموثي
مشكور على النقل,,وتقبل تحياتي.

[حمودعبدالله ابوشامه]

أريد ان أشكرالعضو ابن عرفه

واريد ان اقدم له الكثير من الامتنان والتقدير

واكيد لن ولن اوفيه حقه ابد لو كتب عدد من الصفحات في مديحه

واعذروني اخواني على القصور

[خالد خلف السرحاني]

يستاهل المدح الاخ العزيز/ابوسعد لما يتصف به من صفات عده ولن يعرفها الا من عرف ذلك الرجل فله عندى بصمات رجوله ونخوه عندما كنا سويا فى حفر الباطن وفعلا يستحق اكثر من ذلك فله تقديرى واحترامى وسلامى الخاص .ويعطيك العافيه على تنزيل القصيده وابو سعد يستاهل معلقات شعريه

تحياتى للجميع

[مساعد عبيد الوابصي]

يعطيك العافيةعلى النقل ويستحق ابوسعد المدح