كيكة أم خماس ... تعالوا وشوفوها

[عود اللبان]

هالكيكة طولي بعماركن .. خذتها من منتدى ثاني وجربتهااا ومن حلاتها سويتها يمكن 3 مادري 4 مرات ما شاء الله الكل يطلبها .. حتى انها خفيفه ..

هي اصلن اسمها كيكة جلد النمر بس عاد اليهال عندنا يوم شافوها جان يسمونها كيكة ام خماس هههههه وقلت يالله ام خماس ام خماس =)

بكتبلكن المقادير حق كل طبقة اروحهااا سوري ماصورت الطريقه بس هي سهله وان شاء الله تفهمونهااا ..

مقادير الطبقه الاولى:
بسكويت مطحون انا استخدم اولكر طعمه حلو وخفيف + زبده + شوية ماي
ونفردها في الصحن ونساوي سطحها زين .. بالخاشوقه ولا الكوب

الطبقه الثانيه:
1قشطه + نص علبة حليب محلى نستله + 1 بيضه و شوية فانيليا + نصف كاس تمر( 10حبات ) +
ملعقه نسكافيه
نخلطهن بالخلاط ونحطهن على الطبقة الاولى وتدخل الفرن من تحت مدة ربع ساعه ومن فوق بس لين تتجمد وعادي لو تحمرت شوي بس عن تحترق ..

الطبقة الثالثه:
علبه قشطه + 4كيري + 3ملاعق حليب بودره + نصف كاس سكر
نحط شي بسيط من هالخلطه على الطبقه الثانيه بعد مانطلعها من الفرن شي بسيط بس عشان تغطيها بس ..

والباقي نغمقه بشوية نسكافيه ولا كاكاو بودره اللي تفضلينه سويه .. وبعدين انقط فيه الكيكه نقط كبار وصغار الاحجام اللي تبينها نقطي لين تشبعين هههههه وبعدين اللي باقي من الخليط زيدي عليه بعد شوية نسكافيه عشان يغمج اكثروبعد نقطي فيه .. يعني يكون شكله نفس جلد النمر .. صح تذكرت انا استخدمت الخاشوقه الصغيرونه مالت الشاي في التنقيط استخدمت طرفهااا ..

ان شاء الله بتشوفون الصوره وبتفهمون شو اقصد ^^

وبعدين حطيها في الفرن شوية لا تشغلينه خليها على حرارته بس عشان تتجمد شوية وحطيها في الثلاجه عشان تبرد وبس

وكانت هاي هي النتيجه .. ما شاء الله الكيكة عيبت الكل الكبار والصغار .. جربوها واايد حلوه

[نورة بلي]

يسلموووووووووو

اخت عود اللبان

[الرواسي]

يسلموووووو أختي عود
ويعطيك الله العافيه يارب :|for you|:

[سجى الليل]

تسلم الأيادي يالغالية

[خيالة بلي]

يعطيك العافية