الشاعر دعيس القريّد {قصيده في الكرم}

[طلال بن شليويح البلوي]

هذه قصيده للعم الوالد الشاعر دعيس بن فريج القريّد رحمه الله وغفرله يصف بها الكرم وحاولت نقلها بناء على رغبة بعض الأخوان علمآ ان الخط سيء جدآ ولاكني حاولت قدر المستطاع وارجوا ان لا يكون هناك اخطاء
ويقول فيها :



يالله ياالي كاشف كـــل الأســــــرار ,,,, يا عــارف كل الملا خافيـــاته
تعطي عطاك الي تمده بالأسحــــار,,,,, ماهو يدين رزقهن قاضبـــــاته
الجود له طرقن طويلات وقصـــار,,,يبلش كثير الناس في مميزاتــــــه
والجود لونه سومه عنــد تجــــار ،،،، يشاف من هابه وترقب شراتــه
يشريه من زنده على الجود مغيار,,,يبغى الطريق الي زلف سابقاتـــــه
جوده تشوفه بالشفايا والأنظــــار,,,, ومع التحيه بسمته في شفاتـــــه
يفرح حـــجاجه يوم يلفـــوه زوار,,,,,, فرحت حجاج الي لقي ذاهباتــه
الي بغى للجــود مدخل ومظهــار,,,,,,هذا طريق الجود وموصفاتـــــه
راع الكرم معروف في كل الأقطار,,,, الي ركب كوره ولا قط عصاتـــه
من مارقب زوله يعرف فالاخبــار,,,,,,وان مات عقبه باقيه ذكرياتــــه
ماهو البخيل الي غناته مع الجـار,,,,,,,اللي بمال الجار يرفي غناتــــه
ما احط في بنك الكرم ربــع دولار,,,,,,لسمى على الخيبه تقوبي عباته
ماهو شباب ماشين له على افكار,,,,,هذا نظر هذا وسوى سواتـــــــه
تلقى وناستهم على العود والطار,,,,,ولا على التلفاز ومسلــــسلاتـــه
وين الوناسه يوم ماتوقد الــــنار,,,,,واللي نهج عن شبها وش حياته

[حامد بن راشد الوابصي]

وين الوناسه يوم ماتوقد الــــنار,,,,,واللي نهج عن شبها وش حياته
.......
صح لسان ابو سلَيم ،،، رحمة الله عليه
ويعطيك العافيه طلال
لا تبخل علينا بالمزيد بارك الله فيك
.......
تقبل مروري

[طلال بن شليويح البلوي]

حياك الله ابو حمد
بارك الله فيك

[مسند دعيس القريد الوابصي]

رحم الله الشاعردعيس بن فريج القريد الوابصي والشاعردعيس له قصائد كثيره ليس موجوده باالمنتدى

[طلال بن شليويح البلوي]

رحم الله الشاعردعيس بن فريج القريد الوابصي والشاعردعيس له قصائد كثيره ليس موجوده باالمنتدى



جزاك الله خير

[سالم مسلم حمدان البلوي]

الله يعطيك العافيه يالغالي
والله يرحمه

[طلال بن شليويح البلوي]

الاخ سالم مسلم حمدان البلوي


جزاك الله خير ورحم والديك