خواطر شعريه

[خالد سالم السرحاني]

يشرح الصدر شوفه
اللي قباله يشرح الصدر ماشيف = واللي يغيضه كل حزه نشوفه
واللي لنا معهم علوم ومواقيف = هذا عقيم وذاك بقعاء تحوفه
وبالمعركه وان حل فارس بلا سيف = نهايته تال النهار معروفه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
استح على وجهك

أستح على وجهك وعطني مقفاك =ياللي على نفسك رضيت الأهانه
وجهك على قول المثل مثل علباك= مافيه غير الثعلبه والحصانه
وزعلك يخدمني ولا اتوق لرضاك =ماعاد لك في ساحة الصدر خانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
ملاحظة الصفحة مفتوحه لجديد الخواطر

[عبدالعزيز سعد العرادي]

صح لسانك
ويعطيك العافية اخوي خالد السرحاني

[خالد سالم السرحاني]

الله لا يهينك اخوي عبدالعزيز وصح بدنك

تشرفت

بمرورك المتألق

لك مني جزيل الشكر


ابو وليد

[الفقير الغني]

صح لسانك اخوي خالد
ودي اشاركك في خاطرة

لا ينفعك صوتك ولا قول ياليــت
ولاينفعك حبك ليا صحت ناجـــد
الكل وللا وغًبنته مالها صــــيت
كن الشماته ترسم الشخص ساجد
وكن الحبيب اليا بغى قال ماجيت
واليا بغى عظو عليه النواجــــد
ليه الكرامة طفلةٍ مالـــــــها بيت
مثل الفقير وماله الحــــــظ واجد

تحياتي لك وتقبل مروري,,,

[تركي الفاضلي]

أستح على وجهك وعطني مقفـاك

ياللي على نفسك رضيت الأهانـه

وجهك على قول المثل مثل علبـاك

مافيه غيـر الثعلبـه والحصانـه



يعطيك اللف عافيه
بانتظار جديدك

["أبوشامه"]

ابو وليد ابيات معبرة ورائعة لاتستغرب من شاعر فذ مثل أبووليد 0

[خالد سالم السرحاني]

"أبوشامه"

"ذيب الليالي"

أشكركم على المرور المتألق والردود الراقيه بمحتواها

كما

اشكرك أخوي

"الفقير الغني"

على المجاراه الجميله

[حماد عبدالله أبوشامه (متوفي رحمه الله)]

استاذنا القدير الشاعر الكبير

والانسان النبيل و النقي/أبووليد

عيدكم مبارك ..وعساكم من عواده

وكل يوم وعام وأنت بألف خير

وصحة وعافية ورحمة من الله

*صح لسانك يالغالي/خالد..

أسعدك الله دنيا وآخرة

**ختاماً:--


يابو(وليد)، اخباركم (شوقتنا) = وانا..و(خالد)ننتظر ..منك(مرسول)

مهما،الليالي ..يالعزيز (ابعدتنا)= نبقى، على عهد الصداقة ..على طول

سود الليالي، بالحياة اجهدتنا = مشغول ،فيها..وأنت .. بالوقت(مشغول).

***

أخوكم المحب/أبوعبدالله

2/10/1430
________________

[حماد عبدالله أبوشامه (متوفي رحمه الله)]

*أجدد محبتي الصادقة لشخصك..

وستبقى يابووليد من أقرب الناس الى قلبي:

وكل عام وأنت بألف خير وصحة

****

3/10/1430
_______________