من أرشيف الغزل

[خالد سالم السرحاني]

الله من قلبا"
الله من قلبا" همومه تلوفه = لوف الهبايب للبحور الغزيره
قلبا" يحب وضايماته اظروفه = ومن غير مابه واقفاتا"بسيره
لولا الكريفن يوم يدخل ألجوفه = في ثومته يكويه ساعة فريره
يمديه غادر ماكره للهنوفه = حظر على محبوبتا"له صغيره












رفـــيـــق الــشــبـــاب
رفيق الشباب اللي خذينا معه مشـوار=
مشى له قدم رجلي على غير معيـادي
غصيبه غصيبه لا كن أمشي مع التيار=
ظروفي كذا ماهي على الكيف ومرادي
رقيق المشاعر عارفا"وش ورى التذكار=
أخاف العواقب لاكن الحرص مافـادي
وحصل ماخشيته والضمائركلتها النار=
نتيجة ألم ذكراه لو كنت أنـا البـادي
ذكرت الزمان اللي معاها حلى وأمرار=
وأماكن لقانا من على التـل للـوادي
ولاني بقايل غير لا عـاد هالمسيـار=
عسى مايعود ولي معه قول كن عادي









تاج الجمال
سلام من قلبا" هواك أستلاجه =ياللي على جيلك تميزة بالتاج
تاج الجمال اللي قليلا"رواجه=ماكل غطروفا"يحمله إلى راج
ياناعس الطرفين لي فيك حاجه =كلمه قصيره يالغضي مابها أحراج
قلبي مريض الحب وأنته علاجه=عطى الدواء ولا ترى القلب ينعاج

[سلطان خلف السرحاني]

ياناعس الطرفين لي فيك حاجه =كلمه قصيره يالغضي مابها أحراج
قلبي مريض الحب وأنته علاجه=عطى الدواء ولا ترى القلب ينعاج


(( الله لا يجزا الغنادير بالخير ))
صح لسانك ابو وليد.
تقبل أطيب تحياتي,,,,

[عبدالعزيز سعد العرادي]

صح لسانك اخوي خالد
كلمات رائعة
شكرا لجهودك

[لافي السرحاني]

ابووليد صح السانك ويعطيك العافيه

[سلطان القنيدي]

الشاعر /خالد السرحاني




صح السانك





مقتطفات جميله من أرشيف الغزل





مودتي لك

[عبدالرحمن بن سهيه]

الله يعطيك العافيه يابوسالم لكن( الكريفين)وش معناها

[سعود السرحاني]

ابو وليد

صح السانـك

رائعـ بقصائدكـ

لاهنت

ننتظر المـزيد ،،،

[خالد سالم السرحاني]

فــعلا"

أنا فخور بردودكم

و

ومروركم المميز والتفاعل المستمر



لكم مني خالص الأحترام والتقدير

بدون أستثناء


الله لايهينكم
أبو وليد

ملاحظة :أخوي عبدالرحمن الكريفن هو
نوع من أنواع الدخان قديما" وأصبح من الأرشيف الآن