ياحسرتي كان الشهر .. خلص وانا كلي قهر

[عامر العامري]

الوقت وقتك يابطل .. من دنيتك لالاتمل
خذ ما تريده منها .. واترك ذلولن للرحيل


خلك مع الواقع صريح .. لا يعجبك كثر المديح
منه وش الي تستفيد .. غير الغرور اللي يزيل


العام قالو اغبيا .. واليوم قالو اذكيا
قلة حيا ماهو شعور .. علمن بدا منهم هزيل


الراي راي اللي حكيم .. يحكي ولكنه فهيم
ما غررو به بالفتن .. صارم وفعله ما يميل


في خاطري شيٍ طرا .. يوم الخطاوي بالثرى
وش جدد الحزن القديم .. يوم الزمن عيا يشيل


القلب جرحه ما يطيب .. حتى ولو راسي يشيب
مادامها الفرقا قدر .. ابسهر الليل الطويل


الي رماني وانردع .. كله سبب بعض البدع
جاهل وانا من هالرمي . ثابت وربي لي كفيل


طبع العرب ماهو ردا .. لو قصرو قلنا فدا
لكن تغير طبعهم .. واصبح مثالن للذليل


ياموتري خلك هنا .. لاجات ساعات العنا
لك فزعة عنها البشر .. تقصر وانا معها دليل


ابطرق الخط الجديد .. مليت انا من هالبعيد
يمكن احصل مطلبي .. وانا بهالشهر الفضيل


ياحسرتي كان الشهر .. خلص وانا كلي قهر
لا عاد عيدي ذا السنه .. ان صد هالرمش الكحيل


انا احاول والجفا .. اقرب من حدود الوفا
ياهقوتن عيت تصيب .. انا معرف المستحيل


اقبلت قدر المستطاع .. مبحر ولا عندي شراع
الموج عن حلمي حدا .. واصبحت بعيوني قتيل




بقلمي