الخطر القادم في mbc3

[عبدالله بن مساوي]

الخطر القادم في mbc3







استمرار لسقوط قناة mbcفي كافة قنواتها المنوعة فقد عرض يوم الخميس الماضي فلم خاص للأطفال بحكم تخصص القناة لهذه الفئة الغالية على قلوبنا الفلم أجنبي عن سباق سيارات ومن خلال الفلم يتم دس السم في العسل كما يقال تجد لقطات لايجوز أن يشاهدها هذه الفئة الغالية وهي عرض لشابة وشاب يقومون بتبادل القبلات فيما بينهما



كذلك أفلام الكرتون توضح لقطات كثيرة للباس البحر لا يجوز أن يعرض على قناة خاصة للأطفال وهذه العروض مع طول الوقت تبين أن هذه الأمور عادية عند الأطفال



وإذا عرف السبب بطل العجب حيث أن القائمين على هذه القنوات للأسف الشديد لا يعترفون بمبادئنا وعاداتنا الاجتماعية المحافظة فهذه الأمور عندهم للأسف الشديد يعتبرونها عاديه



أين الغيرة على شبابنا من قبل المسؤولين الذين هم من أبناء هذه البلاد الغالية لكنهم للأسف الشديد انغمسوا في أفكار هؤلاء المتحررين من المبادئ والقيم العربية والاسلاميه







لكل من شاهد هذا الموضوع أمل التكرم بنشره في الكثير من المنتديات حتى يتعظوا أولائك أصحاب تلك المحطة الفضائية التي للأسف الشديد تتحفنا كل يوم بسقطة من سقطاتها ألا أخلاقية

[فايز ابن رويحل]

ههههههههههههههههههههههههههههههههه ابن مساوي
مو انا لاني عاطل في البيت مسوي حظر تجول على الدش بالنسبه لاخواني الصغار تصدق ما يتفرجون الا انا
عندهم خصوصا ام بي سي 3
وتدري انهم يجيبون افلام فيها الخنازير ويسالوني وش هذا يا فايز
اقولهم هذا خنزير اللي حرام انا ناكله
ويسالوني طيب ليش يحبونه اللي في التلفزيون
تتوقعون ايش ارد عليهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كانهم يصكوني كف لاني بصراحه اعجز عن الاجابه واغير القناة
واغير الموضوع
تحياتي ابن مساوي سبقتني بالنشر

[فايز ابن رويحل]

تخبر فتحت لي موضوع هههههههههههههههههههههه
انا دايم على ام بي سي 2 والله في افلام تبين وش كثر ان المسيحين متسامحين
وانهم ما في مثلهم
وخصوصا افلام الرعب يوم يجي الدراكولا ويبي يهجم ويطلعون الصليب ومن يشوف الصليب
يهج ويحاول يتخفى منه
وغير من الافلام اللي تروع بس بصراحه الاعلام عندنا ما عندك احد
واجد الافلام لو اعدد لك يشيب راسك
<<<<<<<<<<<<<<<<<<<<<<<<<<<<<مجنون افلام

تحياتي ما لك انك تحذفها او تتابع معهم الافلام او تحط لهم قناة المجد
فيها برامج للاطفال حلوه وشيقه

[أبو أسامه]

السلام عليكم ورحمة الله وبركاته

الله يعين على برامج الدش حتى الاطفال ما تركوهم بحالهم.

بس زي ما قال اخوي فايز


عليكم بقناة المجد للأطفال والله قناة متعوب عليها.


ابن مساوي

لك الشكر

[ياسر حمدان المقبلي]

الله يكفينا شرها

[منصور علي العرادي]

ابشركم لا تنسون تتابعون الفلم الاجنبي ليلة الجمعة في قناة السعودية الاولى!!!!!!!

حنا ناقصين ...والله مسخرة

الاعلام بعهد الوزير الجديد متعدي الخطوط الحمراء!!!!
يازعم اني ابي اجذب اكثر عدد من المشاهدين!!!!!والحاصل العكس تماما !
انقلب التلفزيون السعودي انقلاب خطير في ظل الوزير الجديد الان تشاهد الاغاني والأفلام الاجنبية و....و....الخ الخ الخ الخ
واذا هذا التلفزيون السعودي فما بالك بالقنوات الفضائية؟؟؟

لكن مالك الا قناة المجد وبس

[أحمد بن حمودالعرادي]

الصراحه كلامكم كله عالعين والراس
وموضوع اخوي ابن مساوي يحتاج تعليق اكثر من كذا
وانا من راي ان لاتحط الدش في البيت كله لاتقول انا احذف قنوات والا احط رقم سري
جيل اليوم مافيه شي يوقف بوجهه
اسالك يا أب حريص على ابنائه ويا أخ حريص على اخوانه
تضمن انك تعيش اليوم كله ((كل نفس ذاقة الموت )
طيب اسالك انت يالي حاط رقم سري وتقول ابي اتابع الاخبار واشوف احوال المسلمين طبعاً كلها تصاوير وافكار ابليس ( متى كان ابليس حريص على المسلمين واخبارهم ...! ولا قناة المجد اخبارهم بالتفاصيل .
قبل لاتابع الاخبار في الجزيره ولا العربيه ولا الباقي ............ من الي يذيع الاخبار اصلاً ..................... لاتحقرن صغيرةً فان الجبال من الحصى
انت تقول هذي صغيره نظره ما تسوي شي اصلاً انا ماتفرج على المذيعه انا اتابع الشريط الاخباري ولمحه المحها . لاتكذب على نفسك معقوله قدامك انثى حاطه من المكياجات لما قالت بس وما تحط عينك عليها .
خلونا نكون واقعيين شوي
طيب لاسمح الله انت مت او سافرت هل تضمن عيالك أو اخوانك مايحطون القنوات الي انت جالسلهم عليها ومشفرها وداملن كبدهم بالاخبار.
اذا كنت تضمنهم هل تضمن ابليس الملعون مايجيبلهم افكار .
احب انوه ((( ان كلكم راعاً وكلن مسؤل عن رعيته )) صدقني راح تحاسب على كل صغيره وكبيره
وقال سبحانه ((( ووضع الكتاب فترى المجرمين مشفقين مما فيه ويقولون يويلتنا مال هذا الكتاب لايغادر صغيرةً ولا كبيره إلا احصاها ووجدوا ماعملوا حاضراً ولا يضلم ربك أحدً))))
اسف على الاطاله

[موسى بن ربيع البلوي]

السلام عليكم ورحمة الله وبركاته

تساؤل من يدير قناة الـ mbc و أخواتها غالبا من العرب النصارى ... ؟؟؟

و الحل :

لقد وجد البديل و أقيمت الحجة على الجميع فلا عذر لأحد عندما يسأله الله عن رعيته ؟!

قناة المجد للاطفال رائعة بمعنى الكلمة و تربوية أيضاً ..

و التساؤل لانفسنا : لماذا نصر على متابعة القنوات الفضائحية ؟ دعوها و أهجروها .

[عبدالله بن مساوي]

فايز بن رويحل

ابو اسامه

ياسر حمدان البلوي

منصور علي العرادي

احمد بن حمود العرادي

موسى بن ربيع البلوي

السلام عليكم ورحمة الله وبركاته

اشكركم لتواجدكم هنا ومناقشة هذا الموضوع الخطير جداً على فلذات اكبادنا وانهم والله لهدف لمحاربين الغرب عن طريق الاعلام وخاصة اعلام الاطفال
والخطورة تكمن فيما قاله الاخ الكريم ان في بعض الافلام يكون فيها لقطات مرعبه وعندما ياتون بالصليب في الفلم تخف هذه القطات المرعبه وهنا تكمن خطورة ذلك على الطفل عندما يعتقد بذلك
وكما اشار اخوي موسى بن ربيع ان للاسف الشديد جميع القنوات العربيه تدار من قبل عرب نصارى ومسيحيين وهم يستغلون ذلك لنشر معتقداتهم الدينيه
وفي النهايه اضم صوتي لصوت الجميع في متابعة قناة المجد بجميع تخصصاتها ففيها الفائده الكبيرة ان شالله

اشكر الجميع على تفاعلهم والله يكتب الخير للجميع ان شالله

[رشيد البلوي]

احسنت بطرحك للموضوع اخي ابن المساوي
ترى هالmbc بقنواتها الاربع صايره ما لها داعي وخصوصا قناة الاطفال غاثتنا
فيها رسوم يدعى يوغي يمجدون فيه الصليب وانه اذا حط الصليب على راسه عرف
بما يفكرون مثل ما قال فايز من غير لقطات الانحلال ويقولون قناة الاطفال
وليه نرمي اللوم ونقول اللي يديرونها نصارى لا أخوي تراهم مسلمين وشخصيات معروفه
وغني عن التعريف من يملك قناة mbcوحتى تلفزيوننا السعودي تقل أنهبل وركب الموجه
الله يرحم أيام المسلسل البدوي المغرب والمصارعه الثلاثاء الحين من تفتح عليه ما في غير المرأه
وحق المرأه ونشاط المرأه ..................وللا الفروسيه
الله يعين

[عبدالله بن مساوي]

اوسكار

س1

اشكرك لمرورك وابداء رأيك وتقبل تحياتي