قصايد الشيخ شليويح بن فريج القريد البلوي

[عاشق صمتي]

http://www.up-00.com/h1files/mWd15493.jpg



ياالله ياخالق الليل والشمس
تعطف علينا بالرضا والوفاقي
المؤمن اللي يعبد الرب والخمس
يحرص عليهن بالوفا والوثاقي
اللي يحمس البن يحرص على الحمس
يحرص عليه من النيا والحراقي
يا راكب اللي مشيهن بالمسا همس
عند المعارك يقشعن الطواقي
والراسي ياللي تقل مضروب في دمس
من كثر مايسمع من الهرج ضاقي
عزيل من شوقه مع الناس باللمس
مايشوق من حوله من العز باقي
الأولين علومهم مالها رمس
جميع ما بالدنيا مداه الفراقي
والقلب لامنه مات معتوه بالطمس
ماهمه اللي راح ولا ولا البواقي
عند اللوازم ينخزن كنه النمس
يعقب عن الجودات مثل العناقي
سبحان من سبح له الجن والإنس
خالق شجار تنعرف بالمذاقي
بعض العرب متكبر كنه اورنس
هرجه كثير ولا يعقب سواقي
كل العلوم الاوله مالها رمس
أصحابه شجعان عند التلاقي

[عاشق صمتي]

النساء بين الطاعه والعصيان

بعض الناس تزرع على الكبد عله
منكدة بالزوج دبت حياته
تبغا تصرف بالعمل مستقله
والزوج راعي البيت تترك وصاته
لسانها بالخبث دايم تسله
رجالها بالليل تحسن دواته
البعض منهن في بطن دله
وان قام صلى تخلفه عن صلاته
البعض منهن هيل في بطن دله
في بيتها مثل الرجل في عبادته
للجار مثل الغيث كلا يدله
بالطيب ترشد زوجها في سواتها
وفيهن كما الريجان شحه وخله
الطعم مر ومعذبا في شراته
وفيهن كما الحمضل تجيب المذله
مبهدلة بالزوج وده وهاته
وفيهن كما مزنه مطرها تهله
مها يبل الأرض وتكثر رعاته
نطلب كريما كلنا تحت ظله
يظلنا يوم القيامه رضاته

[عاشق صمتي]

القدس

يامسلمين القدس صارت نهابه
مشلحه ما بين ماجوس ويهود
اللي نهبها كلب ريس عصابه
شارون وعمه بوش للعدل صادود
متحضر للحرب حاسب حسابه
أموال أمريكا خلت الكلب نمرود
مغرور كلب الغرب فاقد صوابه
كلبا يحب الدم يا الكون مقرود
جميع مسلم صار ماله مهابه
من عقب الأقصى والحرم صار مهدود
تعدانا مليار واضح جوابه
نحرر القدس على وقت محدود
تراالجهاد يا ناس مفتوح بابه
والعمر واحد والأجل يوم موعود
من جاهد الكفار يكثر ثوابه
يوم القيامه ياجده عد ماجود
فعل العرب مشهود وقت الصحابه
مثبتين الدين في كل مجهود
من الفرات للنيل صفوا أترابه
صفو كبار الشرك والعلم ماكود
رسولنا اللي علمه في كتابه
شفيع الأمه يوم شاهد ومشهود
محطم الأصنام تهوى خرابه
من شان دين الله بالكون معبود

[عاشق صمتي]

الصمت أساس الضعف


كيف الدول تخشا تقول الصراحه
مهدده من بوش في زرع الإرهاب
جسما يعمل بالعرب في وقاحه
أفعالهم ما هو محسب لها حساب
جسما مريضا وزايدتا جراحه
مجبور يصبر على المرض طاب ما طاب
أراضي الميعاد صارت أشلاحه
اللي شلحها كلب الغرب نهاب
أمريكا اللي قوته في سلاحه
رئيس أمريكا للبلا صار جياب
مباغض الإسلام كثر أرماحه
ضربات سبتمبر خلت الكلب منصاب
بيذبح من الإسلام في كل ساحه
شارون حق وفيه للحق طلاب
لون العرب تلتم تسمع صياحه
ما يضيع حق وفيه للحق طلاب
ما يرجع اللي راح كثر النياحه
يطلب عوض ماراح من رب الأرباب
ياللي تخلق الليل والصبح زاحه
تعطف علينا بأرضاء وأنت جلاب

[عاشق صمتي]

الشهامه العربيه


سويت لي فنجال شيخ الفناجيل
بنه مصرهد فوق جمر الدلالي
حطيت له مسمار من جمله الهيل
إلى شربته ينشرح كل بالي
أنصح عيالي بالكرم والمعاميل
مطربات الضيف في كل حالي
الهرج الطيب والكرم له مكاييل
ميزان مثبت مرتفع بالعلالي
العلم الطيب ينقله جيل من جيل
وراثتا معقبه من غوالي
يا الله ياللي خالق الشمس والليل
واضع ذنوبي يا كريم الكمالي
تعطف عليه بالرضا كل ماعيل
تغفر ذنوبي يا كريم الكمالي
وين الربوع اللي تساوى على الخيل
ما خافوا العدوان في دوخالي
طلبت ربي يرزق الأرض بالسيل
حتى تربع للغنم والجمالي

[عاشق صمتي]

حوار بين القلب وصاحبه



واقلبي اللي بالهواجيس محتار
شرق وجنوب وغرب وشمالي
يقول لي خلك مع الوقت صبار
جميع ما بالدنيا مداه الزوالي
أقول له خلك عقلي مع الناس من دار
وأصبحت وسط الكون كني لحالي
ويقول لي خلك مع الخلق سيار
وقلبا يحب الخير بالخير عالي
وأقول له جسمي معك وأنت منظار
واحرص عليه وصاحبه وأنت غالي
ويقول لي حرصك ترا الوقت ديار
يجيك وقتا ما تحصل مجالي
وأقول له هون علي وأنت جسار
أخشى من الزلات وانته تسالي
ويقول وش مطلبك وأنت دوار
وش مقصدك وأنا الرفيق الموالي
وأقول له شفي مع الناس طيار
وأشوف ما بالكون فوق الرمالي
ويقول لي هون ترا الوقت منشار
الوفت ذاهب ينحسب بالليالي
وأقول له ودي مع الخلق زوار
نحج بيت الله فوق الرحالي

[عاشق صمتي]

الجوال



ياناس أنا عايف الجوال
لأجل العذاري يشيلننه
رقبت شيئا منه منهال
شيئا عيوني يشوفنه
أونست قلبي يجول بجال
كل الهواجيس وردنه
بغيت أسافر مع الجمال
عروق القلب ردنه
خبرت درب الهوى قتال
أنصح من اللي يخوننه
طلبت ربي يستر الحال
عقب الشفا يدخل الجنه

[مسند دعيس القريد الوابصي]

الله يطول في عمر الشيخ شليويح القريد
وعمنا الغالي شاعر حكيم
ونتعلم منه

[مسند دعيس القريد الوابصي]

وين الربوع اللي تسوى على الخيل
ماخافوا العدوان في دو خالي
الله يعطيك العافيه يا ابو طلال

[سالم مسلم حمدان البلوي]

يعطيك العافيه
وصح لسان الشاعر