قصيده لأخي وصديقي المبدع صالح السحيمي .. [الأرشيف]

صالح المشيعلي

01-24-2010, 09:51 PM

يامــيتي واااااااااااااااااا

آقـف على راس القلــم والكتابه

يامــيتي وان كان للعشق كتّاب

واصرح انا بحبي من دون مهاب

إليا رضيتي وش اللي عقب أهـابه
عشاني يايمه عشتي بين الاغراب
وشفتي السود مثل سـود الغرابه
أي والله احـبك يابـعـد الاقراب
وحـبي لك تعدى حــب القرابة
عهدٍ علي وان ماوفيـت انا كذاب
وقولي صـالح كذاب يموت بكذابه
اقول وعيني ترتقب مشي السحاب
إني لعزك فوق حـدود السـحابه
واني لجيك واقطّع لجــلك أجناب
والقوي يايمه مايداحم جـــنابه
غديت بعصري مثل حجاب وعقـاب
واللي يغلط يعرف إن عندي عقابه
يايمه وان كان مت وجوكم الاصحاب
ضيفوهـم وقلـطوهم عز الصحابه
تراهم أخواني بـدون قرب الانساب
ياكم قـريـبٍ نبغى بفـقد النسابه
يعزون بعمود البيــت كل الاطناب
ويجي عـمود ثـاني يشد الطنابه
يايمه بموتي تفرح كل الاذنـــاب
وهذي يايمـه ترى اطباع الذنابه
انـا ادري مـــني بتجرح الاهداب
من الدمع والقاسي غرقت أهدابه
وأنا أدري إنـه ورى كل باب مخلاب
وأبغى أداحم ولو بين بي مخلابه
لان الولي يقـول اتــخـذ بالاسـباب
والموت واحد ولو تكثر أسبابـه
تكفين لامـت وهلـو فوقـي التـراب
تجين قـبري وتاطين فوق ترابه
ثم امسحي يايمـه من فــوق الانصاب
واجلسي وفضفضي عـند النصابه
واليا امسى الليل روحي واقري لي الاحزاب
وادعي لي الله هازم الكفر واحزابهِ

[/center]