الله .............على أيام زمان

[رشيد البلوي]

ومرت أيام زمان

وش رايك نسترجع أيام زمان مع عصرنا الحالي ,,,

يعني مو بعيده أيام زمان بس قبل 50 سنة تقريبا ...





(( الشهادة والتعليم ))

زمان ... كانت الشهادة >>>>>>شهادة رابعه أبتدائي تنفع وتخليك مدير ..



هالوقت ... الشهادة الجامعية لوحدها ما تكفي ولاّاا تصير زي واحد معه محو أمية ,,,

(( الريال ))

زمان .. الريال كان له قيمة حتى الهللة يستفيدون منها



هالوقت ,, الريال صار ما يجيب الا بيبسي ,,,



(( الزواج ))

زمان .. كانت أمور الزواج ميسرة وقليلة العنوسه ...>>>>>> وأبو البنت محد قده الشباب كلها أتخدمه



هالوقت ... العنوسة تزيد كل سنه والزواج تكاليفه تهد الحيل والبنات على قفا من يشيل وابو الولد أرتفعت أسهمه



(( الأغاني ))

أغاني زمان كلها شعر وكلماتها تدخل القلب والعقل ... وما تنتهي صلاحيتها ..

أمـــــــــــا

أغاني هالوقت سواليف ... قلي وقلت اله ,,, وتعال لما أقولك وش فيك علينا زعلان ....!!!

ولاّااا برتقاله عذبتي حاله ويا الرمانه ويالتفاحه و و و >> فواكه

وبعدين يالكوسه ويالبيذجانه >>> للي منقهر من حرمته ...







((( المسلسلات )) >>> التمثيليااااات

زمان ... تنتظر حلقة بكرا على أحر من الجمر >>>>>>الله على وضحى وبن عجلان وأصابع الزمن لما ضيعوا ولدهم في تونس



هالوقت ... مسلسلاتنا من أول حلقه تقول يلا متى تخلص وتجي الحلقة الاخيرة >>> ما فيه وقت نتابع ..



(( الحـــــــــب ))

حب أيام زمان آخره زواج ويكون صادق من القلب فيه تضحية واخلاص ..



هالوقت .. فيه حب بس نادر ما تلقاه صادق ...

الأكثريه يحبون بس يمشون بالمقولة اللي تقول ..

* اشحن سوا ..... نطلـــــــــع ســــــوا .....*





(( الجيران ))

زمان .. الجار للجار حتى يروحون معك للمناسبات ويشاركونك أفراحك وأحزانك ... وتحس اللي جنبك أهلك مو جارك ...



هالوقت .. الجار ما يدري عن الثاني !!!

و اذا طق عليك أحد قلت وش يبي هذا ؟؟؟ >> والله جيران مزعجين ...





(( الأكل ))

زمان ... كان صنف واحد يشبعك وطعمه ما ينتسى >>>>يا سلام على المناقع والفته والحنه



هالوقت .. تحط بالسفرة أكثر من صنف ولا واحد يشبع بطنك

و نصف صندوق الخضرة تاكله والباقي بالزباله >>> ذبحنا هالكيماوي





(( الوصل والأقارب ))

زمان .. كان بالبيت فيه أكثر من 20 شخص الأم والأب وعيالهم وحريمهم وبزارينهم >>> وعايشين مرتاحين ..



هالوقت .. كل نفر يبي غرفة لحاله ,,, وواذا تزوج وطلع ...

ما يزور أهله الا بالمناسبات على حسب أشغاله ...





((( العيد )))

زمان ... العيد يفرح فيه الكبير والصغير ويومه ما ينتسى ...



هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...



* * * * * * * * * * * * * * * * * * * *

هذا بعض من مقتطفات الحياة المختلفه ولكن لو خيّرت العيش بأيام زمان أو هالوقت الحالي ؟؟ ماذا تختار !!!؟؟؟

أنا ما عشت فيها بس ياريت ناخذ منها ونضيفها على أيامنا يمكن يسنع حالنا ...

وعلى قولة أهل الشام

رزء الله على أيام زمان >>>>>>>>>>>هيــــــــــــــــــــــــــــــــه يا زمان الشقلبه شقلبتنا

[أبو أسامه]

* اشحن سوا ..... نطلـــــــــع ســــــوا .....*

ههههههههههههههههههههههههه

أوسكار

كلااااااااااام جميل

فعلا كل شي بهالوقت تغير

[رشيد البلوي]

كلام جميل

بس اخي اوسكار الزمن تغير والمثل يقول ان ما طاعك الزمن طيعه

وفي وقتنا الحالي علينا مجاراة هذه المتغيرات