ذكريات القدر

[عز الرفيق]

بسم الله الرحمن الرحيم
ذيك اليوم كنت عند الوالده الله يطول عمرها قالت ياوليدى فك المخزن ابغاك تطلعلى اغراض منه
المهم
فتحت باب المخزن وكان كله غبار الاغراض مكركبه على بعض
طلعت للوالده اغراضها
فجاءه
جت عينى على قدر عندنا كبير حق المناسبات
كان منسي بعد الاتجاه للمنادي
تخيلت القدر انسان وحبيت ادردش معه
قلتله اخبارك
ايه
اخبارى ماتسر
بعد ماكنت معزز ومكرم عند اصحاب البيت والجيران وعند اهل العروس والرشايش والمناسبات
صرت منسي مثل منت شايف مثلى مثل النجر والمحماسه والبكرج والدافور
قلتله بس الوقت تغير
الناس صارت بدل طبخ البيت الطبخ صار بلمندى القهوه صارت بثلاجه بدل الدله المطحنه بدل النجر المحماسه جت بدالها محلات المحامص
الدنياء تطورة عن وقتكم انت اعدموك بلحطب هلحين غاز وكهرباء
رد بحسره امحق تطور
قلتله ابغا تكلمنى عن الكرم بوقتك
حسيت انه جته نشوه غريبه
قال
الكرم وقتنا كان من قل قلتله كيف اشرحلى
قلى كان الرجل يتعب عشان يحصل هلكلمه وانه رجل كريم معروف ذكره
كان الواحد ممكن يذبح شاة الحليب الى يحلبها لعياله من كرمه وصخاه
وكان الكرم بوقتنا يفرح فيه القريب والبعيد وكانت الذبيحه الوحده تكفى عرب بحالها
قال ونتم كيف الكرم عندكم
قلتله الكرم عندنا حدث ولا حرج الكل كريم
وصرنا نهتم بلكرم واجد قال كيف
قلتله صرنا نذبح بمناسبه وبدون مناسبه
قلى هاذ تبذير
قلتله اسكت لاحد يسمعك هاذ هو
كرم الايام هاذى
لحظة صمت
قطعها القدر وقال
اجل لو سمحت قفل
الباب ونسانى

[سعود السحيمي]

كلامك كله صح ..

التطور والمنادي جعلت القدر وغيره بالمخزن ..

والحمد لله على النعمه والله يازين طبخ البيت فرق عن المندي ..

بس فيه بيوت قد تكون صغيره كالشقق لايمكن الطبخ فيها ويكون مجبور على المندي ..

خلاص ماني قايل ان فيه حريم كسلانات مايطبخن فى البيت <<-- طيب قلتها

[عز الرفيق]

هلا اخوى سعود
فعلا ما شفنا المنادى وشفنا خير
والحريم بعضهن كسلان وبعضهن هابت ريح
شكر لمرورك
تقبل تحياتى

[جرووووح السنين]

موفق بإذن الله ... لك مني أجمل تحية .

[عز الرفيق]

هلا جروح السنين
الله يوفق الجميع
شكر لمرورك
لك تحياتى

[حمودعبدالله ابوشامه]

طرح جميل ورااائع

والله يعطيك العافيه

[شيهان بلي]

أيه يا خوي :|for you|: عز الرفيق :|for you|:

أما تطلع لنا بشغلات رهيبة تحرك فينا مشاعر كانت جامدة

أقولها وبكل صراحة ولو يزعلن بنات العالم كلهن
طبخ أمهاتنا والعجائز أفضل من طبخ بنات اليوم
سبحان الله طبخهن له زكاوة تختلف عن أي طبخ ثاني
أما بالنسبة للأيام هذي اتحدى إذا فيه أحد يطبخ لمناسبة في بيته

وإذا موجود فهو نادر ويصلح تجري معه لقاء كحالة شاذة

بس أخي عز الرفيق
ابغى اسألك ما لاح لك البريق إلى لونه أصفر وأخضر وأحمر

أو أبريق لونه أسود من النار تحصل له طعم رهيب حتى لو شكله أجرب من الخارج

ولا النجر

بالنسبة للقهوة بالثلاجة نقدر نقول الطعم عادي
بس بالنسبة للشاي إذا بالثلاجة ما ينفع ولا يخارج
إلا لما يكون في أبريق ويفضل يكون شبه أجرب له طعم

ههه :D

أضمن أخوي :|for you|: علي العقيص :|for you|:
يعارضك على كل شي قديم شكله مر في مأسى
لا يريد أن تذكرها

[مرزوق عبدالله البلوي]

:|for you|: :|for you|: السلام عليكم ورحمة الله وبركاته:|for you|: :|for you|:

عز الرفيق موضوع جميل كثر ماهوا مضحك كثر ما يحزن المنادي والمحامص خربن حريمنا وحنا ساعدناهن على ذالك أنا أعرف شخص طلق حرمته بس عشان رفظة تعشي ضيوفه .

موضوعك جميل ولك مني كل الأحترام والتقدير ,,,,,,,,,,,,,,,,,

[أبو مشعل الوابصي]

كلامك كله صح ..




التطور والمنادي جعلت القدر وغيره بالمخزن ..


والحمد لله على النعمه والله يازين طبخ البيت فرق عن المندي ..


بس فيه بيوت قد تكون صغيره كالشقق لايمكن الطبخ فيها ويكون مجبور على المندي ..



خلاص ماني قايل ان فيه حريم كسلانات مايطبخن فى البيت <<-- طيب قلتها


اولا الله يحفظ والدتكم اخي ابو سيف ويعطيها العافيه ويبارك لها فيكم دنياء واخره واعلم أخي وغيرك من يعلم أن الجنه تحت أقدام الامهات حفظ الله والدتكم واطال في عمرها0 ورحم الله والدتي رحمة واسعه واسكنها فسيح جناته أسئله بوجه العظيم الذي لايسئل به الا الجنه يستجيب دعوتي ويدخلها مدخل الصالحين في جنات النعيم انه بالاجابه قدير0
نعود للموضوع0
بالنسبه لهذا القدر المدلل والذي اعطيت له كل سبل الراحه ولا هو زارط النعمه برضه يحن ويئن على ايام الماضي الذي كان يشلهبوه بها بالنار باليوم مرتين على اقل تقدير 0
أذا ماتراجع عن الحنين والونين انصحك خذه زياره الى أحد المناجف وخله يشاهد ماهو حاصل لزملاه بعصر الغاز والكاز وهو يحسب الامور تكوي مثل اول بشوي حطيب 0
وبعد مايشوف الامر الذي تعانيه قدور اليوم سوف يحمد الله على السلامه والعافيه0
واذا لم يقتنع عندي حل هات الكبش والقدر والحطب لك يجابي والديره ربيع والطلعات هذا وقتها ياعز الرفيق0
تحياتي

[عز الرفيق]

هلا وغلا اخوى حمود
الرائع مرورك على متصفحى المتواضع
شرفنى مرورك دمت بخير

[عز الرفيق]

هلا وغلا شيهان
والله انك صادق مثل طبخ امهاتنا مافيه ولكن برضه اخواتنا فيهن الخير والبركه
اما ادوات القهوه والشاى خلها على تغيرت بشكل كبير
اول شيابنا الله يرحم الميت ويطول عمر الحى هم اهل الكيف ينقدون القهوه اذ ماهى زينه ويعرفونها
اما البريق الى تستفسر عنه موجود عند القاص
شيهان شرفنى مرورك
تقبل تحياتى

[عز الرفيق]

الاخ مرزوق
هلا وغلا
فعلا الطبخ خارج البيت خرب علينا حتى المناسبات ولكن هاذى سنة الحياه
شكرلمرورك
لك تحياتى

[عز الرفيق]

هلا اخوى ابومشعل
الله يحفظ لكل مسلم والدته ويرحم والدتكم وام كل مسلم
اخى
يخوى القدر تذكر ايام الطيبين شرواك وشرو الاخوان
وبينى وبينك هو قلى سر قال والله لو تسوو الى تسوو ماراح تلحقو جمال الكرم القديم ويازين النار
وقال خلها تنفعكم قدور الظغط الى جابت لكم الظغط
ابد يابو مشعل انا جاهز باى وقت حددو وقولو بسم الله
شكر لمرورك
لك تحياتى

[شيهان بلي]

حلوه أخي عز الرفيق
أما اللقاص


بس ذكرتني بموقف صار معي والله من بائع شكل عقله توقف في تلك اللحظة

قلت له عطني ماكينة حلاقة جاهزة

قال تبغى جديدة

قلت له ليه عندكم مستخدمة وتبيعها

البائع أجنبي ولو سعودي البائع نقول عباطه منه

[عز الرفيق]

هلاشيهان
لاتستغرب روح السوق الدولى وتشوف العجب
يرجال حنا مضحوك علينا من البنقاليين وغيرهم من العماله القذره المكومه عندنا
شكر لمرورك
تقبل تحياتى

[الكثير]

الله يرحم ايام القدور والصياني وبالنسبه للقدر اللي عند ام عبيد حفظها الله ومتعها بالصحه والعافيه اخذ حقه يوم الكرم له طعم والعيش غالي..وعسى الله يرحم صاحب
القدر والد الجميع ويجمعنا فيه بالجنه ويحفظ ذريته من بعده وتقبل تحيات اخوكم ومحبكم

[عز الرفيق]

[quote=الكثير;602085]
الله يرحم ايام القدور والصياني وبالنسبه للقدر اللي عند ام عبيد حفظها الله ومتعها بالصحه والعافيه اخذ حقه يوم الكرم له طعم والعيش غالي..وعسى الله يرحم صاحب


القدر والد الجميع ويجمعنا فيه بالجنه ويحفظ ذريته من بعده وتقبل تحيات اخوكم ومحبكم
هلا وغلا الكثير
الله يجزاك خير والوالد الله يرحمه تعرفه عن قرب
اما القدر تخبر ايام الرجال يوم الارنب
لكن الكرم هليام انت عارفه عز المعرفه
تقبل تحيات اخوك ابو سيف

[حامد بن راشد الوابصي]

يا عيني عليك يا عز الرفيق
،،،،،
طلع هالقدر وخله يداقش بزمنا هذا مع القدور
ولا خله بالمخزن يغوور
،،،،

وبالمخزن ازين له
لانه في زمننا هذا ما تعرف للكرم راس من رجلين





تحياتي يابن عمي

[عواد سلامه الرموثي]

الكاتب الرائع عز الرفيق موضوع اكثر من رائع وله نقاط رائعه جداً ودعني ابداء من اخر حديثك مع القدر




زمننا هذا الكرم ليقارن بالزمن السابق الفرق إن الزمن السابق كان الكرم للضيف أين كان الضيف ومهما كانت شخصيته لكن في وقتنا الحالي الكرم أما للو ضيفه التي يشغلها هذا الضيف أو لماله أو رياء ألا من رحم اللهـ




وللأسف أن أصبح إسراف في إسراف




وبغض النضر أن أكرام الضيف من شيم العرب ومن عقم الأهل ألا أن ديننا الإسلامي حثنا عليه




عن أبي هـريـرة رضي الله عـنه، أن رســول الله قــال: { مـن كـان يـؤمن بالله والـيـوم الآخر فـلـيـقـل خـيـراً أو لـيـصـمـت، ومـن كــان يـؤمن بالله واليـوم الآخر فـليكرم جاره، ومن كان يؤمن بالله واليوم الآخر فليكرم ضيفه


[رواه البخاري:6018، ومسلم:47 ]



وكذلك حذرنا ديننا من الإسراف في النعم




عمرو بن شعيب عن أبيه عن جده قال: قال رسول الله صلى الله عليه وعلى آلهوسلم (( كل واشرب والبس وتصدق في غير سرف ولا مخيلة (http://javascript<b></b>:OpenHT('Tak/Hits24012651.htm')) )) أخرجه أبو داود وأحمد وعلقه البخاري




ولكن للأسف أن ألان أصبح الوضع إسراف باسم الكرم إلا من رحم الله




ولعلك تنظر الفرق بين هاتين الصورتين





http://www.maktoobblog.com/userFiles/d/r/dr_abbas2007/images/70731954ne0.jpg




http://www.maktoobblog.com/userFiles/d/r/dr_abbas2007/images/10983112eg7.jpg




الموضوع رائع جداً وذ شجون ولعل لي عودة لذكر بعض النقاط ,,,,

[سيف شمالي]

عزالرفيق والله أني جعت 00 يازين العزايم قديمك نديمك لو الجديدأغناك 0 كان القدر يطبخ في الحوش ورايح جااااااااااااي على المرقه بكاسه شااي مع التمر فله وياعيل لا تحووووووووووووس الدنياء وهذا جااي وهذا رايح
وركض بشااااارع معك قطعه كبد والثاني معه الكرش شااارد 00000000 أيام راحت
والله يوم تطبخ في البيت لها طعم وذوق 000 لكن المطابخ مرض

[سيف شمالي]

تنوية 000
حتى الأسراف ماكان فيه سراف لعيشه تؤكل مهو الوقت الحالي لا طعم ولكن الحمد الله على النعمه

[نواف النجيدي]

من زمان القدر والحظ الفريد إلى زمن الصحون والأواني والمواعين وملى البطون ..
...!!
..
قدر يشكي من الغربة والكرم راح من زمن جده ..!
أما كرم اليوم كرم ( صحون وملى بطون )

...

..

..
نواف البلوي
.

[طلال بن شليويح البلوي]

عز الرفيق
لكل زمان ناسه وعاداتهم وطباعهم
وزين انك طاوعت القدر ورديته
أخاف انه يتغير هو بعد

[عز الرفيق]

هلا وغلا ابو حمد
صح كلامك الكرم بزمنا ماتعرف راسه من رجوله
وشورك وهداية الله ابى اخلى هلقدر يستدير بكم مندى عشان يترحم على زمانه الاول
شكر لمرورك
تقبل تحياتى

[عز الرفيق]

هلا وغلا ابو شليويح
معليك القدر هاذ ما يتغير مع الزمن
عارف قدره
تقبل تحياتى
وشرفنى مرورك

[عز الرفيق]

هلا نواف
الزمن هو الزمن والعيب ماهو فيه العيب فينا نحن
شكر لمرورك
تقبل تحياتى

[عز الرفيق]

سيف شمالى
كلامك عين الصواب وزمن العزائم الاوله راح يخوك راح
مع الزمن الجميل
شكر لمرورك
تقبل تحياتى

[عز الرفيق]

هلا وغلا ابو محمد
حقيقه شرفنى مرورك
وعشان اورطك مانى راد عليك حتى يكتمل رد
شرفنى مرورك
تقبل تحياتى

[عز الرفيق]

هلا سيف شمالى
فعلا النعمه كانت توكل ماهو زي اليوم كله لبرميل القمامه
اكرمكم الله
شكرلمرورك
تقبل ودى

[عز الرفيق]

قررت ارجعك مكانك الطبيعى