رحلة حرة عويرض ..

[الحزم الظامي]

السلام عليكم ورحمة الله وبركاته


أسعد الله مسائكم جميعا بكل خير ..


بعد أن من الله على بلادنا بالغيث واكتست الارض بالربيع
قمنا برحلة الى ربيع حرة عويرض مع مجموعة من الاخوان الغالين
هاضت قريحتي بهذهـ الابيات البسيطة ..


راكب اللي كن بسلفه نخاوي ..
لشتغل سون بلوفه منجويه ..
صوت شكمانه الى صفر يداوي ..
علة(ن) بأقصى الضماير داخليه ..
موتر اللي للقنص والبر هاوي ..
نومته وسط البلد ماهي هنيه ..
عاشق(ن) خوة بعيدين الهقاوي ..
زين شبة نارهم بأرض(ن) عذيه ..
عشبها توهـ مغومر بالمطاوي ..
نبت حرهـ ما أستوى بالارض زيه ..
وأخوياك قروم من ربعك نقاوي ..
مابهم واحد قطع هرجة خويه ..
يبرد الفنجال من كثر التلاوي ..
قمة التقدير برجال الحمية ..
جلستي مابينهم عندي تساوي ..
برج ابن مكتوم ولا الفيصليه ..


..


أخوكم / فهد الميهوبي

[عبدالله النبهان]

صح لسان الشاعر

[أبوشـوق]

صح لسانك يا فهد ونعم فيك انت وربعك

[رائد محمد السرحاني]

فهد الميهوبي


صح لسااانك قصيده وافيه بكل معانيها


شاعر بلا شك وفي انتظار جديدك

اخوك ابوعبدالله

[ثامر ظميان البلوي]

*

فهد الميهوبي

وصح الله لسآنك وطيب فآلك

أبيآت رآئعه ومليئه بأنقى وأعذب المشاعر الأخويه

لله أنت , وأدآم الله خوتكم

(:

[الحزم الظامي]

صح لسان الشاعر



صح بدنك اخوي ..

اسعدتنا بمرورك ..

[الحزم الظامي]

صح لسانك يا فهد ونعم فيك انت وربعك

صح بدنك ابو شوق ..

ماعليك زود ..

[الحزم الظامي]

فهد الميهوبي




صح لسااانك قصيده وافيه بكل معانيها



شاعر بلا شك وفي انتظار جديدك


اخوك ابوعبدالله


صح بدنك ابو عبدالله ..
أسعدنا مرورك ..

[الحزم الظامي]

*



فهد الميهوبي


وصح الله لسآنك وطيب فآلك


أبيآت رآئعه ومليئه بأنقى وأعذب المشاعر الأخويه


لله أنت , وأدآم الله خوتكم



(:

صح بدنك ..
وأشكرك على هذهـ الكلمات الرائعة والمرور الجميل ..

[فالح عايض السميري]

كلمات رائعة يالميهوبي

وصح لسانك

[مشعل بن مشحن السرحاني]

تصوير جميل وصح لسانك :|for you|: :|for you|: