الانتر والبرشا وشيء ماشفتوه

[الحسان]

فاز الانتر على البرشا في ملعب سان دوني بنتيجة مريحة ثلاثة واحد , وأحداث كثيرة واكبت المباراة , منها نزول لاعب الانتر الأسمر بالوتيللي في آخر ربع ساعة ... واللاعب هذا ياجماعة مكروه من جمهور الانتر بشكل ماتتصورونه ... وكان مستواه زي ماتابعتم المباراة سيء كالعادة وزاد غضب الجمهور عليه وصافرات الاستهجان وتابعنا كيف رمى الفانيلة على الأرض ورفع أصبعه الوسطى باتجاه الجمهور بحركة غير أخلاقية .

يوم طلعو اللعيبة من أرض الملعب وفي الممر قام ماتيرازي وهاتك ضرب ببالوتيللي حتى إنه شرد وماتيرازي يلحق وراه وهو قافلةً معه على الخال اللي أهان جمهور الانتر . يقولك ابراهيمو فتش شاف الحادثة أمامه وعلق بعدين على الحادثة بقوله
كيف يضرب ماتيرازي ويلحق لاعب عمره عشرين سنة لو كنت مكانه لطرحت ماتيرازي أرضاً . لكن تبون الصدق ماتوقعت إن بالوتيللي يشرد من ماتيرازي خصوصاً إنه صاحب بنية ودائما معصب يعني ملامحه شري . المهم أكلها الخال وليته يسلم من عقوبة النادي لإهانته الجمهور .

http://up101.9ory.com/v/10/04/22/11/57056659360.jpg

بالوتيللي

[ناصر الوابصي]

تبي الصحيح يستاهل الخال ,, شايف نفسه ماأدري على أيش

لامستوى ولا فكر ولا أخلاق , وفوق كذا يغلط على الجمهور

ههههه يستاهل ماجاه من ماتورازي ياخسارة جسمه ( لايغرك بالرخم كبر الأزوال )

والله غريبة من مورينيو إنه مقتنع في لاعب مثل هذا

يعطيك العافية ياالحسان

ودي وإحترامي

[سعود السحيمي]

الحسان

يعطيك العافيه على التغطية

[محمود الجذلي]

::

ماعلينا اهم شئ فاز الانتر وعقبال الاياب ,:)
وبخصوص اللاعب , مادري وش عندة هالخال متفلت ومسوي زحمة
لا زين لعب ولا زين شكل ,
بس يارب يتادب بقرار صارم ويفكونا منة

::

مبدع
تقديري لك