من احمد مصيليح الى عايد السميري طاروق جديد

[احمد مصيليح العرادي]

الى اخي الشاعرالكبير \\ عايد السميري
هذا طاروق جديد اكرب احزامك وانزل على الميدان
لو تكرمت

استلم لا هنت
الليلة الملعبه ودها شاعر فطين = وانا عيني على عايد يجي ميدانها
الشعر موروث جدي وجدك من سنين=كل شاعر له هوا يغتني بالحانها

[عايد السميري]

الشاعر والأخ الغالي
احمد مصيليح العرادي
ياهلا فيك
وقولك لي الشاعر الكبير : هذي والله اعتقد انها مجامله
وانا كما قلت لك اعليمي
اطامر الجرفه والرمث
واللعب معك تشريف طال عمرك

واستلم لا هنت


مرحبا ياهلا ياعل فالك يزين = الخيل بسروجها والهجن برسانها
مابها شك لاكن عـــدّ فوق البطين = وكل سلعه ترانا نعرف أثمانها

[عبدالله سليمان الوحيشي]

الله يعطيكم العافيه

والشباب ماسكين الصفه ومتحمسين

وشي يبهج الصدر ............ مشاء الله عليكم




عبدالله الوحيشي

[قاسم علي القويعاني]

يالله الليل ياشعار

[احمد مصيليح العرادي]

اخي الشاعر المبدع \\\ عايد السميري
هاه وش رايك شلنا الكبير وحطينا المبدع علشان خاطرك
يا ابو سالم ولو عاد ان الحقيقة انك كبير ومبدع ومميز
وكلماتك لا تدل على انك اعليمي لا والله انك اكبر من ذلك

المهم خذ عندك


الله الي يعلم الغيب والسر الدفين = لنه الي يحكم الناس حسب ايمانها
اقدم الخطوة ولا تنظر اشمال ويمين= والقبايل تعتزي في فعول اعيانها

[بدر الالبد]

عاشـــــــــــــــــــــو شعرنا

وانا في صفك احمد مصيليح العرادي

حيلك بعايد

دمتم بخير

[احمد مصيليح العرادي]

اخي العضو المميز \\\ الالبد
شكراً لك من اعماق قلبي
والله اني اتشرف انك في صفتي
مار تراك انت مدربهم من هذا ورايح
ويا ليتني احرز على عايد ولا اجاريه ياليت
ولك تحياتي
اخوك \\\ احمد مصيليح العرادي

[معيض ابراهيم الرموثي]

السلام عليكم ورحمة الله وبركاته

خلووووووووها يا صفوف

محاوراه رائعه من شاعرين رائعين ...

وابشركم قريبا ( شاعرين للمحاوره لاول مره في منتديات بلي )

(( ابراهيم اللوط ......القرعوطي ))

لا زلنا ننتظر مشاركتم هنا في ساحة المحاوره ...

تحياتي

[رشيد البلوي]

تحيه لشاعرين الكريمين على المحاوره الجميله

وتحيه لصفوف المحاوره وانا انضم لصفوف الشاعر

عايد مع اعجابي الشديد بالشاعر احمد مصيليح

[عايد السميري]

الأخ والشاعر المبدع

احمد مصيليح العرادي

شهادتك فخر لي

وهذا من طيبك طال عمرك

واستلم لاهنت


كان ماتعرف ايش الفرض من فرض عين = كعبة المسلمين ابعد عن اركانها
الرجل دام له / رايٍ / وفكرٍ / وعين = ينحر الطيبه لو مات بوزانها

[عايد السميري]

الشاعر والمشرف الحاضر الغايب : عبد الله الوحيشي
مرورك تشريف وكلماتك وسام فخر وين انت يارجل لا تخليني احدك لك بطاروق كامل الدسم ، مرتين وانا اللي ابدى باللعب واطلبك المهم ( قد اعذر من انذر )
______________

ابن الجزل : ياهلا فيك ويعلم الله ان حضورك يكفي عن الفين رجال الف شكر لك يالذيب وترانا سجلناك من ضمن شعراء المحاوره بنائاً على طلبك وننتظر البدايه منك وكلنا عليميه سمعت والا .. لا .. / قبل أستخدم معك القنابل العنقوديه ومسيلت الدموع : انا ادري انك ماتعرف الا الطباشير والتحضير / لاكن انتبه وابدا لك بطاروق والا عطني علم وانا ابدا والرزق على الله .

_____________


بدر الألبد : تشرفنا بحضورك : ولا تحدني لين أهجوك بقصيدة عصماء . ولا ابالغ ان قلت لك انني بقصائد ( الهجاء اسبب العمى ووقع حروفي سهام داء تصيب قلوب الأعداء وتفرح الأصدقاء ولا ينفعك ( احمد مصيليح ) وان جاب لك رشفةٍ من دواء ) . لذا لا توصيه بقصفي وذا تنبيه قبل وقوع البلاء .
ومهما ومهما جراء لك الود والأحترام وكل غلا .
وشكراً لك على مرورك ووقوفك بصف المبدع ( أحمد ) ويشهد الله انه كفو ويستاهل

______________

معيض الرموثي : مرورك تشريف وحضورك اكبر مكسب ودايم وعلومك تبشر بخير الف شكر لك ياغالي /

______________

رشيد البلوي : تشرفنا بمرورك وسعدنا بكلماتك الف شكر لك ودمت بخير .

[قاسم علي القويعاني]

عايد السميري

ابدأ الطاروق...خلنا انتعلم

[احمد مصيليح العرادي]

يا هلا ويا مرحبا بالشاعرين القادمين
ابراهيم اللوط و القرعوطي
وشكراً اخي ابو نايف على هذه البشرى الرائعه


الي اخي الشاعر \\\\ عايد السميري

استلم عندك


جنة الفردوس مثوى جميع الصالحين = اما جهنم تصطلي تلتهب نيرانها
انت ياعايد صحافي ولك فكرن ثمين= صورتك وسط المجله برز عنوانها

[عايد السميري]

يا أحمد مصيليح ماتجتمع دنيا ودين = والحقيقه ياوسيع المعرفه عانها

انت يا أحمد طيبن من رجالٍ طيبين = والشهاده منك سلعه رجح ميزانها




الشاعر الرائع

بحضوره وبأخلاقه العاليه
وبأحترامه


احمد مصيليح العرادي


حقيقه كان لي الشرف باللعب معك وانا المستفيد بلا شك
الف صح لسانك

والى لقاء أخر

ودمت بخير