لاتطلب المشتاق توصيف شوقه ~..,,

[القاسم]

لاتطلب المشتاق توصيف شوقه

يمكن يروح الليل في وصف الأشواق
يسوقني شوقي لصوتك وأسوقه
ماغير صوتك يشرح الصدر لاضاق
مثل العسل صوتك دواء من يذوقه
يطفي لواهيب الحنايا والأعماق
غبت وشعوري انثره ثم احوقه
ماهو جفى لكن رجاء لحظة إعناق
في ذمتي قلبي تزايد حروقه
ياما احتمل ياما احتمل مير ماطاق
كنك وكني دم داخل عروقه
الدم كنك وأما أنا عرق عشاق
لك فيني أكثر من مشاعر صدوقه
أعيشها لو بين نفسي والأوراق
ايه احبــك لو تبغى خفايا خفوقه
شف نزف حرفه كلما غبت واشتاق
يغرب حنانك وأتحرى شروقه
دامي وعدتك بانتظر لين الإشراق
قلبي بحبك يطلب ابسط حقوقه
لا قال خذني ضمني زدني إشفاق
لا يابعد من عذب الدمع موقه
للموت أحبك لو بحبي لك إرهاق

[سعود السحيمي]

صح لسان شاعرها

ولاهنت عل النقل

ابيات جميله ورائعه بكلماتها الرائعه

[عبدالعزيزسالم الوابصي]

كلمات جميله

[خيالة بلي]

نقل موفق كل الشكر القاسم

[سلطان خلف السرحاني]

الله الله الله...

بيض الله وجهك..

ويضرب الحب....