وش علاج الغرام اللي مع الشيب نابت

[علي خالد السرحاني]

هذه المساجله تمت بين الشاعر خالد سالم السرحاني ومفلح عقيل السرحاني وخالد حمود ابو شامه ملاحظه اي خطأ املائي يكون على عاتقي ولا يمس شاعرية اي من الشعرا تحياتي الكاتب علي البلوي



اه وارجلي اللي كل ماقلت طابت = حل فيها بلاها اللي قصر من خطاها
واه يا نفسي اللي كل ما قلت تابت = عن هوى البيض جاها اللي يحرك شقاها
العذارى تنافس والرجاجيل شابت = والولد لا خذى العوره يبى من وراها
ودي الحق صلاة العصر والشمس غابت = والكواكب تشع انوارها من سماها
وش علاج الغرم اللي مع الشيب نابت = والغنادير ضد اللي تخظب الحاها
وانت يا مفلح اعقيل قذايفك صابت = قبل هذاي وذيك الحقت نفسك هواها
الشاعر //خالد سالم السرحاني




رد مفلح :

مرحبا بالرساله عد حرف الكتابت = عد مالاح برق الصيف وامطر سماها
يابن سالم علامك وسط جوك غمامت = تشتكي والشكاوي بس تبحث خفاها
تشتكي من طلوع الشيب بالوجه نابت = والعرب كلها يالقرم تصبغ الحاها
انت رجلا"شجيع وماضيا" لك ثوابت = خابرك يوم بعض الناس تشحذ عشاها
شد حيلك وخل الكسل والكئابت = يالسنافي ترى الفزات تحسب خطاها
التعدد على دور النبي والصحابت = ومن يهاب المخاطر ماوطى في حماها

الشاعر //مفلح عقيل السرحاني


رد خالد ابو شامه


جارك الله وتبقى عد مالبيض جابت = قلتها ما اتحرى فايده من وراها
اول الوقت اخبرك من دعاة الثوابت = وآخر الوقت مدري كلمتك وش وراها
الجبل لو تهب الريح راسي وثابت = والسلامه غنيمه منوة اللي بغاها
واكثر الناس فشلت بالمساعي وخابت = لو تنوخ على هداج ما اروى ضماها
والغرام الحقيقي لو به الروح ذابت = ما تحسف على روحي وروحي فداها
ودي الحق صلاة الصبح والنفس طابت = والليالي عرفنا طيبها من رداها
الشاعر // خالد حمود ابو شامه

[خيالة بلي]

اشكركـ على النقل

وبالفعل لم تظهر لي بالمرة الاولى
اعتذر مرة اخرى أخي

[علي خالد السرحاني]

؟؟؟
؟؟؟؟؟؟؟؟؟؟؟

[سعد بن رشده السرحاني(رحمه الله)]

مع التحيه
-----
علي خالد السرحاني
امتعتنا بهذه المقتطفات الجميله والمسليه
لشعراء متميزين
لك كل الشكر على ذلك
فقط لي طلب منك وهوا
ان تقوم بتوثيق قصائد الوالد حفظه الله
الشاعر المتميز خالد سالم السرحاني
فنحن بحاجه لتوثيقها والاطلاع عليها
--
كل عام وانت بخير ولك مني التحيه والسلام

[علي خالد السرحاني]

تامر امر اخوي هذا يدل على حصركم الكبير وهو شرف لنا

[خالد خلف السرحاني]

الاخ العزيز/على خالد سالم السرحانى
بارك الله فيك على النقل المتميز لوالدك الذى يعتبر من شعراء السراحين المميزين
ولايهون /مفلح عقيل
بلغ سلامى لوالدك وللااخ/ايو زياد
مع احترامى لك
ملاحظه///////
اؤيد فكرة الاخ/سعد بن رشده السرحانى
دمت بخير

[بدر ابن صقير]

يعطيك العافيه على النقل
والله يعطي الشعار العافيه وصح السنتهم

[سلطان خلف السرحاني]

الاخ علي خالد السرحاني المحترم..

انت ذووووووووق
ومشاركاتك أكبر دليل على ذلك..

لاتحرمنا من ابداعاتك..

ولشخصكم المتميز..
أعطر تحيه,,,

[بن قبلان]

على خالد السرحاني

نقل جميل ومميزلمبدعين لهم باع طويل بالشعر

بعد اذنك ارغب الردعلى ابونادر وابوريان

جميع شعر ابو وليد موثق وله ديوان فى هذا المنتدى الغالي

ولمن يرغب الأطلاع الذهاب الى ديوان شعراء بلي

تقبل احترامى وتقديري

[علي خالد السرحاني]

بن قبلان


سلطان خلف السرحاني

خالد خلف السرحاني

بدر ابن صقير



سعد بن رشده السرحاني


جميع هالأسامي اعتبرها اوسمه واعتز بها ولا يهون اي عضو في المنتدى

ومروركم خفيف الظل متميز وردودكم تشرفني

عندي بعض التساؤلات لكي البي طلبكم بما اني حملت اسم يجب انا اكون بطوع معجبيه وجمهوره لذالك ماذا يقصد بالتوثيق انا سبق وان عملت ديوان لوالد ي بقسم دواوين بلي وليس بجهودي بل بجهود ربعي وعزوتي
شقيقي الأكبر سعد ابن رشده ولا يهون اخي خالد خلف اتمنى انا لا اثقل عليكم بطلب توضيح معنى التوثيق لأنكم قدوه لي بما اني احد ابناء قبيلة السراحين
وايضا" طلب الأخوان الرد على ابو نادر وابو ريان لم يكن عندي اي خلفيه عنه ولاكن سوف ابحث بأرشيف والدي عن ذالك وثقو تمام الثقه ان وجد كتب وان كتب عرض .........
ابنكم علي خالد سالم السرحاني .

[سعد بن رشده السرحاني(رحمه الله)]

مع التحيه
----------
علي خالد السرحاني
انت مثال رائع للتميز والابداع
فلك مني ومن الجميع الف شكر وتقدير
----
بالنسبه للتوثيق فالمقصود ان كثير من
قصائد ابووليد غير مكتوبه وقد سمعت
منه الكثير من القصائد المتميزه ولم
اجد البعض منها بالديوان لذلك نامل
الجلوس معه وكتابة هذه القصائد
ومن ثم وضعها بالديوان هذا ماقصدناه
من التوثيق ولك منا التحيه والتقدير
------
وتحياتنا وسلامنا للجميع

[علي خالد السرحاني]

نعم اخي سعد صدقت وسلم لسانك فعلا" كثير من القصائد لم تنزل بالديوان اكرر عذري لاكن اوعدك بتنزيلها صدق ابو وليد بوصفه لك وتوصيته الشديده عليك :|for you|:

[سعود السرحاني]

حيأك اخونا علي

شرفنا طرحكـ وتواجدك بيننا


صح السان ابو وليد وابو عبدالرحمن

ولاهنت على النقل

[سعود عقيل بن مظهر السحيمي]

سلمت على نقل ابيات شعراء
لهم بصمتهم
ولك مني كل تقدير وأحترام

[الفقير الى الله]

اتحفتنا يعطيك العافيه علي

بس ودنا اتكتب لنا من شعرك من باب ابن الوز .......

[سلطان القنيدي]

منقول مميّز


وقصائد رائعه

[خالد خلف السرحاني]

مع التحيه

----------
علي خالد السرحاني
انت مثال رائع للتميز والابداع
فلك مني ومن الجميع الف شكر وتقدير
----
بالنسبه للتوثيق فالمقصود ان كثير من
قصائد ابووليد غير مكتوبه وقد سمعت
منه الكثير من القصائد المتميزه ولم
اجد البعض منها بالديوان لذلك نامل
الجلوس معه وكتابة هذه القصائد
ومن ثم وضعها بالديوان هذا ماقصدناه
من التوثيق ولك منا التحيه والتقدير
------

وتحياتنا وسلامنا للجميع


الاخ/على خالد السرحانى
ابونادر كفا ووفا
ولدى اضافه باالاستفسار المقدم منكم
وهو كتابة قصائد والدك ووضعها باارشيف خاص لديك وموثق به جميع قصائده
وكثير من شعراء السراحين الراحلين(رحمهم الله)
لم تسجل عند احد من ابنائهم
ووجدت قصيده ليوسف السرحانى(رحمه الله)
منسوبه الى غيره
وحذرت الشخص الذى وضع على توقيعه ونسبها الى شخص اخر من ابناء عمومته وهو شيخهم
ولاكن دون فائده
وسوف انزل القصيده ومناسبتها كامله قريبا
اتمنى ان تفهمت مااعنيه واريده
وثقتى بفكرك النير عاليه وفى المكانه الطيبه
مع احترامى لك وتقديرى لوالدك العزيز
دمت بخير
والسلام عليكم