قصيدة في الشيخ /محمد بن سلامه البلوي

[عسكر الروقي]

بسم الله الرحمن الرحيم
السلام عليكم ورحمة الله وبركاته امسي على الجميع بالخير وبعد
هذه قصيدة في سعادة العميد / محمد بن سلامه البلوي / ركن تعليم الكلية / انسان صاحب افضال علي ومهما سويت ماراح اوفيه حقه اقول فيها





سلام ياكفو الرتب والمهمـــــــــات = ياركـــن تعليم الشرف والرجولـة


ياسيدي انته بكل المجـــــــــــالات = رجل حقيقي تفتخر فيك دولـــــــة


بالطيب لك سمعه وفعل وعلاقـــات =مخلص وتعطي كل شيء بأصولـه


هذا ماهو رأيــي انا بس بـــالذات = اقولها والناس قبــلي تقـــــــــولـه


رجل تحل المشكلة والصعيبــــات =ومال المواقف غير ولد الحمــــولة


من لابة تحفل بكثر البطــــــولات = بني بلـــي اهل الكرم والبطولــــه


يوم الزمن مابين صـــده وغارات = قوم لهم بالطيب صولة وجولــــــة


من الشمال افعولهم للســــراوات = يشهد بها التاريخ عرضه وطولـــه


ياشيخ ابوطارق كــذا قافها جات= قصيدة متواضعــــــــــة ومحمولــة


لو بمدحــــك عبيت كل السجلات = يطول وصفـــك مابعـــــد جيت حوله


وختامها مني سلام وتحيـــــات = ياقائدآ تثبت اعلومــــــــه فعولـــــه



وسلامتكم


عسكر بن مناحي الروقي العتيبي

[عبــ أبوذراع ــدالله]

يعطيك العافيه يا عسكر العتيبي

,,,

نورت المنتدى

,,,

والعميد محمد سلامه العصباني يستاهل كل خير

وصح لسانك

[ابوبدر عبدالله السرحاني]

العميد محمد سلامة العصباني يستهل
وشكر يالعتيبي لاهنة
نورة منتدي بلي

[سعود السحيمي]

حــيــاك الله يالــروقــي
،
،
وصح لسانك ولاهنت

[أبو مشعل صالح الجذلي]

يعطيك العافيه اخوي عسكر العتيبي والنعم فيك وفي جماعتك الهيلا ونورت المنتدى
والشيخ محمد بن سلامه البلوي يستاهل كل خير

[عسكر الروقي]

شكرأ على المرور وصحت ابدانكم وما عليكم زود وقبيلة بلي غنية عن التعريف
وابو طارق رجل بمعنى كلمة رجل والله يطول في عمره


بس عندي سؤال
ليش كاتبين على موضوع القصيدة منقـــــــــول ؟؟؟؟؟؟؟؟؟؟؟؟

[تركي بن مرزوق العصباني]

صح السانك اخوي عسكر العتيبي
ابن العم ابو طارق يفتخر به كل بلوي بطيبته ورجولته حقيقه اعتبره سفير بلي في الطائف

[محمد عوده القويعاني البلوي]

‏الله يحييك يا عسكر

وأهلا بك وسهلا

بين من أسعدهم حضورك وتواجدك كثيرا وشرفهم


ولا شك بانك ستضيف كل جميل وتكون احد روافد الشعر والأدب هنا


*


وصح لسانك على هذه القصيده الجزله الوارفه المليئه بكل سمو ومعالي

فقد كتبت وأبدعت مادحا من يستحق المدح وأكثر
كيف لا ؟

والممدوح بمختصر المسمى وأدله

ابوطارق



شكرا جزيلا لك يا عسكر

وأدامك الله ومن مدحت بكل خير وسعاده


تحياتي للجميع وتقديري


*مثبت

[عبدالله مسعد المشيعلي]

صح لسانك

الذي يذكر المعروف

اكيد ولد حموله

ونعم

بقيبلة عتيبه

وسبعة انعام
وبك

اخوي الشاعر

ياعسكر

ويستاهل

العميد محمد سلامه العصباني البلوي

[طلال بن شليويح البلوي]

صح لسانك وقلبك اخونا عسكر الروقي
ولاهنت على هالقصيده وكل قبيلة عندها من الطيب والشهامة
ولا تهونوا ياعتيبة
وابو طارق بيض الله وجهه وطول عمره
يفخر بقبيلته وهي تفخر فيه وباالي شرواه

قصيده بها بيوت حره واوفيه

ننتظر دائمآ مشاركاتك هنا

وفقك الله

[قاسم علي القويعاني]

يعطيك العافيه يا عسكر العتيبي

,,,

نورت المنتدى

,,,

والعميد محمد سلامه العصباني يستاهل كل خير

وصح لسانك

[عايد السميري]

عسكر الروقي


ياهلا بكــ وحياكــ الله بمنتدى بلي


والف صح لسانكـ على هذه الجزله وهذا من طيب أصلك وابو طارق كفو ويستحق

سلمت سلمت يالروقي


وحياك الله

[عبداللطيف محمد الحمراني]

صــح لسآنـك أخـوي / عـسكر العتيبـي ..!

في بآديء الأمـر / نـرحب بـشخصك الكريم في موقع

بلي الرسمي هـذآ المـوقع الذي يسعـد جـدآ بأنضمآم

مثلك وشـروآك من الرجآل الذين لآينـكرون الطيب فحيآك الله ..!

وللمرة الثآنيـه نقول لك / صـح لسآنك على هذه القصيدة التي تـنم

عـن شآعـر جـزل ومـتمكن ..!

ويستآهل ابـو طآرق كل خـير فهـو من رجآلآت قبيلـة بلي الذين

نـفتـخر بـهم وتـفتـخر بـهم القبيلـة ..!

[عبدالله سليمان الربيض]

يعطيك العافيه يا عسكر العتيبي

,,,

نورت المنتدى

,,,

والعميد محمد سلامه العصباني يستاهل كل خير

وصح لسانك

[علي بن عايش الرقيقيص]

يستاهل العميد محمد سلامه البلوي

رجل بكل ما للكلمه من معنى

ابو طارق شهادتي فيه مجروحه

صح اللسانك يالعتيبي

[حماد سعد السحيمي]

عسكر بن مناحي الروقي العتيبي


والله والف نعم


ويستاهل ماقال بة من ابيات

[موسى بن ربيع البلوي]

مرحبا بك ملايين و يا هلا بك بين إخوانك

و نعم في المادح و الممدوح


وفقك الله

[حامد بن راشد الوابصي]

حياك الله
ونعم فيك وبربعك
،،،
ويستاهل ابو طارق

ننتظر جديدك

[مشعل الحارثي]

بيض الله وجه ولد روق وماهو مستغرب منك ابو طارق يستاهل

وانت كفو ياعسكر وقبايل بلي يستاهلون كل شخص منهم قصيدة