المساعد الشخصي الرقمي

مشاهدة النسخة كاملة : محاوره (على الميدان يا ابن رويضي)


عبدالله سليمان الوحيشي
08-29-2005, 09:22 PM
سلام رديه من الخاطر الزين=لرجال كل علومهم ترفع الراس
يامعيض نبغانشعل القاف يومين=ودي علومك بس لايجيك هوجاس
ياسر حمدان المقبلي
08-29-2005, 10:15 PM
صح لسانك
اخوي عبدالله

وننتظر رد ابونايف
معيض ابراهيم الرموثي
08-29-2005, 11:13 PM
السلام عليكم ورحمة الله وبركاته

عز الله ... رحت فيها ..

ليـــــــه يا خال

مالقيت الا بناخيك تركــــي عليه ..

لكن هين ... وخل المخول على جنب ..

والميدان .....يا ابن سليمان ...

___________________________________

شكرا ....للمشجع الاول الاخ ياسر والرد جايكم ...بالطريق

________________

والسلام عليكم
معيض ابراهيم الرموثي
08-29-2005, 11:27 PM
مساك الله بالخير ابو سليمان ...

خلووووووها ..


يا مـــــرحبا تــــرحــــيــــبة عـــــنـــــــد غـــــالين "=" بالشاعـــــر اللـــــي معـتــلي كل نـــوماس
يالخال مــــقـــــدارك عــــلــــــى الراس والعـــــين "=" تأمـــر..أمــر ..وافـــداك بالعين والراس


وسلامتكم ،،
قاسم علي القويعاني
08-30-2005, 02:05 AM
يالله تراي ماسك الصفه
سلمان العرادي
08-30-2005, 05:09 AM
يعطيكم العافيــــه على هالرديه ..

وتروني ماسك صفة أبو سليمان ..

أبو نايف نبشك أبو سليمان وعرفنا اللي عندك ونبيها غبرهـ

سلمان العرادي
محمود الجذلي
08-30-2005, 05:41 PM
هلا والله ابو سليمان

لا اوصيك على ابو نايفــــــ

وسلمت يداكم على هذة الامسية..

وننتظر الباقي بكل شوق

محمود الجذلي
معيض ابراهيم الرموثي
08-30-2005, 06:00 PM
السلام عليكم ورحمة الله وبركاته

الله اكبر عليكم

كلكم ضــــــدي ؟؟

ان شاء الله تجــــيـــبكم الايام وتطيحون بيــــــدي !!

.....عجل علينا بالرد يا بوسليمان ......
عبدالله سليمان الوحيشي
08-31-2005, 12:22 AM
حسب طلبك ابونايف

والله يعينك
..............................
ياسر حمدان

قاسم القويعاني

سلمان العرادي

محمود الجذلي

لكم الشكر على التشجيع

والله الله بالصفه


عبدالله الوحيشي
عبدالله سليمان الوحيشي
08-31-2005, 12:31 AM
استلم يامعيض

خلوووووووووووووها


يامعيض خبرني عن ابو ريالين=واحذر من الهند ي يحدك للافلاس
قالو لياجوه العذارى خذن دين=والضاهر المسكين يشعر بهوجاس
ابراهيم سليمان اللوط
08-31-2005, 05:34 AM
السلام عليكم ورحمة الله وبركاته
يعطيك العافيه ياعبد الله سليمان البلوي
ابيك تعطي القاز ابو نايف
ههههههههههههههههههههههههههههههههه
سلمان العرادي
08-31-2005, 08:35 AM
يالله يابو نايف عط خالك الرد .. ترانا نتحرا ردك على نار
معيض ابراهيم الرموثي
08-31-2005, 10:44 AM
السلام عليكم ورحمة الله وبركاته

صــــديقي شاعر المحاوره ابراهيم سليمان اللوط

افااااااااا وانا اتحرى الفزعه منك ...

مراقبنا العام سلمان العرادي

ما عليك ... الرد في مراحله النهائيه ....

.....شكرا لكم يا صفووووووووووف ..
زيدان البلوي
08-31-2005, 11:02 AM
الله يعطيكم العافية
معيض انتظرني اجيب لي كم واحد ونمسك صفتك
خلووووووووووووووووووها
تفضل يا ابو نايف
معيض ابراهيم الرموثي
08-31-2005, 02:32 PM
السلام عليكم ورحمة الله وبركاته

والله ياابوعلي لو تفزع لي بــ بيت والا بــيـــــتين تراها ز يـــــنه ....

ويالربع ترى البساط احمدي ...والميدان للجميع ....

الله من البلشه ...اخوكم متورط بالرد ...
معيض ابراهيم الرموثي
08-31-2005, 02:57 PM
خلوووووووووووها ياصفوووووف


تــــطـــــــمن يا عمــــيلــــــي والصناعــــــة ( ميــــدي ..ان ..تشـين "=" وانا رزقـــــي على اللي وزع الارزاق بين الناس

ما..الوم الهــــنــــــدي اللــــي هاجـــــر بلاده ثمان ســـــنـــــين "=" خــــفــــق قلبه ليا منه تـــذكــــر كلكتا ومــــدراس ..


شيلوووووووها ....

................

مــــدراس ...مدينة بالهند
كلكتا ... والله مـــدري هي بالهند والا ببنجلاديش ..المهم حولهم ..
قاسم علي القويعاني
08-31-2005, 03:23 PM
عن اذنك يابو نايف ودي ادخل الملعبه:



ابضاعته ميرادها الهند والصين=اقولها لك مير ماني ببلاس
معروف دكانه مابين الدكاكين=منه الزباين تشتري عطر والباس

ولا يهمك يابو نايف انا دونك..
عبدالله سليمان الوحيشي
08-31-2005, 05:05 PM
يامعيض البيت زين بس ماهو نفس الطاروق اللي حنا نلعب ليه



عارف انك متورط .........واثق من نفسه



واصل والله يعينك



عبدالله الوحيشي
عبدالله سليمان الوحيشي
08-31-2005, 05:22 PM
هين ياقاسم

يامرحبا في قاسم ابن القواعين=يامرحبابه عد ماهب نسناس
ياراعي الفزعه على وين ناوين=بسقيه من كاسأوبسقيك من كاس
قاسم علي القويعاني
08-31-2005, 08:36 PM
استلم يالوحيشي



ياصاحبي نمشي معك بالقوانين=مكتوب قانونه بحبرن وقرطاس
ان جبتها باللين يامزين اللين=نمشي معك ياشيخ في كل مجلاس


الظاهر اني تورطت مافيها كلام
عبدالله سليمان الوحيشي
09-01-2005, 01:55 AM
ياقسم الدنا بها الزين والشين=والناس مثلك عارف الناس اجناس

ربي لنا جابك وحنا حظيظين=فرحت في شوفتك ياعقد الالماس
قاسم علي القويعاني
09-01-2005, 02:24 AM
اهل الشمال ايميلون الموازين.........وانت ابتلشت وصار بالرجل لولاس
تفرح وانا افرح والوعد بعد يومين.........سوق المطيه واضرب اخماس واسداس
معيض ابراهيم الرموثي
09-01-2005, 03:25 AM
السلام عليكم ورحمة الله وبركاته

فكــــك الله يا ابن سليمان في ابو ناصر

والا صــــراحه كنت ناويك نية قشرى ..انا بالمحاوره ما ارحم !!

((اهل الشمال ايميلون الموازين.........وانت ابتلشت وصار بالرجل لولاس

صح لسانك اخي قاسم ...

ويعطيكم العافيه على المحاوره الرائعه جداااا جداا
محمود الجذلي
09-01-2005, 04:42 AM
عليهم يابو سليمان

ترنا معك بس شد عليهم ..
عبدالله سليمان الوحيشي
09-01-2005, 06:01 PM
قاسم استلم الله لايهينك
غير احدك الين تطمر الشبك


مايقبل الموضوع قسمه على اثنين=ولايبلش إلااللي علومه بلاساس
ياصاحبي حنا على الفعل ضارين=واللي يمر بدربنا غير ينداس


الله يبلشك يامعيض
عبدالله سليمان الوحيشي
09-01-2005, 06:05 PM
الله يسعدك يامحمود

هذي هقوتي فيك وابشر بسعدك غير ابلشهم بلشه مامرت عليهم

الوحيشي
سلمان العرادي
09-01-2005, 06:39 PM
ابو سليمان تراني ماسك الصفه وجني بدر الالبد ومحمود ..

سلمان العرادي
قاسم علي القويعاني
09-02-2005, 01:01 AM
اسمع يابو سليمان.........


لاتبعد القصه وموضوعها زين=ماهي حكايا الزير واعلوم جساس
فعلك ليا جيت النخل والبساتين=قلبك يصيبه بالشقا كل هوجاس
عبدالله سليمان الوحيشي
09-02-2005, 01:05 AM
سلمان

مانستغني عن وقفتك بالصفه وناد الشباب الجالسين

الوحيشي
قاسم علي القويعاني
09-02-2005, 01:12 AM
بدر الالبد وينك....الحق قوم الصفوف
عبدالله سليمان الوحيشي
09-02-2005, 11:34 PM
اخي الغالي قاسم علي القويعاني

تشرفت باللعب معك وكنت ا كثر من رائع

.... قاسم انت شاعر لايشق له غبار

ووجود شخص مثلك في هذا الصرح الشامخ مكسب كبير


.
.
.

لك مني كل الحب والتقدير

.
.
.

اخوك
عبدالله سليمان الوحيشي
قاسم علي القويعاني
09-03-2005, 10:59 PM
اخي عبد الله الوحيشي
الشرف لنا يابو سليمان ..وننتظرك في محاوره اخرى بس على هونك تراني اعليمي
احمد مصيليح العرادي
09-04-2005, 01:28 AM
الله يعطيكم العافيه اخواني الشعراء
ابو ناصر وعبدالله الوحيشي
والله محاورة اكثر من رائعه واشهد انكم شعراء
كبار
اما ابو نايف صايرن شاعر وتوي دريت والله ياابو نايف لو حضرت
بدايه المحاورة الي مع خالك اني غير امسك لك الصفه وابشر بعزك
مار انتظر الوقفه اني لجعل الصفه حقتك مثل موج البحر مار استمر

اخوكم \\\ احمد مصيليح العرادي
معيض ابراهيم الرموثي
09-04-2005, 01:30 AM
السلام عليكم ورحمة الله وبركاته

الشاعرين القديرين

قاسم القويعاني وخالي عبدالله الوحيشي

وين ؟؟ تو الناس !!

المباراه اقصد الملعبه توها حميت وشدت ......

وانا كنت انتظر اي فرصه ابغى اجلدكم لكم في بيت شعبي من نوعه ....

__________________________

الله يعطيكم العافيه امتعتونا وونستونا في محاوراه رائعه وقوية .....

ابو سليمان ..بلغ صفوفك يوقفون ..سمعنا ان بدر وسلمان العرادي طلعت الشمس وهم باقي ماسكين الصفه..!!

//////////////

شكراااالكم