الا ياطـيـــر

[انوثه مبعثره]

((الا ياطــيــر))




ألا ياطير خبرني وش اللـي صـار للأحبـاب


ترى قلبي كثر همّه سبايـب غيبـة أحبابـي

غريبه عنّي يسافر ولا أعرف للسفـر أسبـاب
كذا فجأه يودعني ولا أدري ايـش الأسبابـي

ترى بعده عن عيوني يهد الحيل والأعصـاب
يمر الوقت بغيابه وأنا عايش على أعصابـي

ألا ياطير ماعندك خبر عن عـودة الغيـاب؟؟
ولا تقدر تطمنـي تجيـب علـوم غيابـي؟؟

أبي ياطير لامر بسماك من الطيـور أسـراب
أبيك تعانق أسرابٍ تجي من بعدهـا أسرابـي

أبيك تفتّش الدنيا . تدوّرلي عـن الأصحـاب
تجيب العلم ياطيري وتطمّني عـن أصحابـي

لك الله ليت جنحانك عليّ وماحسبـت حسـاب
أطير بصحبـة الغالـي ولا فكـرت بحسابـي

أروح أسكن على قربه و أخلي الباب حول الباب
أشوفه لا فتح بابه و أنـا واقـف علـى بابـي

أدنّق لابدى حوله من أهلـه لايجيـه عتـاب
وهو يرسلّي النظـره بليـا خـوف وعتابـي

أخلّي خافقي يدلـه بقربـه ماتجيـه أتعـاب
و إذا ناظرت في زوله نسيـت الهـم و أتعابـي

سقاك الله يا يومٍ بـدت بـه نظـرة الإعجـاب
حضيت بنظرة إعجابه وهو يستاهل إعجابـي

سحرني صوته الدافي حنون ومنطقـه جـذاب
وفيت لقلبه الوافي وهـو بالوصـف جذابـي

إله الكون لاتفجع خفـوقٍ مـن غلاهـم ذاب
تلوّع سبّة الفرقـى وهـو مـن قبلهـا ذابـي

ألا يا طير خبرني وش اللـي صـار للأحبـاب
ترى قلبي كثر همّه سبايـب غيبـة أحبابـي