اللي يداوم ماهو رجااااااااال

[المجهر]

السلام عليكم ورحمة الله وبركاته
.
.
في احد الأيام تأخر أخوي عن الدوام والمفروض يداوم الساعة 7 صباحاً المهم

رحت له أصحيه من النوم ..قال كم الساعة ....قلت الساعة 10 الضحى

رمى البطانية بثقل وهو عابس الوجه

نظر فيني .....

حسيت ان عنده كلام

قال ياخي الى متى وحنا نداوم كل يوم

قلت الشكوى لله

لكن احمد ربك انك منت عسكري بالجيش

قال وهو توه ما قام من فراشه...تصدق عندي واحد بالعمل ماعمره غاب ولا يوم

ياخي هذا ما يحس ....يقصد خويه اللي بالعمل .....تخيل ولا يوم غاب ...كل هذا نظام

هزيت راسي ..تجاوبًا معه

سكت قليلاً ثم قال يا رجال اللي ما يغيب بالسنه أكثر من اسبوع ماهو رجال

هنا ....انفجرت من الضحك :D ....اما اللي مايغيب ماهو رجال

قال والله صحيح الى متى وحنا تقول آلآت ...خلاص يوم غياب والحمد لله انتهت الدنيا يعني

قلت تعوذ من الشيطان وقم داوم المهم انه داوم

بعدها قمت افكر بكلمته الى متى وحنا كل يوم نداوم

المشكله في اخوي انه يكره الروتين مثلي يعني كل يوم تصحى نفس الوقت وتمشي

للعمل من نفس الطريق وتقابل نفس الاشخاص وتقضي بالعمل نفس اليوم السابق

وترجع للبيت نفس الوقت كل يوم......ياآآآآآآآآه لاجديد .

وبعدين الى متى هذا الروتين القاتل

صرت مشتت الفكر هل أخوي معه حق...... والا ....لا
.
.
.
وتقبلو تحياتي :|for you|:

[فهد بن صياح السرحاني]

يعطيك العافيه اخوي .....بالصراحه هو يبي لها يوم تخليه يوم مفتوح يعني مو منقص من عمرك بس هو الروتين لازم نمشي معه الشكوى لله

وتقبل تحياتي ..


لكن انصحك لاتمشي على رأي اخوك

[انوثه مبعثره]

انصحك لاتطيع شور خوك
اسال العطالى
بس الروتين يخلق لنا حلاوة
يعني لولا الروتين ماتحس براحة الاجازة
الدوام ثم الدوام ثم الدوام :d
تقبل مروري

[الهلالي ابوزيد]

تبي الصدق الأيام هذي أمطار

وسيول وخير من الله فلها أنت وأخوك أسمع الكلام {الدرك }

قال دوام قال

[المجهر]

أخوي فهد صياح

أختي انوثة مبعثرة

أخوي الهلالي

أشكركم على ردودكم ومشاركتي في هذا الموضوع

أتمنى من القراء لاحد يغيب عن عمله .......... وتقبلوا تحياتي

[ســراب]

اول لماكنت فالكليه
لاكان الجو جنان
طنشنا محاضرتنا
وفلينها بالساحه
لعب
الله يذكر هذيك الايام على خير
رايي
لاكان بها فله وطلعه عادي غيب :d
اما انك تغيب بس عشان تقعد
وتكمل نومتك ل له داوم احسن لك

[شمس المنتدى]

الروتين اليومي تعودنا عليه سواء موظفين أو عاطلين أو طلاب
‏
لكن لابد من التغيير بس مو بالغياب ‏

[المجهر]

سراب

شمس

شكراً على المشاركة ......والله يعين على الدوام .....الجو هذي الأيام خيال

[سعود عقيل بن مظهر السحيمي]

والله وانا أخوك اذا كانه بحاجه للراتب يداوم ويترك الغياب,
واذا كان ملياردير يفصل ويخلليها لغيره لأن فيه فوق خمسمائة
الف عاطل ينتظر مكان اخوك وغيره من اللي ماهو طايق العمل ,,


على العموم سلم لي على اخوك وقله الخميس والجمعه
تكفيه نوم وسهر ويداوم , لأن اليوم اللي يغيبه حرام يوميته لازم يحسم عليه ,


تحياتي لك يالغالي

[عبدالكريم مطلق البلوي]

يعطيك العافيه اخوي لكن انصح اخوك بالحسنى
الان الغياب عن العمل ليس مرجله ومحاسب عليه من الله قبل البشر

[المجهر]

والله وانا أخوك اذا كانه بحاجه للراتب يداوم ويترك الغياب,



واذا كان ملياردير يفصل ويخلليها لغيره لأن فيه فوق خمسمائة
الف عاطل ينتظر مكان اخوك وغيره من اللي ماهو طايق العمل ,,


على العموم سلم لي على اخوك وقله الخميس والجمعه
تكفيه نوم وسهر ويداوم , لأن اليوم اللي يغيبه حرام يوميته لازم يحسم عليه ,



تحياتي لك يالغالي


والله ياسعود أخوي لا ملياردير ولا شي .......ينتظر التقاعد على أحر من الجمر

لكن بشكل عام ألا تتوقع أن هناك الكثير من الموظفين يفكرون نفس تفكير أخوي

[احترت أعبر]

اذا اخوك بيغير الروتين عنده اجازه 45 يوم بالسنة من غير الخميس والجمعة واذا فيه شي حقيقي يستاهل الغياب وش المانع يستاذن والله ماكرهني بالدوام غير الي مثل اخوك انا داوم 8 وهو يجيك 10 وبعض الاحيان من الظلم صرت اتاخر مثلهم بس وش يقول الواحد غير الله يصلح البلاد والعباد وتقبل مروري اخوي المجهر

[المجهر]

يعطيك العافيه اخوي لكن انصح اخوك بالحسنى






الان الغياب عن العمل ليس مرجله ومحاسب عليه من الله قبل البشر



أخوي ابو فادي ....بارك الله فيك

[عصوم البلوي]

هلا وغلا

المجهر


الله يخلي لك اخوك


بس قوله والله انه فله يعني بختصار ((منسم )) وبس


وبالنسبه للغياب كلن وظروفه


تحياتي...

[المجهر]

اذا اخوك بيغير الروتين عنده اجازه 45 يوم بالسنة من غير الخميس والجمعة واذا فيه شي حقيقي يستاهل الغياب وش المانع يستاذن والله ماكرهني بالدوام غير الي مثل اخوك انا داوم 8 وهو يجيك 10 وبعض الاحيان من الظلم صرت اتاخر مثلهم بس وش يقول الواحد غير الله يصلح البلاد والعباد وتقبل مروري اخوي المجهر

يا خوفي انك مدرس وذابحتك حصص الإنتظار بسبب الغياب هههههههههههه

نورت يالغالي

[المجهر]

هلا وغلا

المجهر


الله يخلي لك اخوك


بس قوله والله انه فله يعني بختصار ((منسم )) وبس


وبالنسبه للغياب كلن وظروفه


تحياتي...






هلا عصوم

من ناحية انه منسم لا أبشرك انه منيح كتيييير

بس السالفة وما فيها انه يكره الروتين بشكل مخيف يعني

أخاف ينقلوه بمنطقة نائية ...........وشكراً على المرور

[مشعل بن مشحن السرحاني]

طيب ماسألت نفسك (ليش )أو ماهو سبب دوام الموظف يوميا ؟؟

أكيد كل شخص لايداوم يوميا أو مهما يكن نظام عمله إلا طلبا للمعيشه والراتب الشهري فلا يمكن وجود موظفين دون (رواتب)
أما مسألة الروتين اليومي فهذا يتعلق بالمرتبه والمكان الوظيفي فكل مرتبه لها روتين ..........

[المجهر]

رفيق المظامي ................ شكراً على المرور