ماجد سليمان البلوي
01-17-2011, 11:43 AM
تسعين ليله ..؟؟
--------------------------------------------------------------------------------
بسم الله الرحمن الرحيم
دائماً كنت اعد ان اطرح قصة وقصيدة ابن عياش الذي يعود نسبه الى الغفيلة من الرمال من شمر
وبعد ان رجعت الى اكثر من مرجع من شيباننا لتحري الحقيقه تكررت القصة كما اريد ان اذكرها واستطعت ان
اجمع ما كان في ذاكرتهم من الابات والتي سيرويها لكم أحد احفاده المهندس .محمد هلال ابن عياش.
في حدا سنين المحل راح البدو كلاً لديره وظل عياش يرحل وينزل لين نزل بحد جار شمري
قال عياش لزوجتة جارنا عنده بنت وحنا عندنا الولد لبسيه لبس بنت ولأجل يسرحون ويرجعون
مع بعض وعن كلام الناس وفعلاً هذا الي حصل .
ثار شكوك عند الشمري كان يشوف عند عياش فرس ومهره معسفه ويسأل نفسه لمن هذي المهره لكن ما خطرعلى باله شي .
يوم من الأيام ويجيهم غزو وياخذ الحلال كله صار عياش ينخى بولده ركب ابن عياش المهره واطلب للغزو
يوم شافه الشمري صفق كف بكف وقال الله من حلالاً راح وعرضاً باح سمعة ابن عياش
ولحق بالغزو وبعد مدة من الزمن أقبلت عليهم عجت الحلال الي ردة ابن عياش .
صار الشمري يتسأل شلون بنتي عجايب كانت تسرح مع ابن عياش ويباتون مع الحلال ودايم كانوا مع بعض
قال الشمري لزوجته الليلة نبي نحمل عليها ( نرحل ) وما نصبح بالبلاد يوم أصبح الصبح كان الشمري راحل
كتب ابن عياش القصيدة وارسلها لعجايب وابوها يقول فيها .
يــا كــاتب المــكتوب ياابو المكـاتيب
يــا مـوصّلٍ صـوب الديـار الـركـايب
خذلي سلامي يمـه اسرع مـن الذيب
ســــلام منـــي يـم حــضرة عجـايـب
وليـا وطـيت القــاع مشـيك تهــاذيب
لمـــع البــــروق ولتلنــــه سحـــايب
يا خلفـة الذيب اليصطلي بالمراجيب
شـــاف الفــــروق ويتّلنــــه جنـايـب
تســعين ليلــه والمـلاقى علــى طيب
نلبـس من الماهـود ونجرد عصـايب
حيت النبي مـا اكن بالقـلب لـه عايب
مـانــي مـــداري حمهــــا واللهـــايب
والله مــاخشـــى نــارهــم واللواهيب
و سـيفاً لبوهــا بـــه شـنيع الظـرايب
اخـاف مــن مقعــد بوسط الأجـــانـيب
مـن قـول ابـن عيـاش خـان الطنايـب
*********
قصيدة ابن عياش الغفيلي الرمالي الشمري
نشرها م . محمد هلال الغياث ابن عياش
ونقلها /ماجد البلوي
--------------------------------------------------------------------------------
بسم الله الرحمن الرحيم
دائماً كنت اعد ان اطرح قصة وقصيدة ابن عياش الذي يعود نسبه الى الغفيلة من الرمال من شمر
وبعد ان رجعت الى اكثر من مرجع من شيباننا لتحري الحقيقه تكررت القصة كما اريد ان اذكرها واستطعت ان
اجمع ما كان في ذاكرتهم من الابات والتي سيرويها لكم أحد احفاده المهندس .محمد هلال ابن عياش.
في حدا سنين المحل راح البدو كلاً لديره وظل عياش يرحل وينزل لين نزل بحد جار شمري
قال عياش لزوجتة جارنا عنده بنت وحنا عندنا الولد لبسيه لبس بنت ولأجل يسرحون ويرجعون
مع بعض وعن كلام الناس وفعلاً هذا الي حصل .
ثار شكوك عند الشمري كان يشوف عند عياش فرس ومهره معسفه ويسأل نفسه لمن هذي المهره لكن ما خطرعلى باله شي .
يوم من الأيام ويجيهم غزو وياخذ الحلال كله صار عياش ينخى بولده ركب ابن عياش المهره واطلب للغزو
يوم شافه الشمري صفق كف بكف وقال الله من حلالاً راح وعرضاً باح سمعة ابن عياش
ولحق بالغزو وبعد مدة من الزمن أقبلت عليهم عجت الحلال الي ردة ابن عياش .
صار الشمري يتسأل شلون بنتي عجايب كانت تسرح مع ابن عياش ويباتون مع الحلال ودايم كانوا مع بعض
قال الشمري لزوجته الليلة نبي نحمل عليها ( نرحل ) وما نصبح بالبلاد يوم أصبح الصبح كان الشمري راحل
كتب ابن عياش القصيدة وارسلها لعجايب وابوها يقول فيها .
يــا كــاتب المــكتوب ياابو المكـاتيب
يــا مـوصّلٍ صـوب الديـار الـركـايب
خذلي سلامي يمـه اسرع مـن الذيب
ســــلام منـــي يـم حــضرة عجـايـب
وليـا وطـيت القــاع مشـيك تهــاذيب
لمـــع البــــروق ولتلنــــه سحـــايب
يا خلفـة الذيب اليصطلي بالمراجيب
شـــاف الفــــروق ويتّلنــــه جنـايـب
تســعين ليلــه والمـلاقى علــى طيب
نلبـس من الماهـود ونجرد عصـايب
حيت النبي مـا اكن بالقـلب لـه عايب
مـانــي مـــداري حمهــــا واللهـــايب
والله مــاخشـــى نــارهــم واللواهيب
و سـيفاً لبوهــا بـــه شـنيع الظـرايب
اخـاف مــن مقعــد بوسط الأجـــانـيب
مـن قـول ابـن عيـاش خـان الطنايـب
*********
قصيدة ابن عياش الغفيلي الرمالي الشمري
نشرها م . محمد هلال الغياث ابن عياش
ونقلها /ماجد البلوي