عايد السميري و عبد الله الوحيشي ومحاوره .. نار وبنزين [الأرشيف]

عايد السميري

09-17-2005, 01:04 AM

اخي الشاعر : عبد الله الوحيشي
انتظرتك تبدا بطاروق
وطال الأنتظار
لكن
استلم
استلم والخيره خفيه

من هجوس الشاعر اللي يعجبه عسف القوافي =
ياسلام الله سلام اسلام والخيره خفيه
يالوحيشي مد لي يمناك واسلم والعوافي =
والوعد ياصاحبي قدام والخيره خفيه

سعود السحيمي

09-17-2005, 06:07 PM

خفيه

الشاعر عايد السميري مساكـ الله فى كل خير وصح لسانكـ

ولكـ التحية

عايد السميري

09-17-2005, 07:52 PM

اخي

الغالي

سعود السحيمي

الله يمسيك بالنور
وصح بدنك
وياهلا بك من اليوم الى يوم النشور
تشرفنا بمرورك
ياغالي

عبدالله سليمان الوحيشي

09-18-2005, 12:21 AM

شاعرنا الغالي
عايد السميري الله يحييك
واستلم الله لايسفهك

البقا باللي يسلم قلتها من قلب صافي=عد من الطير طار وحام والخيره خفيه
ياهلا والله بعايد يوم جانا بعلم وافي=صاحبي ماهومن الاخصام والخيره خفيه

بدر الالبد

09-18-2005, 01:02 AM

انا ماسك صف

ولد الديره ابوسليمان

وانا متحيز معه بقوه

عاشو

احمد مصيليح العرادي

09-18-2005, 02:30 AM

اخي الشاعر عبدالله الوحيشي
واخي الشاعر عايد السميري
بداية رائعه والقاف نار مولعه ولكن لو تزيدوها
شوية بنزين كان افضل المهم حنا معكم وما سكين
الصفوف يالله سرى الليل ياشعار
ولكم خالص امنياتي لكم بالتوفيق

عايد السميري

09-18-2005, 03:34 AM

هلا ومرحبا بالشاعر
عبد الله الوحيشي

واستلم

مالحقنا شك والا ريب يالرجل السنافي =
إن في مصر الثلاث أهرام والخيره خفيه
ذيب ياذيب الخلا بعواك لاحضنا أختلافي =
صوت ماهو مثل صوت العام والخيره خفيه

عايد السميري

09-18-2005, 03:40 AM

بدر الالبد : ياهلا بك تشرفنا بمرورك وترا نص جماعتك عندنا بسرار يعني افهمها .
وصفي وصف الشاعر الغالي عبد الله واحد

شاعرنا الغالي
احمد مصيليح : ياهلا بك والحمد لله على السلامه وينك يارجل
ياهلا ، تشرفنا بمرورك
وابشر لصب جركل 20 لتر بنزين واحد ابو سليمان على العوشز وحتات الشير .

عبدالله سليمان الوحيشي

09-18-2005, 04:37 AM

عايد السميري
استلم

الله اللي يعلم الاسرارويعرف الخوافي= ناصرا عبده على الضلام والخيره خفيه
كان دعواكم بها بنزين قربنا المطافي= صحو النايم كفاه احلام والخيره خفيه

عبدالله سليمان الوحيشي

09-18-2005, 04:43 AM

الالبد

الله يسعدك ماتكب جارك
ابوفهد اسعدني مرورك لاعمتك

عبدالله

عبدالله سليمان الوحيشي

09-18-2005, 04:52 AM

احمد مصيليح

ص1

بنزين مره وحده مايصير يارجل انت ودك تخليها حريقه... وعايد ماصدق خبر وراح للمحطه ؟

الشاعر احمد مرورك عذب مثلك اشكرك

عبدالله الوحيشي

عايد السميري

09-18-2005, 06:35 AM

الذهيبه روحت والجره أخفتها السوافي=
وين ادور شرق والا شام والخيره خفيه

احمد اللي قال والرجال رجال امتعافي =
وصاحبك ياصاحبي مانام والخيره خفيه

بدر الالبد

09-18-2005, 12:54 PM

عايد السميري

انا مع ابو سليمان لانه جار وحق الجار على الجار

وانت مايحتاج من عظام الرقبه افااااا عليك

دمت بخير

عبدالله سليمان الوحيشي

09-18-2005, 03:03 PM

لاتدور للذهيبه وانت يارجال حافي=ودها رجال ماينظام والخيره خفيه
القطيره فالبحربحارها ماقال كافي =وكان غرقت صاحبك عوام والخيره خفيه

بدر الالبد

09-18-2005, 05:01 PM

لاتدور للذهيبه وانت يارجال حافي=ودها رجال ماينظام والخيره خفيه
القطيره فالبحربحارها ماقال كافي =وكان غرقت صاحبك عوام والخيره خفيه

عاش الجار

سلمان العرادي

09-18-2005, 06:10 PM

عبدالله الوحيشي ..

تراني ماسك الصفه مع بدر الالبد واصوتنا تلعلع بسكاكا كلها ..

سلمان العرادي

عايد السميري

09-19-2005, 01:48 AM

اخوي عبدالله
يعطيك العافيه
ومالومك لو تبدع معك الصفه والجمهور
وانا
نفر مسكين الله كريم
استلم
لاهنت يالذيب

يارجل خيره مدام انك بضل الصبح غافي =
والنشاما رزو الأعلام والخيره خفيه

القطيره فالبحر وضويها مرمس وطافي =
لفها والتفها الأجرام والخيره خفيه

عبدالله سليمان الوحيشي

09-19-2005, 03:49 AM

الشاعر الانيق

عايد السميري

انت الرائع بس مدري ليش غيرت القاف كان زين مافيه شي

عبدالله

عبدالله سليمان الوحيشي

09-19-2005, 03:54 AM

حبايبي

سلمان وبدر اعجبتوني ...انشهد انكم كفو

عايد
الله يعينك

عايد السميري

09-19-2005, 09:59 AM

ههههههههه
اخوي
عبدالله الوحيشي

مشكور على التنبيه

والله ياخوك كتبت الرد وانا دوبي صاحي من النوم
والعتب على النظر
وصلحنا الخلل الفني
وشكراً لك
وياهلا

عبدالله سليمان الوحيشي

09-19-2005, 03:21 PM

ياعـميل الـخير جـاك الـعــلـم مايقـفاه قـافي= الجمل لوهاج فيه اخزام والخيره خفيه

القطيره راسيه وان كان جاها اجرام هافي=تاصل اللي ودها بشمام والــخـيره خفيه

عايد السميري

09-20-2005, 01:07 AM

الجمل لو نشت خشمه باليديات النظافي =
تنقلب يمناك دق وشام والخيره خفيه

والله ان تبطي عييناتك تهامل بالمرافي=
المطامر مانفع صدام والخيره خفيه

عبدالله سليمان الوحيشي

09-20-2005, 04:45 AM

الجمل وان وصلته يمناي يرضخ للعسافي= لعسفه والجمه بلجام والخيره خفيه
خل عنك الغطرسه صدام جاك اليوم لافي=وان عصيت امرهـ نسفك اعدام والخيره خفيه

بدر الالبد

09-20-2005, 10:48 AM

الجمل وان وصلته يمناي يرضخ للعسافي= لعسفه والجمه بلجام والخيره خفيه
خل عنك الغطرسه صدام جاك اليوم لافي=وان عصيت امرهـ نسفك اعدام والخيره خفيه

عـــــــــــــــاشو

عبدالله سليمان الوحيشي

09-20-2005, 11:35 AM

تعيش ايامك ابوفهـد

عايد السميري

09-20-2005, 07:45 PM

استلم يابو
سليمان :
وانا قلت ل احمد مصيليح اني لحدك على الحوشز

دام ماتعرف ثقيلات الأمور من الخفافي =
لا تمد أم الشحم لسام والخيره خفيه

ماتغطرسنا ولا حنا من الناس الضعافي =
ياحليلك (يا حسـن بـلام ) والخيره خفيه

سلمان العرادي

09-20-2005, 10:33 PM

عاشــــــــــــــو النشاما ..

عبدالله سليمان الوحيشي

09-21-2005, 01:36 AM

القوافي حستها واخربتها والكل شافي=طيحتك ماتنكتب باقلام والخيره خفيه
قلت امررها ولاارضى حدتك صوب الجفافي=لكن انك منت كفو احشام والخيره خفيه

عايد السميري

09-21-2005, 04:07 AM

باول المشوار شف بعيينتك كبر الخلافي =
كان تبغا نرتب الأرقام والخيره خفيه

ودام هذا علمك اربض ياولد تحت الحافي =
والبس البسام يابسام والخيره خفيه

عبدالله سليمان الوحيشي

09-21-2005, 06:21 AM

لاتحسب ان السعي ياصاحبي مثل الطوافي=وان لفوشعاردق الثام والخيره خفيه
ماربض غير انت ياراع الذينات الشرافي=وبعدهذافالسلام اختام والخيره خفيه

عايد السميري

09-21-2005, 11:49 AM

يالمجلة اكتشفنا داخلك عكس الغلافي =
وان لفو شعار لك مريام والخيره خفيه
خيرها في غيرها راحت وستر الله ضافي =
ياهلا بك وانت ساس كرام والخيره خفيه

اخوي
وزميلي
وصديقي
عبدالله سليمان الوحيشي
شكراً لك
وفعلاً طاروق ( بنزين ونار ) ولكن
كلام x كلام
يبقا عبدالله استاذي
وصديقي وارجو منك السموحه اذا كان بالقول ما اغضب خاطرك
بالرغم انني متأكد ان المحاوره ميه .. ميه
ولكن حبيت استسمح من الغالي : عبدالله حتى انام الظهر وانا مبسوط ( شفت ياعبدالله ) اني اخلاق
وانت تقول لي (( ابو الذينات الشرافي ))
تحياتي للجميع وشكراً لكل من له حضور بهذا الطاروق النضيف كامل الدسم

عبدالله سليمان الوحيشي

09-21-2005, 03:34 PM

ابوسالم كبر الوساده انت عزيز وغالي ولايزعل إلا من عنده شك في نفسه
وحقيقه ان اللعب معك متعه فانت شاعر متمكن وانا احد تلاميذك
واشكرك على سعة صدرك وكما قلت المحاوره كلام في كلام
لك مني خالص مودتي واحترامي

اخوك
عبدالله الوحيشي

حماد سعد السحيمي

09-21-2005, 08:19 PM

السلام عليكم ورحمة الله وبركاته

تكفى ياخوي يعااااااااااااااااااايد

لابغيت فزعه تراني قريب

عايد السميري

09-25-2005, 10:34 PM

حماد السحيمي

ياهلا بك
وكفو والله ياخوي ياحماد
ولا نعدمك انشاء الله

تشرفنا بمرورك
ومشكور
ياغالي

ســلطانه

11-27-2005, 10:54 PM

تميز بمعنى الكلمه في هذا المنتدى
محاوره بين شاعرين في منتدى
بالنسبه لي اول مره ترم علي
بس بصراحه شي رائع
التوفيق لك من الشاعر / عايد السميري
والشاعر / عبدالله الوحيشي

عبدالله سليمان الوحيشي

12-01-2005, 04:46 AM

ســلطانه

تشرفنا بمرورك العذب
اشكرك على وجودك هنا وعلى كلامك الجميل
.
.
الله يوفق الجميع اختي الفاضله
.
دام وجودك
عبدالله

أحمد شاهر البلوي(رحمه الله)

12-06-2005, 01:28 PM

عايد السميري

12-06-2005, 07:42 PM

.
سلاااااااااااااااااااااااام
بصراحة كانت ماسكة معي ردية وحاط براسي الرائع غازي الميهوبي:D
ويوم تصفحت واشوف ( بنزين ونار ) :p قلت خلني أخذ فكرة عن المستوى حق الشباب:cool:
بس يوم تابعت وتصفحت الردود
:eek:
قلت /
:(
اقضب الارض ياولد
هذولا ماعنهم لعب باصات
يشوووووووووووتون بقوة لا وضفر كمان ( بوز )
:o
الشاعر / عايد السميري >>>>>>> ترتيب ابجدي
الشاعر / عبدالله الوحيشي.
روووووووووووووووووووووعة وربي
قمة من القمم التى شاهدتها وبإستمتاع
تحياتي للجميع
.

الشاعر: الرائع

احمد شاهر البلوي
هلا وغلا
و
شهادك وسام فخر طال عمرك وتعرف العنوان ( بنزين ونار ) كلها اشاعات

للإثاره فقط .
______________

حقيقه تشرفنا بمرورك وسعدنا بكلماتك
ونتمنى ان تشاركونا انت والشاعر / غازي الميهوبي
والسالفه كلها
تسليه
وسعة صدر طال عمرك
تحياتي
لك
___

فايزالجودي

12-06-2005, 08:01 PM

السلام عليكم ورحمة الله وبركاته

الشاعر عايد السميري والشاعر عبد الله الوحيشي

محاوره رائعه ...

عادل مساعد العبيلي

12-06-2005, 08:09 PM

السلام عليكم ورحمة الله وبركاته
الشاعر :عايد السميري
والشاعر:عبدالله الوحيشي
محاوره رائعة
ومنور المنتدى بوجودكم