قصائد اعجبتني

[السرحاني]

السلام عليكم ورحمة الله وبركاته
من خلال الجولةالتي قمت بها على قسم الشعر الشعبي في هذا المنتدى المتميز
جمعت لكم من الصفحة 155 إلى الصفحة 145باقة من القصائد ألتي أعجبتني آمل أن تعجبكم وسوف أكمل البقية إن شاء الله


ياعيد لا تنشد عن الحال ياعيد"=" النفس كافل رزقها اللي خلقها

جسمي غدا ياعيد عظم وتجاعيد"=" وعارف سبايب حالي اللي سرقها

ليلي قضيته بالسهر والتناهيد"=" وشكواي لله يوم كبدي حرقها

حسبي على من فرق الشمل تبديد"="الاسره اللي فرق الله رفقها

صار القريب اليوم نحاي وبعيد"="والعين يشكي نونها من حدقها

من دونها حطوا حمادا سراميد"="وشوفي تقطع دونها وفترقها

صرنا غنائم قوم من زيد وعبيد"=" ولا تجتمع شجره تفرق ورقها

الاسره اللي لبعضها تزرع الكيد"=" محدا على بغض القرايب سبقها

الشاعر / رجاء بن حماد العصباني


شاعر بدوي وابن شاعر معروف يصف لنا العولمه بمصالحها الاقتصاديه وما
يحصل بالعالم الان .. نتتركم مع هذه القصيده للشاعر الاستاذ / ناصر خليوي الشنوطي
البلوي من سكان قرية جيده ....

حًرك هجوسي خافقي .. ومن القهر بازعل عليه
.......................................... واثر القهر مركب سفر يرسي على شط الند م

وضاق الخفوق من الهجوس.. اكثر من اللي يحتويه
...........................................ما احــِد يصدق لو حكيت حاتم يضيق من الكــــرم

حالي مثل حال البخيل اللي قيوده هـــــي يــــد يـــه
..........................................حـــريته قطعت يــــد يه ..وقطعــــها اكبــــر الــم

يـــبه تفضل واحك لي كل الذي قــلـــبــك يــبــــيه
........................................صمت الابو قــد م الابن ما يــستــوي ويا الشيـــــم

يــبـــه كــلامك لا لفا مثل الكريم مـــن الــو جـــيه
........................................نستقبله و نقبله ونقــول له ســـــم و نـــــــعــــم

يــــبه قليل مثل شــــرواك مشـــــروبه نــــز يه
.........................................حنَا شــــربنا حثالها حتى شـــكى مَنا النـــــــسم

يــبه قليل اللي مصــــالح هــــالزمن ما تشتريه
........................................لو نعمل الفكر السليم .. المصلحه شرك وصنم

هبت رياح العولمه .. وقودها زهو وتيه
.........................................ويوم ارعــد ت ثم امطرت واليا المطر شــرع الامم

نبــغـــى نبلغ جـــــدنا .. لو يصدف الوقت ونـــجــيه
..............................................انَا رضينا العولمه ... حتى على راع الغـــنـــــم



الفنجال
قصيده للشاعر منصور بن غصيبة البلوى نشرة في جريدة أصداف العدد53 (34 سبتمبر /30039 )
ياما حلا الفنجال والليل قـمرى # في خايع توه من الوسم ممطور
خايع (مري ) وعله الغيث وأمرى # حتى تشابك قيحوانه مع النور
ناره حطبها من سواقين سمرى # بيديك لا فاس ولا قص ماطور
والجو بارد وأنت لايج بمذرى # والرأس ( بعشن ) فوقه الجمر معمور
واللي تسوق مهيل الكيف جمرى # ربي فرقها بالوصايف عن الحور
لامدت الفنجال كنك تمرى # في وجنتن معها القمر ماله الدور
والخشم سيف محمولاً وسط غبرى # في شذرته دم أول القوم منثور
والعين عين اللي على راس وكرى # شيهانة هامة على البرق بحدور
والعنق عنق اللي مغاليه قفرى # ضبي ارتبز من ريح شملاه مذعور
والصدر بارز كنه اللي ايتبرى # من ظلم خصراً يشتكيلك من الجور
وشعراً كما لليله من السود غدرى # لوما تقصه للخطأ صار عاثور
لاجت على صوت ألهجيني تمدرى # وقامت تقضه عقب ماكان مضغور
وجبت لك تلاعب يمنى ويسرى # وحب العرق في صدرها مثل بلور
وان سولفت شعراً مقفا ونثرى # ودك تناطح هرجها بوسط الزور
وليا خرج لك من شفاتين جمرى # إذنك تصير لدافي الحرف حنجور

[خالد خلف السرحاني]

:|for you|: :|for you|: :|for you|: الشاعر/السرحانى
الحبر يجف المعانى تتوقف اذا اردت ان احييك واحى فكرك
واهتمامك باالشعر وحرصك عليه بختيار الافضل واللمميز من القصائد التى لاتمحوها الذاكره وتبقى لنا لكى نتعلم
اخوانى وزملائى اللمشرفين
ارجو تثبيت اللموضوع على وجه السرعه
لقتناعى باالفكره الرائعه من شاعر(علم)
ووضع له قسم بسم (قصائد اعجبتنى)للفكرة الشاعر ويكون هو صاحب الفكره ويتمكن غيره من اختيار قصائد تعجب الجميع
الاحترام لسمو مقامك الغالى

[السرحاني]

ابو ريان
يسعدني مرورك
قصائد اعجبتني قد لاتعجب الاخرين
لك كل المحبه والتقدير

[سالم مسلم حمدان البلوي]

الله يعطيك العافيه

[السرحاني]

من 135 الى133


مساء الخير اعضاء ومشرفون منتدى
قبيلتنا العزيز على قلوبنا
واحببنا ان نشارك بقصيد ونتمنى ان
تحوز على رضاكم::

(( المرجله ))
إذا الـمراجل لبسة شماغ وعقال ::: قـل للعـذارى يلـبـسـنّ العـمـايـم
ما عـاد يفرق زول حرمه ورجال ::: دام الفعايل تـشـبـه البعض دايم
المرجله ما هـيـب كـلـمه وتـنـقال ::: وتروح ما راحت هبوب النسايم
وإلا خشونة صوت أو رفع الأثقال::: أو رزة صـــدور وفـعــل الزلايـم
ولا هــي بـعد مفتاح موتر وجوال ::: وإلا ردى لـسـانن حـديـثه شتايم
المرجله شيمه عـن الـقيل والقال ::: رفيع نـفس (ن ) حر بالجو حايم
المـرجـله عـقـلٍ وزن وزنـه جبال ::: ودون العقل وش فرقنا والبهايم
يا مـسندي لو مايل الوقت بي مال ::: يا ولـد أبـويـه يـا عـظـيم العزايم
يا معرب الجدين من العم والخال ::: يا نخوة المفزوع وقت الهــزايم
المـرجله يا خوي هي طولة البال ::: هي العزم هــي الصبر فالظلايم
فـيها الكــرم عــزه دلـه وفـنـجـال ::: فيها الكرامه عن ردى الطبع شايم
والـديـن لامـنه خــذا القلب منزال ::: مـشـى طـريـق الـحـق وابليس نايم
ومن لا عرف ربه في طيب الحال ::: لابـد وقـت الـضـيـق بـالـهـم هـايـم
حتى صلاتك مع جماعات ورجـال ::: فـي خـيـرها يا خـوي نعم الغنايم
ولامن نصف ليلك قم صفـي البال ::: يا عـظـم أجـرك بين ساجد وقايم
ولا من رفع ربي له كـل الأعمال ::: حسـن الـذكـر لا قالو فـلان صـايم
وخلك شريف القصد ياطيب الفال ::: سـوء الـمـقـاصـد فـالبيوت الهدايم
واحذر تبيع النفس في دب الأنذال ::: وتـتـبـع خـوي إبـلـيس راع النمايم
الـنـفـس خـيـل لك إذا كـنـت خـيّال ::: ومـن لا قـوى نفسه قوته الهزايم
ولاصرت ماتدري لويش أنت رجال ::: والله خـسارة فـيـك ذبـح الـتـمايـم

تقبلو تحيــــاتي
اخــ محمد العثماني ـوكم


قصيدة إعجاب عندما زار محمد اللوط قرية النشيفه
بصحبة صديقة المغفور له الشيخ يوسف السرحاني
البلوي ووجد من التقدير والإكرام ماأثلج صدره فعبر قائلا:

سر ياقلم واكتب لمـا ضامـري راد==وكلاً يعبّر ماطـرا لـه إحساسـه
ابدا بذكـر اللـي لـه الخلـق عبّـاد==يسمع دبيب النمل باظلـم دماسـه
اللي رفع عالي سماهـا بـلا عمـاد==والخلق مايصعب عليـه إلتباسـه
وارسى جبال الأرض واسماها الاوتاد==ومد البحر والعمق عارف قياسـه
خاويت يوسف شوق مزبور الأنهـاد==وزرنا الربوع اللي قبلهم وناسـه
من يوم جيناهم على رحـب وإسعـاد==خوي ابو مشهور مرفوع راسـه
بيوتهم صم الحجـر صنـع بإيجـاد==جاها المطر والسيل ماهد ساسـه
موسعـه فيهـا المجالـس للاجـواد==يشعر بها القلب الشقـي بالوناسـه
والبن جوف دلال من صنـع بغـداد==هوريف راع الكيف يجلي عماسه
فيهـا رجـالاً عارفـيـنً للانـقـاد==اهل الشهامه والكـرم والحماسـه
ولافـي مجالسهـم منافـق وحقّـاد==دايم نزيهه مـن جميـع النجاسـه
وبنفوس زينه يبذلـوا غالـي الـزاد==للضيف جزلات الذبايـح غماسـه
والحلو والبرني زهـو تـو ماجـاد==بارضٍ لاباهم غارسينه غراسـه
ارضاً لهم من عهد اباهـم والاجـداد==ارضاً حموها كان يـوم الفراسـه
يوم ارقبوا من دونها كـل مرصـاد==دون ارضهم في كل حزم وشراسه
يرون من وسع النظر كـل الأبعـاد==ًوكلاً لباسه طـول ماجـا قياسـه
يستاهلون المـدح وإظهـار المجـاد==الطيب عنهـم دارسينـه دراسـه
مثل الوراثـه بيـن البنـا والاحفـاد==الطيب بنياناً وضع فـوق ساسـه
عبّرت عمّا شفت في قـول الأوكـاد==اجهر بها بالصوت ماهي دساسـه
وصـلاة ربـي عـد مـادن رعـادّ==علـى نبيـاّ عظّـم الله بـاسـه

اخـــــــــوانـــــــــي الاعــــــــــــــــــزاء

يسعدني ان اقدم لكم احدى روائع الشاعر
/ سليمان حمـدان الجبيـل شاعر مبدع
وصديق عزيز ولكنه غائب عـن الساحـه
الشعريـه اسأله الى متى هذا الغياب ؟
لاتحرم المتذوقين لصفاء المنهل الشعري من ابداعاتك.......

آه من علة نفوس(ن) لاتهيد ولاتهدي=يفهمون العلم ناس وناس ماتفهم عليها
كل ماقلنا قضينا والحكايا تستجدي=تطوي الايام صفحات الليال وتحتويها
وش فعلنا بالزمان وش فعل جدك وجدي=ماتحروها تدر بوقت قمنا نحتريها
والضروف اللي تحد الرجل ملعونة مكدي=والليالي لو قست مايجوز نلعن والديها
للزمن وجه(ن) شحوح وللزمن وجه(ن) يندي=كم قصر يمنى طويلة باع لو مدت
وللزمن درب(ن) يجيب وللزمن درب(ن) يودي=واجد اللي ماج عنها وواجد اللي يحتريها
ماج عنها اللي يشوف الوقت في وجه(ن) مصدي=ويحتريها اللي لاجاء ام الكباير يمتطيها
وش نخلي من علومك يالزمان وش نعدي=الطبيعه مبتليها والخلايق مبتليها
تشتكي منك الجبال الصم عسرات المهدي=وضيقة نفوس الخلايق حكمة(ن) لله فيها
نرسل الانظار فوق بغيهبيا(ن) مجرهدي=وترجع الانظار والحسره جلال(ن) يرتديها
لولبسنا احلا اللبوس ولوتنازعنا التحدي=قدرة الله قدرة الله ما لحد قدره عليها

[فالح عايض السميري]

اختيار موفق لشعراء كبار

تقبل تقديري

[سعود السرحاني]

ذائقة شعرية تمتع متابعها

سلمت ابو بندر

وننتظر المزيد من ذائقتك وقصائدك

وافر التحية

[أحمد الساري]

وانا كذلك اعجبتني

وفكرتك تشكر عليها

تقبل مروري

[مشعل بن مشحن السرحاني]

مشكور ياأبو بندر على هذه الفكره والإختيار المميز

[السرحاني]

من الصفحة 133 الى الصفحة 131
الشاعر بدر الالبد
يارجـل سجـي بالمرابيـع سجـي=خوذي بهن بالطول مدهل و منهـاج
سجي بروضٍ والنـدى بـه ينجـي=مسقيه بـرقٍ بـاول الوقـت لعـاج
ثالث شهر والغيـث فوقـه يكجـي=وسيله تزاما مع جهاريـه ثـم راج
وزام وتحدر مـع شعيبـه يوجـي=ماكنه الا النيل مـع شـط سوهـاج
فيه الزهر غـب المطـر يرتهجـي=احمر من الياقوت وابيض من العاج
وعطر الخزاما والنفل بـه يعجـي=وان هبت النسمة صفق مثل الامواج
والى رقيـت النـازح المبرهجـي=رجمٍ على كـل المراقيـب منبـاج
والورق حسه فـي جنوبـه يلجـي=ويشرف على روضٍ تقل فرش ديباج
ارخي انظار العين مع كـل فجـي=حتى يهيض من الحشا كـل مـالاج
روابـعٍ مـع بـاب قلبـي تهجـي=ويفتح لهـن قلبـي ثمانيـن مـزلاج
تقفـي وتقبـل بالضميـر وتخجـي=بين الحنايـا كنهـا شعلـة سـراج
دنياك هذي مبلشة يـا بـن حجـي=تعطي زباد بكـف وبكـف كربـاج
وحروفهـا مـا تنقـري بالتهجـي=وان عاكست ما فادها طب وعـلاج
ايـام فيهـا امطـار وايـام عجـي=وايـام بيـن وبيـن مافيهـن انتـاج
احدٍ ضحك واحدٍ دموعـه تزجـي=واحدٍ رقد واحـدٍ رقـاده تغمـلاج
واحـدٍ زمانـه مقفـيٍ مستهـجـي=واحدٍ زمانه مقبلٍ ضاحـك حجـاج
دنيا جبـال الارض منهـا ترجـي=عندك خبرهـا نشفـت بيـر هـداج
يـا شينهـا يـوم انهـا تستلـجـي=لولا ولي العرش يفـزع بالافـراج
والله من اصحاب المصالـح ينجـي=اهل النفـاق معاونـة كـل هـراج
اهـل الكـلام السامـج المسمئجـي=سـود النوايـا والخفايـا والامهـاج
جنبتـهـم ياعـلـهـم للـمـدجـي=ماني رفيق اهل النمايـم والاحـراج
مـادام انـا لله صومـي وحـجـي=مالي ومال الخلـق عـدلٍ ومنعـاج بسم الله الرحمن الرحيم

استمعت للشاعر /سالم بن صامل الوثر رحمه الله وهو يقدم لهذة القصيدة بقوله: (وانا شب (شاب) واتعلم
للقصيد قالوا هناك قافية جديدة صعبه وهي قافية اريا فانشد هذه القصيدة كرد واثبات لشاعريتة المبكرة اليكم هذة الدرة

بديت في رجم(ن) هذا زيـن مبنـاه=وبيّحت مـن عينـي كثيـر العبريـا
وقمت امتنـي كـاد انهـا بالمنـااه=الفيـن مائـه كـل غـرة شهـريـا
ودي اسويهن علـى كيـف مشهـاه=مانـي مسويهـن حـلال وتجـريـا
ابني بهن بيت(ن) هذا زيـن مبنـاه=مـذراه لاهبـت هبـوب المطـريـا
واحط بـه اربـع دلال(ن) ومصفـاه=ومبهـرات(ن) مـن علـو البهريـا
وسميدر(ن) لادن حسـه لمـن جـاه=مثل المنبـه يـوم حـس الخطريـا
والثانيـة خطـو الهنـوف المخِبـاه=عنق الغزال اللي عطف عقب جريـا
والثالثـه خطـو الـردوم المعـفـاه=وقم السدس مـن قاطعـات الديريـا
وان لقوا اهل الجيش مع درب مضماه=تـورد الـعـد الـقـراح الغـزريـا
والرابعـه مـن ثوبهـا عـود دبـاه=مابـان بيـن سروجهـا مانشـريـا
وعيالها صـوغ المهنـدس يبيمنـاه=وتكـج حمـر(ن) يكسـرن الجبريـا
المرحوم الشاعر/سالم بن صامل الوثر العرادي البلوي


هو الشاعر المبدع . حسن عبيد السرحاني البلوي
عرفه ميدان المحاوره وعرفه جمهوره بالجزاله
ولاكن يجهل الكثير بأن هذا المبدع مبدع ايضاً بالنضم .
أخترت لكم هذه الرائعه لشاعرنا المبتعد عن ضجيج الساحه رغم حاجتها له .
عسى ان تنال رضاكم
لا اطيل عليكم
اترككم مع الأبداع

الا ياليل لا تغيـب مصابيحـك عـن السهـران=ترى من لا توالف مع ظـلام الليـل مايسريـه
تعودنا على نجومـك تعودنـا علـى الأحـزان=رضاء المخلوق مايدرك وجرح الود من يشفيـه
أنا اللي لي وليفاً طار عن جـوي بـلا جنحـان=ولا أدري وين وقع طير شال القلب بيـن يديـه
وحشني صوته الخافت وحشني رمشـه الفتـان=وحشني خده الناعم وحشنـي كـل شـيٍ فيـه
وانا الذاكر وانا المنسى وانا الوارد وانا العطشان=وانا اللي مستعد ازعل جميع الناس لجل ارضيه
بحثنا عنك ياساكن غدى مـن جملـة السكـان=وسخرنـا مصادرنـا وقالـوا نعتـذر يابـيـه
ولا يوجد لهم هاتـف ولا يوجـد لهـم عنـوان=وقررت انشـر القصـه قصيـده علـيّ الاقيـه


المبدع

حسن عبيد السرحاني البلوي

[بن صقير]

مشكووووووووووووور

[الفقير الى الله]

افكارك غير .....
واختياراتك غير ...
وقصائدك التي مختارها فيها من القصيد الكثير وفيها على قولكم يجوز لشاعر مايجوووز لغيره...
ولكن لمى لا تختار لنا من شعراء الحداثه .. والتي ربمى يستطيعون ان يكتبو باليوم مجلد او اكثر ولكن لو غربلت هذا المجلد لربمى لم تجد به من الشعر الا العنوان
((لا اعمم ولكن ))
وتجد الكثير من المصفقين والهاتفين بان هذا هو الشعر ولكن ؟؟؟؟؟
وكم كنت اتمنى ان يوجد بهذا المنتدى ناقد (( مغربل)) لا يجامل لكي نستطيع ان نجد شعراً حقيقياً مثل الكثير من اختياراتك الجميله ..
دمت بووووود

[السرحاني]

مسلم حمدان البلوي
فالح عايض السميري
سعود السرحاني
أحمد الساري
مشعل مشحن السرحاني
ابن صقير
الفقير الى الله

أشكر مروركم الكريم وكان بودي أن يضيف كل منكم قصائد نالت إعجابه حتى يستخلص الشاعر مواضيع القصائد التي تثري المنتدى وتعكس ثقافة القبيلة.

وتقبلوا تحياتي وتقديري.

[السرحاني]

نتابع من ص 130

مصافحتي الاولى لهذا الصرح الشامخ

بسيطه وارجوا ان تنال ولو قسطا بسيطا من اعجاب ذائقتكم



ذكرى سعيده وذكرى مالها داعـي=وذكرى على بابها الاطلال اناظرها
كني لوقتن مضى يدعيني الداعـي=والنفس كنك على التلويع جابرهـا
ذكراه نادت وانا نصيتهـا ساعـي=وظمتني بشوقها و النفس خابرهـا
وغديت للهم والهوجاس مطواعـي=نفسي قبلته ورضيتبـه يسايرهـا
نفسن من الود فيها اشكال وانواعي=ومن الغلا والهوى خسرت تجايرها
بأسباب غرون شبيه البدر لماعـي=غشا البسيطه بنوره يوم زاورهـا
حبيتها وللغـلا مدخـل ومطلاعـي=الغيتها كلها مـن شـان خاطرهـا
حبيتها ليل دامي اسهـره واعـي=وحبيتها عين دامي في محاجرهـا
حبيتها وبل دامـه قلبـي القاعـي=وحبيتها دام يحيي النبـت ماطرهـا
حبيتها سر وسط الناس ماشاعـي=وحبيتها ملهمه لاحساس شاعرهـا
حبيتها لحظتن فيها اطرب اسماعي=وامتع العين في اجمـل مناظرهـا
حبيتها مسكنـي داري ومرباعـي=ما مربي يوم ضاقت بـي معابرهـا
حبيتهـا لقمتـن ففـواه جياعـي=وحبيتها نجمتن في الليل اسامرهـا
حبيتها حجة البرهـان واسناعـي=وحبيتها سالفه تخفـى مصادرهـا
حبيتها وجه زيف ودجل وخداعـي=وحبيتها سكرتن روحـي تخدرهـا
حبيتها كنز حوله هوش وصراعـي=وحبيتها مشكلـه زادت مخاطرهـا
حبيتها كثر مرواحـي ومرجاعـي=ومهما حصل فالغلا ماني بعاذرهـا
واحبها والغدر ماهو من اطباعـي=ماخونهـا لوتنـزل فـي مقابرهـا
ماهمني جاهلن قال الزمن ضاعـي=عليك وانته تحاول كيـف تخبرهـا
مايدري ان الحبيبه تفهم اوضاعـي=وتخضع لأمري وانا انهاها وآمرها
وان التلاقي اكيد دروبـه وساعـي=واليوم جتني تبشرنـي وابشرهـا
بان المفارق ترى عـود تجماعـي=ربي بعد عسرها بأمـره ميسرهـا
ويابعد مهما تسبب جرح وصداعي=عند التلاقي تحسب من صغايرهـا وسلامتكم
نايف الروقيالروح تامرني والاشـواق عـزاف=قلبي وعقلـي كـل واحـد قضيـه
متوزعينن بيـن شـلات واحـلاف=مثـل الزعـارا سببولـي اذيــه

عسى الحضارة تنذلف بالف مذلاف=ليـت الشبـح بدلتـهـا بالمطـيـه

اسامر اهمومي مع الليل لا طـاف=واصبح وانا مثـل اولـي بالمسيـه

مثل المسافر وابيض الثلـج نـداف=متعثـرن بخطـاه والخـاو مـيـه

بيت الشعر لو هو بسيطن اوشفـاف=احـب مـن فلـه اتقفـل علـيـه

يامنشي الرعاد طافـن ورى طـاف=اليـا سجـان الهـم هـون مجيـه

انك توجـه مزنهـا يـم الاغـداف=تمطر على ذيـك الفيـاض العذيـه

حتى يجي دحنونها كنـه ارعـاف=امخالـطـن نــوارة البختـريـه

انا هوايـه طلتـن فـوق مشـراف=اهوايـتـن حبيتـهـا بالسـجـيـه

سلبوتتن تتعب رجـل كـل حـذاف=نافت على كـل المشاريـف طيـه

تلقى الجوارح خنسن فـي عكـاف=والحر الاشقر لعن ابو كـل حيـه

اجلس بها وادموع الاعيان نـزاف=حتى شعاع الشمـس يغيـب ضيـه

اليا اظلمت تسمع بها صوت حفحاف=حفحاف بيرن تصطفـق بـه ادليـه

اليا لمع براقها صـوب الاحقـاف=لا واعذابـك يالعـيـون الشقـيـه

يالله على بدون تقصـوا بالاطـراف=اهل الوداعـه والقلـوب الصفيـه

اقفوا على زملن ثجيلات واخفـاف=مثـل الطخـا لافرقـت بـه نويـه

شدو وخلوني علـى الـدار لهـاف=ماغيـر انـا والذيـب والجرهديـه

انا اشهد ان البدو حلوين وعجـاف=حلوين مثل الشهـد واحـلا شويـه

غزلانهم تسبى الحشا غنج وانحـاف=يامـا رمونـي بالعيـون الجريـه

الشاعر غازي بن معيصير

[محمد الثوعي]

اخي العزيز 00السرحاني


لقد طرحت هنا قصائد تعتبر معلقات شعريه (شعبية)


وتدل على ذائقة ادبية رفيعة تمتلكها


سعيد بأن أقرأ هنا الجمال والابداع


لك التحية والتقدير 00كن بخير

[سعد بن رشده السرحاني(رحمه الله)]

مع التحيه والتقدير
..................
أختيارات رائعه ومتميزه
من شاعر .....
قمه بالآبداع والتميز
.......
بالتاكيد وجدنا المتعه بمتابعة هذه
الصفحات المدهشه
................
لك مني مليون تحيه وسلام

[بن قبلان]

ابو بندر اختيار لقصائد مميزه

ولكن اتمنى ان لاتكون فى متصفح واحد ولكل قصائد مختاره بعنوان جديد(مثل قصائد اعجبتنى وتأخذ

عدد متسلسل ) حتى يتمكن الأعضاء الردود وكذلك الزائرين القراءه والتمتع بروعة الأختيار

وجهة نظر نتمنى ان تقبل وتقبل احترامي