البكره أغلى من مقادير إنسان
بواسطة
, 01-23-2010 عند 06:45 PM (3677 المشاهدات)
تكفون ياهل الطيب ممزوج بالدّين=الطيب باقي بالمعازيب شفقان
أجداد صالت و الشواهد ميادين=و رجال صارت في المعاليق خذلان
الصيت صار بغفلة(ن) للمزايين=البكره أغلى من مقادير إنسان
ياكثرهم وقت السوالف مع اللين=لاسمعوا النخوه مواويل هجران
يارب ياخالق أوادمك من طين=العز يرجع في مواطين الأبدان
علاء مرمي بين ذيك المساجين=كنّه غريب(ن) ماهو من ساس عربان
حنا بلي تكفون ياهل السلاطين=نفخر بصيت(ن) ذاع من ذيك الأزمان
عساني ماشوفك ياذيك الملايين=والعقل عن فعل المواجيب غفلان
الدمع ساكن للمخاليق في العين=والليل مع هم المخاليق سهران
الفرق واضح بين فعل الشياهين=مع طير صيته من مخاييل جنحان
الصيت صار بغفلة(ن) للمزايين=البكره أغلى من مقادير إنسان
من خربشاتي
و أنا هنا لا أقصد أحداً بأم عينه
و لكن أحكي واقعنا المرير
الذي نعاني منه و نصفق له
ولكم
ودي و تقديري
![]()
ابو ريما