شاعر بلا مشاعر

ليه ياعيني سهرتي=وليه عشانه تدمعين
لو مشيتيله سألتي=مالقيتي به حنين
لاتقولي لي ولهتي=روحي للي تهتوين
إنتي في خالد قتلتي=قلبك بقلبه دفين
ليه ياروحي هجرتي=عشق تحكيه السنين
في حياتي إنتي كنتي=أغلى من مال وبنين
للأسف فيني سكنتي=وما غلا لجلك ثمين
واحسب إني آنا وإنتي=في بعضنا ساكنين
لين شفتك لي تركتي=مع همومي والونين
وتو عرفتك ماعرفتي=إيش يعني تحتوين
إنتي للدنيا ركضتي=ما هو للقلب الحزين
ليه يانفسي غدرتي=وما سألتي فيك مين
ليه يانفسي حلمتي=إنك إنتي تعشقين
وكل قصايدها كتبتي=تكفي إنك تحرقين
واكتبي لقلبي ظلمتي=واعرفي منهو تبين
ولاتخوني من عشقتي=لو بناره تكتوين
ولو فعلتي ما فعلتي=لربك إنتي ترتجين
بالجفا فيني سقمتي=والوفا فيني سجين

أبو ريما