الخال حمد المساوي

السلام عليكم ورحمة الله وبركاته

مناسبة هذه القصيده

مما دعاني لكتابة هذه القصيده طلب مني خالي (حمد بن محمد بن مساوي العصباني) شريط مسجل من قصائدي وتأخرت عليه لأني في الحقيقه لم اصل لمستوى نشر الأشرطه وألح علي بالأسئله اين الشريط لأنه من المحبين للشعر ويهتم به قررت ان اهديه كذا قصيده وان اخصه بقصيده.

(توضيح)حيث ورد ضمن القصيده هذا البيت
نقّض من الدار الكبار المساقيف .............. يوقد عشا ضيفه من اطرف عمدها
(نقض بالتشديد على حرف القاف
قبل اربعين سنه عندما كانت احوال الناس( ضعيفه)كان يسكن في منزل من الطين في بلدة العويقيله بالحدود الشماليه قرب رفحاء جاه ضيوف من (شمر) آخر الليل قرر ان يضيفهم ويذبح لهم لكن المشكله في الحطب الذي يطبخ الذبيحة غير متوفر تلك اللحظه. والمنطقة قاحله بطبيعتها. ذبح الذبيحه وأخذ منشارا وقطع سقف احد الغرف وطبخ اهله عشاء الضيوف وقام بواجبهم . وهذه من مكارم الرجال.
مما جعلني استشهد بهذا البيت حتى لايقال شهادتك مجروحه في خالك.وهذا فخر لبلي كافة
قلت ..





[poem=font="Simplified Arabic,6,black,normal,normal" bkcolor="transparent" bkimage="./images/backgrounds/27.gif" border="double,8,black" type=2 line=0 align=center use=ex num="0,black"]
ياقاف غرّد ثم غطرف غطاريف=أنظم جزيلات المعاني وزدها
أطوّعَك غصب ٍ وأولفك توليف=تحيا لو أنك بالقبور ولحدها
ادخِلك ميدان المهار المعاسيف=حتى تطاوع ثم ترضى بنكدها
ولا جيتني طايع مثل شذرة السيف=أقضب نصابك والبيوت تحشدها
الشعر يفخر ويتشرف تشاريف =عند العرب له قيمته ما فقدها
معزّته عند الرجال العواريف=كنز ٍ ثمين وعند خالي وجدها
لك الشرف يا قاف يوم أنك تقيف=وقفه بها التقدير هبهب سعدها
للخال ابو حمدان ذيب المشاريف=حمد مساوي كل عليا صعدها
رقى مراقيب الشرف والتكاليف=ودروبها بالعين منها رصدها
بحور الكرم منها غرف بالمغاريف=ويغوص فيها ويستمد بمددها
ماهو على بذله كثير التحاسيف=يزرع زروع الطيب ثم يحصدها
نقّض من الدار الكبار المساقيف=يوقد عشا ضيفه من اطرف عمدها
للضيف والجيران والمرجله ريف=يوم المعيشه ما توفر رغدها
ترفع له البيضا على الشمّخ النيف=مواقفه كل ٍ شكرها وحمدها
يا قاف وصل له من مبارك خليف=سلام ٍ احلى من مصفّا شهدها
وحيه تحية حاتمي ٍ بله ضيف=تحيةٍ من خاطري واعتمدها
ما هِيّلت صفر الدلال المزاهيف=عند الكرام الي توفّي وعدها
وما هلهلت غرّ المزون المراديف=على الفياض ونفدها مع جلدها
على مهل من غير عج وعواصيف=براقها يرفرف ويرزم رعدها
في ليلةٍ قمرى على مطلب الكيف=تلمع بها اللي جِرّدت من غمَدْها
وما هب نسناس ٍ من الشام لطريف=ومنها على حايل وعدّى بلدها
وحيه تحية مخلص ٍ بالتواصيف=تفوق زافات البحور وزبدها
تزفها سحب ٍ تقافا مراجيف=زافٍ وراى زاف ٍ وزافٍ بَعَدْها
صفّة جيوش الحرب في يوم تشريف=للقايد الأعلى تكامل عددها
تحية ٍ من قلب ما يعرف الزيف= يشمخ بها راسي وقلبي مَهَدها

مبارك خليف العصباني
(عزام)
[/poem]

مبارك خليف
ونعم فيك وبخالك ... كفيت ووفيت ...وسالفة خالك سالفة عظيمة وفخر للقبيلة كلها..
الله يطول عمر ابوحمدان وعمرك في طاعته ... تقبلا تحياتي

]صح لسانك يابن العم والله يعافيك
والكرم ماهوغريب على ابو حمدان
عسى الله يمتعه بالصحة والعافية

شاعرنا ونجمنا

مبارك خليف البلوي

صح لسانك عدد قطرات المطر والف نعم بك وبي خالك ابوحمدان

واشكرك على هذه القصه التي ترفع الراس

دمت بخير

السلام عليكم ورحمة الله وبركاته

عزام

صح لسانك والف شكر على القصيده الجزله

اجدت في الوصف والتعبير

وفي الوقت الحاظر قد قل الاهتمام في الشعر

الذي هو لسان العرب و الشعر هو ما اشتهر فيه العرب

مبارك خليف البلوي

صح الله لسانك ونعم فيك وفي خالك وقصيده في غاية الروعه وكيف لاتطلع القصيده بهاذا الشكل وانت خالك رجل بهذا الكرم .......يستاهل المدح بدون مجامله

مبارك خليف البلوي ..

صح لسانك وسلم بنانك لاتحافنا بهذهـ ..

سلمان العرادي

الشاعر الرائع

مبارك البلوي


صح لسانك وسلم بنانك
على هذه القصيده الجزله
والمدح بأهل الطيب ماهو خساره
سلمت ودمت
يا مبارك
ودام ابداعك

السلام عليكم ورحمة الله وبركاته
اخوي الشاعر (ابوفالح ماعليك زود ويطول عمرك)
ابن العم العزيز خلف ابو نواف تسلم وتدوم
الألبد والف نعم ثاني لك والله يخلي لك والدك العزيز
يعرب اشكرك جزيل الشكر لأهتمامك
صح بدنك ياسلمان العرادي
عبدالله سليمان الوحيشي صح بدنك وماعليك زود
وتسلمو لنا جميعكم
مبارك خليف

(الشاعر القدير)

عايد السميري
الله يعطيك العافيه
والف نعم فيك


اخوك/ مبارك خليف البلوي

استاذي الكبير
مبارك خليف البلوي

المدح بأهل الطيب ماهو خساره
ونحن نفتخر بمثل هولاء الرجال ..
.
.
عـــــــــــــــــــــــــزام ..

فخراً لنا ولهذا المنتدى وجود امثالك

فلنا كل الفخر ولك كل الشكر ..

محبك..
محمود الجذلي

الشاعر مبارك خليف البلوي حفظه الله قصيده رائعه رائعه بمعنى الكلمه بدون مجامله وكذلك الاروع القصة التي تدل على الكرم ويستاهل اكثر ابوحمدان ولاهي غريبه عليه..والمفترض ان هذي السالفه اشتهرت مثل السوالف والعلوم الطيبه عن الرجال الاجلاء أمثال ابوحمدان الله يعطيه الصحه..اقول هناك احداث ومكارم رفعت رأس قبيلة كامله وتنسب لعموم القبيله مثل تكريم حيوان مفترس واعطاءه عشاه خروف حي طازج؟؟؟؟؟؟؟
طبعا بدون التقليل من هذا الكرم اواصحابه والمنتسبين اليه..حاشالله..
ولكن هذه والله أنها اعظم منها بكثيرفقيامه بنقض جزء من بيته لاكرام ضيوفه فهذا عمل عظيم ومن يعرفه لايستغرب من فعله هذا ابد.....والمفترض ان هذي السالفه انتشرت بوقتها..ومعروف ان القصيده لها دور كبير في نشر القصه وكذلك الاعلام سواء حاليا أو سابقا..ولكن بتواضع ابوحمدن واعتبار الموقف شي عادي عنده منعه من اظهار هذه القصه ولايريدأن يمدح نفسه بها ..وهي التي تدل على الكرم بلا حدود..............اخي مبارك الشكر الجزيل لك على احياء هذه القصه بنظم هذه القصيده الرائعه في شخص يستاهل ..........ولاتهون انت ياشاعرنا.
والسلام عليكم
وكل عام وانتم بخير

شاعرنا عزام



وكل عام وانت بخير

مشكور على هذه القصيده الرائعه وهذا ليس بمستغرب على العم ابو حمدان اطال الله عمره ومتعه بالصحه والعافيه

والشكر لك على هذا الابداع الذي نتمنى ان يستمر ان شالله

الشاعر خليف مبارك البلوي
عزام
شعر جميل واخ محترم
دمتم اخي \\
سلامي لك وسلم خالك
رجل محل احترامي\\\\

السلام عليكم ورحمة الله وبركاته
الشاعر وابن العم مبارك
صح لسانك قصيده جميله في شخص شهادي فيه مجروحه و يعطيك العافيه عليها

لكن انا اسمع عن قصيدة الزل يا ليت تنزلها في هذا المنتدى