تويت
منهج هل العرف ** شعر مقبل البلوي
يا هاجسي مالك ومال العشاشيق=سقها على منهج هل العرف سقها
العاقل اللي يوثق الحكي توثيق=الناس تحسب كلمته لانطقها
بالحكمه يطوق معانيه تطويق=بيبان جزلات المعاني طرقها
يا خاف يلقون الرجاجيل تعليق=نقاد تفرق وردها من حبقها
عمالقه تصنع بحور الطواريق= واللي على نفس المسار اعتنقها
كلامهم مثل الذهب بالصناديق=روس الرجال اللي ينومس رفقها
الطيب لا من ضيعوه المطافيق=تلقاه عند وجيه يندى عرقها
وجيه محشومه عن علوم ما تليق=اللوم يقصر دونها مالحقها
لاقل قدر ملفق الحكي تلفيق=اللي رخيصات السوالف عشقها
يموت ما يسوي سواة المخاليق=أهل السلوم الطيبه ما سبقها
خله يولي ناقص العقل ما يفيق=وش عاد لو شمسه توارى شفقها
خذها نصيحه والنصايح توافيق=يا شاكياً صعب الحياه ووهقها
الصبر مفتاح الدروب المغاليق=لا قلت الحيله وقفل نفقها
لو ما الصبر يطفي لهب ساعة الضيق=يقضي على روح البنادم زهقها
لحيتك لا سلمتها للحواليق=بالموس حلاق الدقون يحلقها
اللي يسوي لك قيود ومعاويق=إلى انتصر عليك كبدك حرقها
ماهو مصفقلك إلى جيت تصفيق=من طبع خناق الحلوق يخنقها
واللي يخاف ان الضمى يببس الريق=يصوم عن لحم الجزور ومرقها
صوم النفوس الطاهرات المعاتيق=صامت لوجه الخالق اللي خلقها
العاقل اللي يوثق الحكي توثيق=الناس تحسب كلمته لانطقها
بالحكمه يطوق معانيه تطويق=بيبان جزلات المعاني طرقها
يا خاف يلقون الرجاجيل تعليق=نقاد تفرق وردها من حبقها
عمالقه تصنع بحور الطواريق= واللي على نفس المسار اعتنقها
كلامهم مثل الذهب بالصناديق=روس الرجال اللي ينومس رفقها
الطيب لا من ضيعوه المطافيق=تلقاه عند وجيه يندى عرقها
وجيه محشومه عن علوم ما تليق=اللوم يقصر دونها مالحقها
لاقل قدر ملفق الحكي تلفيق=اللي رخيصات السوالف عشقها
يموت ما يسوي سواة المخاليق=أهل السلوم الطيبه ما سبقها
خله يولي ناقص العقل ما يفيق=وش عاد لو شمسه توارى شفقها
خذها نصيحه والنصايح توافيق=يا شاكياً صعب الحياه ووهقها
الصبر مفتاح الدروب المغاليق=لا قلت الحيله وقفل نفقها
لو ما الصبر يطفي لهب ساعة الضيق=يقضي على روح البنادم زهقها
لحيتك لا سلمتها للحواليق=بالموس حلاق الدقون يحلقها
اللي يسوي لك قيود ومعاويق=إلى انتصر عليك كبدك حرقها
ماهو مصفقلك إلى جيت تصفيق=من طبع خناق الحلوق يخنقها
واللي يخاف ان الضمى يببس الريق=يصوم عن لحم الجزور ومرقها
صوم النفوس الطاهرات المعاتيق=صامت لوجه الخالق اللي خلقها