المهم الى متى

[poem="font="simplified arabic,5,black,bold,italic" bkcolor="transparent" bkimage="./images/backgrounds/2.gif" border="solid,3,black" type=2 line=1 align=center use=ex num="0,black""]ياهواجيس القصائـد دلهينـي عـن شقايـه = طال صبـري ياهواجيسـي دخيـل الله تعالـي
رحلتي رحلت عنا وحكايتـي نفـس الحكايـه = ان سلمت من الشقى قام العنا يفتـل حبالـي
مـر يبرانـي شقـاي ومـر يبرانـي عنايـه = ون سلمت من العنا ماعاد يتركهـا الشقالـي
من فقدتـه مايبارينـي أعـرف انـه ورايـه = أدري انـه ياورايـه يايميـنـي ياشمـالـي
والله اني من سوات اهل الحسدواهل الوشايـه = صرت أراقب كل ما حولي بما فيهـم ضلالـي
أسألوا سود الليالي ويش ذنبـي وش خطايـه = وافتحولي فذلكة تحقيـق مـع سـود الليالـي
ماهي القصه؟ وما ذنبي؟ وما نـوع الجنايـه = ياشقاي ويا عنايـه جاوبولـي عـن سؤالـي
تهت في واد الضمى خلف السراب أجحد ضمايه = واتجمم ريقي الناشـف والمـه مـن خبالـي
اتراجـع والهـوى والطيـش يقنعنـي برايـه = خطوتين ونص دون المنعطف واشغف رحالـي
ماعترف بالياس لويطغى على نسبـة رجايـه = والرجا فـي كلمتيـن الله عليـه اول وتالـي
اتخيل بـك معاويـض الشقـى مـن ذلبدايـه = كان ماخانتنـي احساسـي وخيبنـي خيالـي
كـان نيتـك انسيابيـه ولا فيهـا التـوايـه = يامعذبنـي بعيـن الاعتبارانـظـر بحـالـي
المهم الى متـى؟؟ وانـا متيـم فـي هوايـه = يامنـاي حبـك المزعـوم واسرفتبحـوالـي
ياغلاي الـى متـى وانتـي تحلفيـن بغلايـه = باح سدي ياغلا ونتـي تقوليـن انـت غالـي
والغلا لابـد بـس مـع الغـلا لابـد غايـه = والحقيقه غايتـي ومنـاي شوفـك بالحلالـي
اجتمع فيـك الـدوا والـدا ولاعنـك اوقايـه = بس ماريد الوقايه عنك رغـم اللـي جرالـي
والله اني خايف اتشوفيـن نفسـك بالمرايـه = وتعشقي نفسك وانا بعدين من يعشق جمالـي
لوتقولـي تـم فكيتـي بهـا رمـز الحمايـه = وانا اقولك تم لوتبغيـن مـن أغلـى حلالـي
سجلي في قوقل القلب الشقي صفحـة بدايـه = وكتبي رمز الغلا والسـر بالسطـر الموالـي
ثم بصبعـك الكريـم أنتـر ودشـي للنهايـه = تملكـي حـق التجـول بالحشـى والانتقالـي
ولاوصلتي كنترول القلب طلـي فـي سمايـه = لاعكس ضو الرومنسيـه لصاحبـة المعالـي
والمشاعر باجمل الالوان غطت لـك فضايـه = زهري ووردي وفسفوري ومـوف وبرتقالـي
وأسكني فندق كبـار العاشقيـن أفخـم بنايـه = وسكنـي بلـوش والله ماتسوقيـن الريالـي
ولاسترحتي من عنا المشوار لفي في حشايـه = تتبعك فرقة شـرف وتقابلـك فرقـة دلالـي
من شـروط الدبلوماسيـه تطشيـن العبايـه = تدخلي مركز شئون العاشقين بـراس عالـي
ولاتربعتي على عـرش الغـلا أقرالـك أيـه = أية العشاق من عذب القصيـد اللـي طرالـي
ثـم انتـي صفقـي ودللـي ومشـي معايـه = وفرحي يالانسه عليـا بابـو زيـد الهلالـي [/poem]