اســتنتــاج ... شـاعــر

[poem="font="simplified arabic,5,blue,normal,normal" bkcolor="transparent" bkimage="" border="none,4,white" type=2 line=0 align=center use=ex num="0,black""]
من منطلق يوم اهتمامي بالقصيد=عاهدت نفسي للثريا يا الثرا

ما جيب فيه ألا النوادر والفريد=دام العرب ترقب قصيدي وتنطرا

اما قصيد بهون والمعنا حديد=ولا بلاش أغصب قصيدي وجبرا

ترا القصيد ألي به الداعي جديد=تسبر له العربان سحب(ن) تمطرا

ولا الذي كل يوم له درب(ن)وسيد=صغير لو شعره بعينك كبرا

بالأمس يشكي بالشعر عشق(ن)بعيد=واليوم يذكر بالغزل ماهو يرا

مره يقول انه معا وقته سعيد=ومره يقول الوقت فيني محقرا!!

تهنا وتاه العلم والراي السديد=والأخ عن نفسه وعنا ما درا

الشعر يلقى الموت بالراس العنيد=لو ابتدع قافه وبالوزن سترا

ولي يبي يحييه يرضى له نقيد=يرضى بنوع الراي لو فيه افترا

والشعر سوق وصبر رواده رصيد=خسران فيه ألي يجامل لا شرا

كلنا نريد وربي يفعل ما يريد=وكل جرح دونك يالقناعه ما برا

النفس نار ولو لها مال الوليد=ما تطفي برجال طاوعها ومرا

فيالله ثبتنا الى يوم الوعيد=يوم الصحف تكتب علينا وتنقرا
[/poem]