تويت
بسم الله الرحمن الرحيم
هذه قصيدة ا جتماعية ومن ضمنها غلاء المهور وكثر الطلبات التي .وقفت في طريق الشباب والشبات .وبعض الطلبات الحقيقة مالها لازوم .نسأل الله العلي العظيم إن يسر جميع امورهم . ياهل العوانس أنظروا روسهن شيب
عديت أنا بمشمرخات المراقيب / في راس ضلعاً نايفاتاً هضابه
وونست في قلبي سوات المشاهيب / من هاجساً باقصى ضميري لجابه
ودموع عيني فوق خدي عصاليب / وأسباب دمع العين محداً درا به
غير الذي عليم بالسر والغيب / الله عليم وكل شياً درا به
تجري بنا الأيام حلوه وتعذيب / ولاهي على المؤمن علوماً غرابه
يوماً تزعلنا ويوماً تعاجيب / والحي مكتوباً بعمله حسابه
من تابع الدينا وحش العراقيب / لابد له يوماً يلاقي عقابه
واللي يعيب الناس لايامن العيب / يمكن له يوماً تعيفه ثيابه
واللي يحقر الناس ما يفعل الطيب / مثل الدهر إلي تزايد شهابه
واللي كبير النفس أشر العذاريب / عقله صغير ولايفيد القرابه
وطليت أخيل مبعدين المراكيب / قفوا وأنا عنهم على وسق لابه
قفوا لوسماً طارشينه مناديب / لقيوا به العشب مغطي ترابه
شدوا له البدو على شمخ النيب / شدوا على اللي يكسر العظم نابه
بيوتهم مثل الجبال المناصيب / والكل عن الضيف ماصك بابه
أهل الدلال اللي لذيذ المشاريب / فنجالهن ماعذربه من حكابه
من بعدهم يعوي على دارهم ذيب / في طرقهم ضاعت عيال الذيابه
ياالله طلبتك ياوسيع المطاليب / تجلب على المقطان ممطر سحابه
من مزنتاً غراء تلم المحابيب / تلم من قلبه تزايد عذابه
فرقا الولايف كحل الراس بالشيب / كم واحداً منه يعذب ركابه
كم واحداً ولع بقلبه مشاهيب / واللي رماه الحب يكثر عذابه
عزي لمن رماه حب الخراعيب / أصبح جريح ومن حبيبه صوابه
ياهل العوانس أنظروا روسهن شيب / خوفوا من الله الايجيكم عقابه
عينوا عليهن واتلوا الطيب للطيب / واللي فعل الخير يلقى ثوابه
ما يغنن الفقران يوم الشلاهيب / والذيب ما يأكل عياله بنابه
واللي تجر بالعار يامكبر العيب / دماً ثقيل ولاربح من مشابه
تضحك له الدينا وتقبل بترحيب / وتقفي كما دخان طاير سرابه
مادامت الدنيا لبو زيد وكليب / والعنتر اللي كل فارس يهابه
والعمر يفنا ياكرام الاشانيب / وين الرسول وين كل الصحابه
خوفوا من الله عالم السر والغيب / اللي للاسلام وضح كتابه
الشاعر : عبيدالله دخيل الله البلوي