محاورة التحدي مع الشاعر القصير
هذه المحاورة قديمه مع الشاعر القصير حبيت انشط القسم عن الركود
القصير
ثمان سنين مابين المواقع غادين رحـال =و ا لا يضيق صدري مالقيت اللي يسليني
عسى حظي يجيب اللي يرجح كفة المكيال = على وضح النقى في منتداكم يالعصابيني
ابوفارس
ثمان سنين تبني في قلوب الطيبين اجبـال = ولاضنيت صدرك ضاق دام انك مخاوينـي
وانا لاشفت في بعض المواقف يارجل مدخال =على وضح النقى لبيت قبل انـك تنادينـي
القصير
ما دام الحظ جابك ياهلا بك ياوسيع البال =تحزم واحتزم شوف الاصيله بينك وبيني
رسنها في يدي ما تبتعدعني بدون عقال =مطبعها على كيفي قريبه من نظر عيني
ابوفارس
عسى فيك البقى والناس به راحل وبه نزال =وانا حكم الاصيله يا لقصيـر لاتوصينـي
رسنها من يمينك لسحبه والحق غير ايقال =على صوتي لاهيضها على صوتي تحاكيني
القصير
نصحتك وأنت عاقل والنصيحة تنفع العقال = و من لا يتعظ ما تنفعه كثـر الملايينـي
أ لا ياخال حول عن ذلولك واترك الترحال =ما فرط فالرسن لوكان بيدينـك تذكينـي
ابوفارس
انا مقبل نصيحة من يحاول ضربة العذال=ولانته مفتياً حتى تقول انـك بتفتينـي
وانا خالك تزبن لك جبل لاتنزل المسيال=على قول المثل خلك قريب ولاتبارينـي
القصير
على النيه نبانمشي ونطلب صالح الاعمال=وقول الحق وقت الجد يرضيكم ويرضيني
ترانا فالجبل واماالوعر ماهو لنا منـزال=ليا منك قدرت اصعد على القمة تلاقينـي
ابوفارس
ترا نية كثير النـاس ماتغنيـه قيـل وقـال=ليا ناش الحديد ا لحام بان المعدن الصينـي
زبنت الضلع واغديت العصا مع سيفك البتال=بعدها ويش بقا في يد صاحبنـا يجارينـي
القصير
مشيت الدرب الأيمن وانت ياسالم مشيت اشمال=عسـى ربـي يـردك فـي محلـك لاتعنينـي
حميتك يالاصيله يوم خصمي يضـرب الامثـال=انا عـارف عناوينـه ولا يعـرف عناوينـي
ابوفارس
الا واشيب عينك يالقصير طال ليلك طـال = وانا ماكنت صاخي فيك لوماكنـت ناوينـي
يموت الداب الاسود والاصيله دونها الابطال=على هونك توقع لاتوقـف بـك شرايينـي
القصير
الا وشيب رأسك من بناخك والحمول اثقال=تقوله ماتقوله واضحه واثبـت براهينـي
يموت الداب الاسودوالله اللي يعلم الاحوال=اخذت المركز الاول وجاءغيـرك يهنينـي
ابوفارس
لقيتك يالقصير تفتل اليف وتقول احبـال=عسى ربي يعافيك وعسى ربي يعافينـي
تروم المركز الاول وانا خابرك فيك اجفال=ليا شفت الحباري ماتطير مع الشياهيني
القصير
لقيت ابن عيادة وسط بنده ما معاه ريـال=وعودما كسب خسران لاسلفه ولا دينـي
ليا شفت الحباري مجت عنها صادقِِِِ ياخال=ولادور على الشينات اباحافظ على دينـي
ابوفارس
انا ماروح بنده مثلكم يا مدورين المال=تعيش الوقت كله عند بيبان الدكا كينـي
ليا دورت خالك بالعوالي والجبال اطوال=وانا عارفك ماترقى الجبل يا مدور اليني
القصير
نبيع ونشتري بالسوق والغايب عليه اظلال=و من ياقف على البيبان والله ما يبارينـي
أنا واياك ياسالم نبا العليـا بـدون قتـال=أنا حصلتها والا أنت في عينك تراعينـي
ابو فارس
تبيع وتشتري ياالله عسى مافالكم لي فال=تسرحها وتضويها على كبار البعارينـي
وانا ماني مراعيكم تفضل واقفل الموال=ماضنك بعدهذي يا لقصير منت قاوينـي
رد مع اقتباس
المشاركة الأصلية كتبت بواسطة أحمد محمد السرحاني
المفضلات