ما ترحم الناس واحد ما رحم نفسه
بسم الله الرحمن الرحيم
بدر عوض الدبيسي الجهني شاب في بداية العشرينات من عمره وانا خال ابيه جاءني صغيراً في المنطقه الشرقيه وقد التحق باحد المعاهد كان نعم الشاب الحر اللبق يعتبر نموذج للشاب الطموح يدرس الآن في جامعة الملك عبد العزيز له طموح غير طبيعي ويتقبل النصح بكل صدر رحب اتوقع له مستقبل رائع بأذن الله وسيكون له شأن كبير بأذن الله
هذة نصيحه اقدمها له ولكل شاب يريد ان يكون له شأن
يابدر توك صغير وعالمك يطلب = والله يطول بعمرك والله يحرسه
اسمع كلامي وانا اكبر منك ومجرب = درست فعل الزمان وحافظاً درسه
يابدر خذها من اللي شرق وغرب = ماترحم الناس واحد مارحم نفسه
الوقت يابدر لايجامل ولا يكذب = والناس بالوقت مبسوطه ومنعفسه
قلي من اللي قدر عن قسمته يهرب = وقلي من اللي شديد الوقت مامسه
الناس تحت الطلب وايامها تطلب = وسهوم الايام بين الناس مندسه
والحظ يابدر بين الناس متقلب = احيان يامطيبه واحيان يانحسه
حظاً ينام العصر مايلحق المغرب = وحظا مع الليل ماينعس ولا نعسه
والوقت يابدر لا يمزح ولا يلعب = اليا التفت فيك ترجع عشرتك خمسه
قلي وش الحل وانا خالك الاقرب = بكره اذا مت ماتسمع ولا همسه
احفظ وصاتي يا بدر ويصفي المشرب = وانا ادري انك تعرف الصدق وتحسه
احفظ صلاتك ودينك وانت ما تتعب= ابليس يتعب قبل ما يلمسك لمسه
رد مع اقتباس
المشاركة الأصلية كتبت بواسطة عبدالله مناحي منقرة البلوي
المفضلات