محاورة عبدالله القرعوطي( ثاقب النظره ) والشاعر سالم عليان ل
صباح الخير. .. محاورة مع الشاعر الكبير سالم بن عليان الوابصي البلوي ...
----------------------
ثاقب النظره *
ياسـلام الله سـلامـن بجنحـانـه يطـيـر = اعتـلا مايشوفـه اللـي مقطـب حاجبيـه
يابعيـري مـن تعـرض جــزاه الله خـيـر = ينحـرك ويضيـع دمـك وعمـرك ماعلـيـه
-----------------------
سالم عليـان*
مرحبا بك يامرحب يا عسى خيـرك كثيـر = شاعـرا مـن ربعنـا يـرحـم الله والـديـه
انت والله كفو نشمـي ولـك دم وضميـر = ثاقـب النظـره نعـزه ولا نخطـي علـيـه
----------------------
ثاقب النظره*
البقا بـك يالمرحـب يصيـر اللـي يصيـر = وانت شاعر مانذمه علـى الملعـب نبيـه
يعجبك بالوصف لاهـو طويـل ولا قصيـر = يـابـو علـيـان ثـاقـب يـسـوي مايبـيـه
----------------------
سالم عليـان*
مشكله لاصرت في وضع محرج به كثيـر = والهدف مايضيـع لاصـار بالمعلـب بليـه
اتجاهل عن خطا صاحبـي لـو هـو كبيـر = خيرهـا فـي غيرهـا ياولـد تصبـح بخيـر
----------------------
ثاقب النظرة*
قبل لاتنزل على الماد شـاور واستشيـر = واجد اللـي ينـزل المـاد ويصًفـق يديـه
لاتجاهل وانت وضعك على الملعب خطير = بكـره يقولـون سالـم تـرا مافيـه فـيـه
----------------------
سالم عليـان*
قالو انـك بالكـرم منقطـع فيـك النظيـر = مـن يجيـك بحاجتـه ياخـذ للـي يشتهيـه
ترحـم المحتـاج وتـروح للبيـت الفقـيـر = ولو عرض مشعاب للبيع ترجـع تشتريـه
----------------------
ثاقب النظرة*
بعد ماعطيتك من اللي على ظهر البعيـر = تجحد المعروف والفعل والشغل النزيـه
ارحم المحتاج واعطيه من قمـح وشعيـر = وراعي المشعاب مشعابه اللـي مقتفيـه
----------------------
سالم عليـان*
لاتغيـر فـي مسـارك ولا تقـعـد تـديـرلك ضمير = يحن والشوق وسطـه يحتويـه
عارفك بالوقت الاول مع الوقـت الاخيـر = والصقر مـن يجهلـه ربمـا انـه يشتويـه
----------------------
ثاقب النظرة*
ماتعودنـا نحـط الكبـيـر مــع الصغـيـر = لاتقبلـنـا الهـيـاكـل تقبـلـنـا الـوجـيـه
مانت ثابـت والفلـك دوم دايـر مستديـر = ولو تفكـر بالخلايـق لـك مشابـه شبيـه
----------------------
سالم عليـان*
والنعم فيكم على العز والفعـل الشهيـر = موقـف بيـن النشامـا مشـرف تحتمـيـه
لكن انت ابلشتني و الشعـر بحـرا وفيـر = ثاقب النظـره بعـد يـوم ممكـن اشتكيـه
رد مع اقتباس
المفضلات