ثاقب النظره وبن رفاده
الشاعر :محمد عوده بن رفاده
هـلا يامرحبـا واهلـن هـلا حييـت ياسلمـان = بـدايــة قـافـنـا يامـرحـبـا مـلـيــون فـالـمـيـه
الاياذيب جـاوب للنـدا يـوم ازهمـك سرحـان = نبـا نسـري علـى وضـح النقـا والنيـه النـيـه
ثـاقـب الـنـظـره
يدوم بك البقا ياللي ترحب والعلـوم سمـان = ولكـن نسبتـك ياصاحبـي مـاهـي طبيعـيـه
اضنك بعد ابن غامد تبا تغـزي علـى زهـران = وتاخـذ مـن حـلال الـقـوم مربـوعـه ومثنـيـه
محمد بن رفاده
على وضح النقا ترحيبتي ماجـا بهـا نقصـان = ذهب صافـي ولا جـا وسطهـا صفـره وربيـه
كفو وتسـد بغيـاب الوفـي لاجيـت بالميـدان = ومـيـدان المـعـارك مـابـهـا رحـمــه ومـاويــه
ثـاقـب الـنـظـره
انا مازكي المخلـوق دام الله خلـق شيطـان = ولـكـن السـوالـف ياوسـيـع الـعـرف مقفـيـه
انا ماني بجاهل في حرارن تنهض الجنحـان = واعرف ان الشجر فوق الثرى مرتـع لقمريـه
محمد بن رفاده
يغيب ابليس دام اني مسمي بالله الرحمن = وتصـبـح ليلـتـه ياصـاحـبـي ذالـلـيـل ليـلـيـه
حـرار الجـو ماقعهـا تملـي عـالـي الضلـعـان = وهدتهـا علـى الصيـده بسرعـه غيـر عاديـه
ثـاقـب الـنـظـره
تبـرر غلطتـك ياصاحبـي واقـول لـك غلطـان = تــرى لـلـزور مـاريــه تـــرى لـلـحـق مـاريــه
انا لاشفت راع الحنبزانه جنب ابن شوصـان = صفقت ايديَه الثنتيـن واغسـل بعدهـا يديًـه
محمد بن رفاده
الا ياراعـي الحـجـه ظعيـفـه مالـهـا بـرهـان = وحجـه مالهـا بـرهـان تبـطـي مـااثـرت فـيـه
ترى فرعـون مالـه دور لـولا ساعـده هامـان = لكـن فرعـون بـه نعـرة طمـع ويـديـه ملـويـه
ثـاقـب الـنـظـره
الا يامطيب اللي لادخل يدخـل مـع البيبـان = يعرف الحسنه اللي ماجهل بالذنب والسيه
ترى ماباقي الا اهرام كانت من زمانـن كـان = ولـو حفنـا الهـرم يمكـن تبيـن علـوم سريـه
محمد بن رفاده
الايامطيـب اللـي فالمواقـف محزمـه مليـان = ونــاره فالمـواقـف ياوسـيـع المعـرفـه حـيــه
تراهـا ثابتـه بديـارهـا مــن سـابـق الازمــان = وثابـت ساسهـا ماحركـه شـغـل الحرامـيـه
ثـاقـب الـنـظـره
تعدتك المخايل ياللي تغنـي علـى الالحـان = وانــا مقهـويـك يـارجـال مــن فنـجـال بـريــه
تـراهــا ثـابـتـه لكـنـهـا ماوسـطـهـا سـكــان = وصار تراثها مسروق فـي روحـه وفـي جيـه
رد مع اقتباس
رد: ثاقب النظره وبن رفاده
.gif)
< امزح هههههههههههههههاااى
المفضلات