يالله يالـلـي مايخـيـب الـرجـاء فـيــك =يامسـيـر الأفـــلاك يـاخـالـق الـكــون
تقـبـل دعــى منـهـو يعـبـدك ويرجـيـك =ياللـي لـك العـالـم تصـلـي ويصـومـون
ترحـم ضعـيـف ٍ رحمـتـه بـيـن أيـاديـك =عبدالله اللى مـات وسبـب لـي الطعـون
عـبـدالله الـلـي يـــوم غـابــت ليـالـيـك =عندي الحياة من دون من دون في دون
ياليـتـنـا بـالــروح والـمــال نـفـديــك =لـكـن حـكـم ربــي مـقــد ر ومـسـنـون
ياخـوي إنـا باكتـب قصيـدة وابرثيـك =دمعـات عينـي وفكـر عقـلـي بيـرثـون
يـاخـوي لأمـنـه طــرى وحــل طـاريـك =ابـكـي ودمـعـي فــوق خــدي يهـلـون
أمـس معـي تضحـك وهلـي وحاكـيـك =واليـوم فــي قـبـرك مكـفـن ومـدفـون
وطلـب عسـى ربـي فـي قبـرك يهنيـك =قـولـوا مـعـي أمـيـن يالـلـي تـعــزون
وايعوضـك الله فـي شبـابـك ويعطـيـك =في جنت الفـردوس ( حـورٍ ومزيـون )
عــزا لله أن بالشـيـن مـحــدٍ بقـافـيـك =يـــوم أن غـيــرك فالـمـزايـا يـشــذون
حـشـاك مانـتـب مالعـيـال الصعالـيـك =قمـت أدب وأخـلاق ومالعيـب مصيـون
عـبـدالله الـلـي كلـنـا الـيــوم نبـكـيـك =ليتـك تـشـوف الـلـى عشـانـك يبـكّـون
وليـتـك تلـبـي الـلـي يـنـادي ويدعـيـك =أنـوح وأجـاوب صـدى اللـي ينوحـون
مــن عــاد ياقلـبـي بـهـرجـه يسـلـيـك =مـن عـقـب عـبـدالله جـريـحٍ ومـحـزون
ياقبـر عبـدالله عسـى الـوبـل يسقـيـك =ويصـيـر نبـتـك ورد وزهــور بغـصـون
وفي جال قبرك شجـر رآك ومساويـك =ويرحـم عظـام اللـي بـك اليـوم مدفـون
رحم الله عبدالله واسكنه فسيح جناته
المفضلات