ياليتني للمقبره ماتعنيت
بسم الله الرحمن الرحيم
هذه الابيات قلتها عندما توفيت أم عمي رحمها الله وقمنا بدفنها وقمت بزيارة قبر صديقي الذي توفي قبلها بشهر ونصف رحمه الله تعالى
ياليتنـي للمقبره ماتعنيـت
وياليتنـي قدمت عذري لعمـي
وياليتني ماشفت قبره ولاجيت
تجددت أحزان قلبي وهمـي
وياليتني عن ماقفي ماتعديت
وسط القبور امشي انادي واسمي
بشير يابشير ياطيب الصيت
قامت تثاقل بي خطاي وتلمـي
ماهي عوايـد لاندهتـك لبيــت
وانت الذي عندي عزيز ومهمـي
سلام مني كل ماصبحت وامسيت
يمك ولو حار الكلام وسط فمـي
مرحوم يالي مظلمن عقبه البيت
اخو ولو ماجا من ابوي وامـــي
وصلاة ربي عد من طاف بالبيت
على محمد خير من صام وامـي
ابو عامــــــر
رد مع اقتباس
رد: ياليتني للمقبره ماتعنيت
المشاركة الأصلية كتبت بواسطة المنجور
المفضلات