بسم الله الرحمن الرحيم

السلام عليكم ورحمة الله وبركاته


إحبتي إليكم محاورة الشاعرين الرائعين ..

[/color]
بدون ردود ..

والمعذر والسموحه على القصــور ..


والبدايه كانت عند الشاعر الرائع / عبدالعزيز العازمي[/color]

عبدالعزيز العازمي




ياصقر كيف انت كيف الحال ويش اخبارك
انت لك شهرين وانته ترسـل العساسـه
ياعميـل الخيـر ياأمـا واس والابـارك
عقب شفت الطالب اللي في يـده كراسـه



صقـــر سليم



لاتقول الحال كيفه ليتها مـن غـارك
وش تبي بالحال كيفو حالتك منحاسـه
اما أنا دوري معزي وانت وش معذارك
روح باركله علـى ماجـاه ولا واسـه


عبدالعزيز العازمي




والله إني قد نصحتك مير أخذ مقـدارك
ويش أسوي بالمريض اللي يدربي راسه
هب يافصل الدارسه ويش كثر أنـوارك
والمدرس منتهي والفصل فيـه دراسـه



صقـــر سليم



الجمال مفليه وأنتـه بعيـرك بـارك
طارح(ن) راسه تقول إنه عليه حراسة
مانبي تعليم فصلـك كثـر الله خـارك
دام كـل مدرسينـه قالبيـن الطاسـة



عبدالعزيز العازمي




كيف تضحك من بعيري والبلاء في دارك
دارك اللي نبتها مايستوي لـ(أظراسـه)
يالبقيلي طيـع شـوري لاتولـع نـارك
المنيحه ديسهـا ماعـاد يمـلأ الكاسـه



صقـــر سليم



والله أنا مانبيهم يكشفون أسـرارك
لين غيرتوا وبدلتوا رجـاه بياسـه
يالعتيبي طيع شوري لايطيح شعارك
الليالي دائرة وأوضاعكـم حساسـة



عبدالعزيز العازمي




انت مايدري بوضعك كلـه إلا جـارك
جارك اللي يعتبرك من أهله ومن ناسه
فكرتك زينه لكن سجل جميع أخبـارك
ثم ندبسها علـى علبـاك بالدباسـه



صقـــر سليم



أنت لوجودت ساسك مايطيح جـدارك
بس ياراع البنا ماانت مجـود ساسـه
كيف تقدر مع هل الفكر والحكيم تشارك
وأنت من حي العتيبيـة ليـا النكاسـة


وتحياتي للجميع!!!!أكرم السرحاني