رائعة من روائع الشاعر / ساعد الألبد يرحمة الله
بسم الله الرحمن الرحيم
السلام عليكم ورحمة الله وبركاتة وبعد
نقدم لكم قصيدة من قصائد الشاعر / ساعد بن عودة الألبد البلوي -يرحمة الله- رواية الراوي / سعود بن عواد بن سعيد العرادي البلوي
نترككم مع القصيدة :
البارحة عدّي على راس شنظور=والعين عيّت نومها لا تباتي
عز الله أن كثر الطوارى من الجور=جاراً على قلبي ويبست رواتي
لجن بجوفي كنهن لجت الحور=لجن عقاب الليل للأمهاتي
هن تقعت الوسواس وأن حث بصدور =يدع العقول الوازنه خارباتي
يا ماحلا الفنجال مع شقت النور=بعد الصلاة وقابل الله صلاتي
مخلص لوجه الله والعمل مذكور=وازيدهن صدقات قبل المماتي
فرايضاً كتباً على العبد بسطور=وأن كود ما خلصتهن وش حياتي
العبد ربي نزل العلم لـه نور=يفهم به الأرباح والمخسراتي
يدرس عليه العلم والعلم منشور=واللي عصا ربه تجيه الكفاتي
الناس لو حاشت ملايين وقصور=لا بدهم يمشون منها أعراتي
كم واحداً قفا عن المال مجبور=قفا عميله فيه علماً ثباتي
قفا وخلاها لهم ورث محصور=ومن بعد حصره قسموها شتاتي
واجه محلاً به تناشيد وعزور=خيره وشره كلهن حاصلاتي
عمله وما سوا بدنياه مقرور=مكتوباً بلوحاً أحفظ مدركاتي
يا أهل الطغا والكبر ترى ان به زور=تفطنوا ترى النفوس اخواتي
ومن لا يعز الدين مقيول لـه ثور=يأكل ويشرب مثل شاة الفلاتي
طراد دنيا ما يردد لها انشور=كبّاب دينه تابع المطرباتي
يا رب تجعلني ليامت مستور=ياخالقاً للناس موت وحياتي
خايف من اللي ما قبل مني أعذور=يوم النفوس بذنوبهن موقفاتي
يا رب تجعلني على الحق مأمور=يا قابل الطلبات تقبل ادعاتي
يا عالماً باليوم والطول وقصور=وياعالماً في تربتي وين تأتي
نركض بدنيانا ونكسب بها زور=ونفوسنا تكسب لنا المشكلاتي
يا باني الدنيا على سبع وعصور=سبعاً وجاباً لنا المسمياتي
ومن خلقت الدنيا على ملكه أدور=سبعاً بهن جمعه ودرس وصلاتي
وسلاااااامتكم
رد مع اقتباس
رد: رائعة من روائع الشاعر / ساعد الألبد يرحمة الله
المفضلات