أشره على الطيب

بسم الله الرحمن الرحيم

البارحة نوم البشر ماحصـــــــلّي =ياصبر عيناً ودها النوم ويـــــــــــغيــــــــــــب
العقل من كثر التفاكير مّلــــــــــي =حامت به الأفكار شرقاً وتـــــغــريــــــــــــــب
هماً تحلحل بالضمائر وحلّـــــــــــــي =وأشـــعل بصندوق الضمائر لواهيــــــــــــب
مليت حتى من العمل والتسلـــــــــي =ومالي مونس غير خط المكــــــاتيــــــــــــب
ياليل غادر ثم ياشمس طلّــــــــــــــي =ماينفع المجروح كثر التـــطابيــــــــــــــــــب
كان استمرت بالزمان المولّــــــــــي=لاوالله إلا ينزف الجرح مايـــــطيـــــــــــــــب
حساس أحلل كل موقف حصــــــــــلّي =وباسباب هذا لاح في راسي الشــــــــــيب
أشره على الطيب ولا أشره على اللي =مايقــدر الطّــــيب ولا يفعل الطيـــــــــــــب
وادمح خطا اللي عادته مايزلّـــــــي =حيثه اليا أخطى حس بالقــــلب تعذيــــــــب

وسلااااامتكم

( القصيده اطول من ذلك ولكني اختصرتها لطولها)

صح السانك وبارك الله فيك

صح لسانك ..

قصيدة موفقة يا الغالي

صح الله لسانك ياناصر



شوقتنا لباقي القصيدة هات باقيها لاهنت

وحيَّاك الله في منتدى ربعك

شرفتنا بالحيل

وننتظر باقي القصيدة لاتنسى


تحياتي لك

أخوك // سلطان سعد

..

صح لسانك وعطيك العافيه ابيات جميله تستحق الوقوف امامها

صح اللسانك ويعطيك العافيه