محاورة /الشاعر مسند دعيس والشاعر هاني الصريبطي
مسند دعيس
ودي اصوت لهاني دام رشح روحه
مير اخاف ارشحه وزعل الاصحابي
مرحبا بك ياهلا ترحيبتن مملوحه
قلتها ياعل جرحك ياصحيبي طابي
الشاعر /هاني الصريبطي
لاترشح هاني ولاتقرب من اللوحه
هيتك ياصاحبي من هية الارهابي
البقا ياللي تقول الحنجره مجروحه
غاب نجمك ياعملي غاب نجمك غابي
الشاعر /مسند دعيس
ليه جنبت الحجاز وتنتخي ب الدوحه
انشد محمد سند من حارب الاجنابي
غلطتك هاذي علينا غلطتن مسموحه
خوتي معكم طويلها مابه مجنابي
الشاعر /هاني الصريبطي
انشد محمد سند مانشد ركان ودوحه
وانشده يعرف جباره يوم قط ارقابي
خوتك يصاحبي مدروسه ومشروحه
نفتخر في صيت ابوك وصيت من هو جابي
الشاعر /مسند دعيس
دام حليت اللغز والأسئله مطروحه
سقت لك كيف بيديك ايصبه الصبابي
ودي اشوفك مثل قصرن تعلا صروحه
ولا هاني لانشوفه يدخل الابوابي
الشاعر / هاني الصريبطي
نوح مع صوت الحمام اللي تعلا نوحه
ويش جاب ويش جاب ويش جاب وجابي
قالو ان مسند يشوح وقلت هين شوحه
في دقايق ياجماعه يعلن استجنابي
الشاعر /مسند دعيس
انت ماتدري ترى مسند كثير مزوحه
نيته ب المزح دايم تقلب القلابي
هاني ايقول معه سر(ن )ياليت يبوحه
لالقي شاعر غريب ايكشر الانيابي
الشاعر /هاني الصريبطي
انت مثل اللي يكوح الخلق كوحه كوحه
ولانمسك مع زوره ايصرف لسعني دابي
نحتمي ميقافنا من دون رده روحَه
وانت يامسند بعدها دور الاركابي
الشاعر /مسند دعيس
يالغشيم اللي تزوح الشاص ليه تزوحه
انزل من الشاص واركبك في دبابي
مسند ابن دعيس يده ماهي بمشحوحه
ساحة الميدان ينزله مع الاحبابي
الشاعر/ هاني الصريبطي
حاكمين الجيب بالوعرات والممسوحه
وانت بالثنتين يامسند ترا خيابي
ارفع ارقبتك لاتنزلها كما المكسوحه
تنكسح باسباب كانت او بدون اسبابي
الشاعر/مسند دعيس
كان شفت الخط حظك يارفيقي روحه
بس انا احذرك لاتقرب من الاشنابي
ياعسى هاني يعيش ويهتني بفروحه
والسوالف مزح لاغالب ولا غلابي
رد مع اقتباس
المفضلات