فديت قلبك يا يمه .... قولولي سلامات ....

السلام عليكم

/

/

راااح اتكلم بلغتنا العاميه فعذرااا

حبيت اقولكم اليوم موقف صار لي وأثر فيني لدرجه اني وانا أكتب الحين دموعي تنزل ومو قارده اتحكم بها وهو اني رحت آزور أمي الله يخليها ويطول بعمرها ويعطيها الصحه والقوه دخلت عليها وهي بالمطبخ قاعده تسوي الغدى والدخان واصل لبرع البيت كسرت خاطري في ذي الجو الحار تطبخ بروحها وكان الغدى سمك وعيش شيلاني يعني عيش أبيض ..
المهم مو هاذي موضوعنا قمت وساعدتها وغليت عنها السمك ماهياني قلبي اشوفها بروحه تطبخ وتحوس بالمطبخ وهي ما تحب الخدم طيب ويوم مابقى بالطابي الا سمكه شبت يعني ولعت علي النار واحترق الطابي وماعرفت وش اسوي صرخت
وجات امي تبي تطفي النار وجابت وياها قطعة قماش قلت لها : لا يمه خل نرش عليها الماي احسن صبينا الماي وخفت اشوي انا لما شفت النار تكبر خفت وخافت علي امي أكثر وخذتني وبعدتني وخذت الماي ودخلت هي تبي تطفيها والحمد لله خمدت النار أخيراا ..
وكل اللي اثر فيني ان امي بعدتني وقامت تطفيها بروحها هني ارهقت قواي وخذيت ابكي وأصيح آقول شوف شلون قلب الأم كيف تضحي بروحها وعمرها علشان عيالها وفلذات أكبادها ؟؟
للحين انا مذعوره ومومصدقه اللي صار كأنه حلم كابوس والحمد لله عدى بسلام ....

آقولكم ياأخواني وأخواتي ...

برواا آباءكم
زورهم كل يوم قعدوا معاهم طلواا عليهم شوفوهم وش يحتاجون وش يبون
أعتنوا بهم حطوهم بعيونكم
هاذي وانا متزوجه وعندي عيال وتخاف علي كيف يوم كنت صغيره

وفي النهايه

أحمد الله وأشكره انه حفظها وحفظني
والله يخلي ويطول بأعمار امهاتنا و امهاتكم جميعاا
ويرحم موتانا وموتي المسلمين

قبلة على جبين امهاتكم جميعا
وقبلة لقلوبهن

الحمدلله على سلامتك وسلامة امك والله لايفرق

اااااااه
فــعلآ قـلب الام غــير

والله والله مـاكـنت ضايـق بـيوم الا تجـيني أمي وتنـشدني ايـش الـي مكـدر خـاطري ماعمـرها بيوم تجـاهلت حـزني .
كـنت لـمن أكون زعـلان أدخـل الغـرفـه وأسكر الباب ما أكمـل دقايق الا وهـي داخـله تجلس عنـدي وتواسيني وتراضيني .
أنا أفـداكـ يـمه أنـا فـداكـ يمــه أنـافـداكـ يـمه

المـصيبته الـبعض انشغل عنها وتشاغل ويمكن تناساها وهي همها همه البعض يتأفف لو طلبت يوديها المستشفى والبعض يتثاقل لو أخذ من وقته وجلس معها بس من يصحى ويفيق.

ام علي شعورك لا يكون الا لمن كان بار وقلبه يحمل العرفان.
الله يجعلنا من البارين بوالدينا .

الله يخليكم لبعض
والأم مايتغير حبها لأبنائها
حتى لو ابنائها عقوها 0

وانت رضيت والدين والله يجزاك الجنه والحمدلله على السلامه 0

الأخت ام علي ..!

الحمـد لله على سلآمتكم ..!

وأسأل الله عـز وجـل ين يطيل في عمـر والدتكم وان يبقيكم

لها سندا وذخرا وان يرزقـهآ بركـم بهاا ..!

وأسأل الله ان يعطيك طول العمر وان يرزقكي بـر ابنآئك وبنآتك ..!

واكرر الحمد لله على سلآمتكم ..!

تقبل من اخوك جل التقدير ..!

سلامتكم أم علي وما تشوفوا شر

الله يخليكم لبعض يارب ويديم المحبه بينكم

إللي سوته يعتبر قطره في بحر

وحقيقه محد يحس بقيمه الشئ مهما كان غير لما يفقده
رحم الله آمهاتنا وحفظ الله لكم أمهاتكم