قصيدة الشاعر فيصل الدلبحي في سعادة اللواء عواد البلوي

هذه قصيدة قالها الشاعر/ فيصل الدلبحي في سعادة اللواء/ عواد بن عيد العرادي البلوي قائد حرس الحدود في المملكة العربية السعودية
صح لسان الشاعر و يستاهل ابو بدر والله يعينه و يقويه ونحن نفخر في كل رجال بلي اللي مثله و شرواه

يا هاجسي للشعر وقفه و ميعاد=وقفة وفا و احساس طيب و كرامه
عَطني من الأبيات ابياتٍ اجداد=مدحٍ ولا ابغى للعتب و الملامَه
منصاك لشيوخٍ على عِز و شداد=شيخة فِعِل ماهيب شيخة ندامه
ايوالله ايوالله بانصيك عواد=عواد عواد الكرم و الشهامه
شيخٍ على الطالات ثابت و معتاد=زعيم ما يرضى بغير الزعامه
يمناه لاكرام الرياجيل تنقاد=وفي صفحة التاريخ دَوَّن علامه
حامي حدود المملكه ضد الاوغاد=دون الوطن ياقف ويردع خصامه
قايد حرس و يدير ضباط و افراد=رجلٍ كريم و قادهم باحترامه
بقول كلمه تختصر كل الابعاد=قبل العتيبي لا يخلص كلامه
عواد بن عيد العرادي يالاجواد=عِز الذي وقته تغيَّر و ضامه

الشاعر/ فيصل بن سعيد بن مسعد الدلبحي

من يخدم دينه ووطنه باخلاص يستاهل التمجيد
وبو بدر يستاهل العلم الغانم
شكراً للشاعر فيصل
وشكراً لك ابو علي

صح لسان الشاعر على هالأبيات.....................

صح لسان الشاعر فيصل الدلبحي
واللواء عواد العرادي رجل معروف عنه الاخﻻص والتفاني في عمله خدمة لدينه ووطنه ويستاهل ابو بدر كل خير والله يعينه ويسدده ويوفقه لكل خير

صح لسان الشاعر بارك الله فيك