السلام عليكم ورحمة الله وبركاته ... وبعد
... كـتـب هـذهـ الـقـصـيدهـ الـشـاعـر : سـعـيـد بن عـيـد الـعـرادي .
.. وذلـك بـسـبـب كـثـرة الـنـاس لـشـراء الأبـل فـي وقـتـنـا الـحـاضـر وهـو لـيـس مـن أصـحـابـهـا مـع الـعـلـم بـأن مـعـظـم الـنـاس يـشـتـروها لـلـمـفـاخـرهـ فـقـط .
وكـذالـك يـتـحـدث شـاعـرنـا عـن الـرعـيـان وعـدم أهـتـمـامـهـم بـالأبـل .
أسبوع مـاشفنا البويني عسى خير "=" أبو مـحـمـد غـيبته وش وراها... فــرد عـلـيـه الـشـاعـر زايـد بن عـودهـ مـنـقـرهـ بـقـولـه :-
أثريه مـن عرض الطروش المداوير "=" يـدور البل جـعل مالله ثناها
فـزاع فـي درب النياق الخواوير "=" كـب الـدوام وراح يركض وراها
إلـيـا نخيته مـايعرف المعاذير "=" مـجـرب الدنـيا وعـارف قساها
الله يفكه مـن سـهـوم العواثير "=" فـي ديرتاً بالقيض يهلك ضماها
يا ما مشو فـي سبة البل مشاوير "=" وكـم واحداً رجليه تشكي حفاها
نـوباً مـوردهـا ونـوباً مـصادير "=" كـم عـقلة شربت غـثاريب ماها
البل هي البل بالليال المعاسير "=" يـومـن أهـلها تابعيناً هواها
يومنها تـقـطـف زهـور النواوير "=" والأرض ترعا قـفرها مـع عفاها
حـلـواً لبـنها يشربوه المسايير "=" وأكـثـر حـلاوة درها من غذاها
يـقـدمـونـه للـوجـيه المسافير "=" وأهل البيوت اللي يذري ذراها
واليوم يبغو مـن شـراها تفاخير "=" والله عليم بقصدهم مـن شراها
حـتـى يقال فـلان عـنـده مغاتير "=" واليا تـورا باعها فـي عصاها
وإن شـفـتها بشبوكها والحواكير "=" تـكره لبنها يـوم تسمع رغاها
مثل السجين اللي رمته المقادير"=" بالحبس يقضي صيفها مـع شتاها
رعيانها سـودان مـثـل الطنابير "=" يـبـغـى عشاه ولابلش في عشاها
راعي يـصـفـقـها على غير تقدير "=" ولاهـو مـن الفرحه يسبح ذراها
ولـيـا زعـل سـوا عليها صعاكير "=" وعـن الـمـفالي قاصرات خطاها
مادام يرعوها داوود وأبا الخير "=" مـاهـي بما شيتاً على مشتهاها
البل عزو عنها الرجال المناعير "=" واليوم رعيان البقر جا سراها
الوقت غـيـر الوقت قدماً وتاخير "=" ولاكـل مـن رام المعالي رقاها
ولا أقول أنا بأحداً من الناس تقصير "=" والناس محداً نال غاية مناها
هــذا ولا يـشـتـك غـيـر الـدناقير "=" وإلا هـل النخوه بعيداً مداها
وصــلاة ربي عـد مـارفـرف الـطـيـر "=" عـلى مـحـمـد كل ممطر سماها
البارحه سـهـران أديـر التفاكير "=" والعين طـول نـومـها ماهناها
مــن حــر موضـعاً لنا فيه تذكير "="هـز المشاعر لـيـن بيح خفاها
حـاولـت أعبر يوم جتنا التعابير "=" لـو كـان مـاني واصلاً مستواها
مـاجـور يامعـرم بـحـب المعاشير "=" ومـضـايـقـك بالشيك قلة حلاها
الله يجيرك من عنا الوقت بالخير "=" لـعـل نـفـسـك مايجيها عناها
لـبـيـك يانسـل الرجال المشاهير "=" ربـع الـوفا والطيب يامنتهاها
سـعـيـد في مرقاب عوج المناقير "=" أشـعـل لهايب نـار يحرق سناها
يـومـه يـصخر صادق القول تصخير "=" ويقطف من إثمار المثايل جناها
حـلـواً نـباه يسطر القاف تسطير "=" مـثـايـلاً تـنـقـاد للـي قراها
قـولـه صـواب ينور الناس تنوير "=" ويـذكـر اللي وسـط شبكه نساها
والله مالومه كـل ماشفتها تدير "=" بـشـبـوكها كـبـدي يجيها بلاها
لاشـك هـذا الوقـت فيه التغايير "=" دورات بقعا مـن سلم مـن غثاها
ويـن السنين الماضيات المدابير "=" يـومـن راعي الذود يمشي وراها
يـامـاحلا وأن وردوها على البير "=" رعيانها تسمع على الماء حداها
ترد على الماء محينات المواخير "=" عـلـى العـدود اللي كبار دلاها
هــذي تـعـل وذيـك تقفي مصادير "=" لاقـادة القعـده وسـاقـة وراها
وإن أرزمـت حـيرانها والمصاغير "=" يـطرب لها اللي مشتقي في غلاها
ولــكـم مـنـي أزكـى تـحـيـه وأرق سـلام ودومـا وأبداً إلـى الأمـام
أطيب الـمُـنــى ...
سـلـمـان الـعـرادي
المفضلات