تستخدم للسب والشتم.!!! 
<span style='color:darkred'><div align="center">السلام عليكم ...
مقدمة / توني في منتدى واقرأ موضوع ( هوشة ) بين الاعضاء وتحمست وابي اتهاوش معاهم ...
بس للأسف سجلت في المنتدى ولم يتم التفعيل ...
مع ملاحظة اني ما اعرف ولا عضوووو بس الله يكفيكم الشر ( الطبع غلاب )
<<== خير وش مناسبة هالمقدمة ؟؟
لا ابد بس حبيت اشارك بموضوع فيه شوية ( اكشن ) بس الله يستر والآن نبدأ ...
بالنسبة للشريط المتحرك في القنوات الفضائية بغرض التواصل بين المشاهدين ... بصراحة
الموضوع ما يستاهل اي نقاش ... وياليت اقدر استوعب ما يجول بخاطر هؤلاء المشاهدين ؟؟
اذا كان اهداء ... فيه طرق ثانية افضل من القنوات الفضائية واضمن للتوصيل ( توصيل
الاهداء )
<<== خاف تفهمون غلط على بالكم توصيل مطاعم
اذا كان تشبيك بنات وترقيم ... اقول والله من قل الدبرة خلال عشر دقائق بأي شات تقدر ترقم خمسين بنت ... لا هذا اذا هن ما رقمنك .. ههههههههه
( مع تحفظي على مبدأ المغازلة )
اذا كان الغرض التسلية ... والله ما اعتقد انه فيه تسلية من ورااا الخمسة ريال يوم تجتمع لك بالفاتورة وتشوف التسلية على اصولها ...
الخلاصة ... اجزم ان كل من يرسل يتراوح عمرة ما بين 14 سنه و 17 والجوال سارقه من
اخته والا من الوالدة وهي ما تدري ... ولو تلاحظون ان الشخص المرسل يقعد يصرقعنا كم
يوم بالشريط ومسوي حالة فارس الاحلام ... اسبوووع والا اسبوعين ويختفي ... بعدها لو
يجيبون صورته تلاقي تحت عينة الوان زرقااا وخضرااا وحمرااااا ... مو اشارة مرور الله
يعافيكم ... بس هذا يوم جت الفاتورة ابوه من المفاجئة رفع ايده وجت ( بالغلط ) بوجه دنجوان
زمانة فارس الاحلام ..
والله بالنسبة لي ... انا ما اقرأ الشريط المتحرك ... من الاصل ما اشوف هالقنوات الإستغلالية
ومن ناحية ثانية ........ عن جد ( استحقر )اللي يتفرج عليها ولو لمجرد حب الاستطلاع ....
<<== اذا ما تتفرج شلون جبت هالمعلومات انت ووجهك ؟؟
احم احم الصراحة اني ابتليت بمجموعة من اصحابي يتفرجون عليها وكل شوي يقولون لي
شوف شوف فلان وش يقول ... مالت عليكم وعلى فلان وعلى اللي يجلس عندكم <<== من اول ما جااا وهو يدور الهواش لحد يوقف بطريقه
الف تحية ...</div></span>
المفضلات