الشاعر سالم البلوي
صح لسانك
ابيات تنبعث من اصالة شعريه راقيه وجمال اللحن والصياغه
الله يعطيك العافيه ويبيض وجهك
وتقبل سلامي
ليه ابتسم
ليه ابتســـم يارفيقي وانت عارف جعل عمــرك يطول=دام السعاده غـــدت ذكـرى وأنا عايــش على أطلالها
اخفي جـــروحي عن العــالــم وأدوِّر للمشاكل حلــول=والنار من حر مابي صــرت أحس اني على جالـــها
وشـــلون أبســـلى وأنا بين الحنايا مثل قــرع الطبول=والهــم خيــَّم عـــليْ وْمـا بقــالي حـيـــله أحتــــالـــها
والعمــر ياصاحبي كـنه زجاجــه فوق راس مْهـبــول=والصبر هو حيــلة اللي ضاعـت أحــلامــه ولا نـالــها
أصـرخ ويرجع صداي ومن سمـــع به فـــز كله ذهول=فــــزة مـــره مــنــذبح قدامـــها واحـــد من عيــالــها
وإن قلت لي وين صبرك قلت أنا صابر ومازلت أقول=مافيه حــاجه بها الدنــيــا تبى تبقــــى على حـــالــــها
يســـوقني ياوسيع العرف همي مثــــل سوق الذلـــول=وأهل الحــــسد والفـتـــن..... ياخوك فال الله ولا فالها
كـــم قلت لك يارفيقي وأنت أعدك من رجال ٍ زحول=وش فـــايدة دلـــة الرســـلان لـــو ماسِيــق فنجــــالها
وإن غــابت الشمس قبل آقــول بكره هم قلبي يــزول=جــات الهمــوم تْــعَــدي كالأحصـنه واللـــيل خــيـَّــالها
وأستدرجتــني على درب الضيــاع وْصــرت شبه مْعزول=عن عالمي وإعــتراني خــوف من دنيــــاي وأهـــوالــها
والفــرحه اللي لها عامين في صــدري تصــول وتجــول=كــشّــــر زمــاني عن انيــابه وجــاها غـــــدر وأغــتالها
أحيان احس الصبر ضيعة عـــنا لي ... والمــقابيل غــول=وأحيان أحس الفقر نعمـــه واعـــاف النـــــاس واموالــها
قلت اه ياقلب لا تحـــزن ولا يزعــجك هــــــرج العــذول=ماقـــلت لك خـــلك بحالك وخــــل النـــاس في حالـــها
كن الحشى فيه طعن رمــاح وسيـــوف ٍ لجيش المغــول=تزاحمـــــت لين مل الصـــــدر منـــها والدمـــا ســالـها
ماكـــني إلا وحــــيد ٍبالقـفــــار وْمــا حَــــــَوالي ْ زول=وهموم عمــــري لــو أحكيـــها جـبـين الحـــــر ينـدالها
وإن وقفت خطوتي وإحتار عقلي بين رفــض وقبـــول=لْــمواصلة رحلتي قــــال الحــكيم .. إرجـــــع وحنا لها
هذي معــــاناة عمري يارفــــيقي كل ما حـــــال حــول=الدمع بقفـــــايها والحـــــــــزن واللــــوعـــات بقبــــالها
حل الخــــريف وغشى ورد الحدايق والمزارع ذبـــــول=والشمس لو عزت اغصـــــان الشجر ماعــــزت ظلالها
ليه ابتسم يارفيــقي وانت عارف جعل عمرك يطــــــول=دام السعاده غـــدت ذكرى وانا عايـــش على أطـــلالها
سالم البلوي
التعديل الأخير تم بواسطة ســالـم البــــــلوي ; 05-27-2013 الساعة 12:35 AM
إذا نصب أحدهم عليك
فأعلم انه محتال !!!
وإذا نصب عليك مرة ً أخرى
فأعلم انك ..مغفل
الشاعر سالم البلوي
صح لسانك
ابيات تنبعث من اصالة شعريه راقيه وجمال اللحن والصياغه
الله يعطيك العافيه ويبيض وجهك
وتقبل سلامي
التعديل الأخير تم بواسطة عيد بن قيضي الوابصي البلوي ; 05-29-2013 الساعة 11:27 PM
سالم البلوي
صح لسانك واعتلا شانك
ابيات تفووووووووح منها رائحة الشعر الحقيقي
ابدعت في اختيار المفردات المناسبه والالفاظ السلسه في كتابة القصيده
اشكرك من الاعمااااااق واتمنا لك التوفيق
صح لساااانك على هالأبياااات،،،،،،
الذين يشاهدون الموضوع الآن: 2 (0 من الأعضاء و 2 زائر)
المفضلات